ព័ត៌មានជាតិ
មនុស្សជាង ៤ ម៉ឺននាក់នៅបន្ទាយមានជ័យ ទទួលស្វាគមន៍ពិធីដង្ហែព្រះអគ្គិជ័យកីឡាស៊ីហ្គេម
មហាជនប្រមាណជា ៤ មុឺននាក់ឈរអមសងខាងផ្លូវអបអរសាទរ និងចូលរួមដងង្ហែទទួលក្បួនព្រះអគ្គិជ័យកីឡាស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ មកដល់ខេត្តបន្ទាយមានជ័យនៅព្រឹកថ្ងៃទី ២ ខែឧសភា។
ពិធីដង្ហែភ្លើងគប់កីឡាដឹកនាំដោយលោក នី ផល្លី រដ្ឋលេខាធិការក្រសួងទេសចរណ៍ និងជាតំណាងគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ បានដង្ហែរព្រះអគ្គិជ័យកីឡាពីរខេត្តបាត់ដំបងដោយអភិបាលខេត្តបាត់ដំបងលោក សុខ លូ ឆ្ពោះមកកាន់ខេត្តបន្ទាយមានជ័យត្រងព្រំប្រទល់ខេត្តមានការទទួលស្វាគមន៍យ៉ាងរាក់ទាក់ពីសំណាក់លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ព្រមទាំងកងកម្លាំងទាំងបី និងប្រតិភូអមដំណើរជាច្រើនទៀត។
ទិដ្ឋភាពមហាជនយ៉ាងច្រើនកុះករក្មេង ចាស់ ប្រុសស្រី មន្រ្តីរាជការ កងកំលាំងប្រដាប់អាវុធបុគ្គលិក សិស្ស និស្សិត លោកគ្រូ អ្នកគ្រូ ឈររងចាំទទួលត្រៀបត្រាអបអរសាទរ ប្រកបដោយស្នាមញញឹមជឿជាក់លើភាពជាម្ចាស់ផ្ទះ តាមរយៈក្បួនដង្ហែព្រះអគ្គិជ័យកីឡា ដែលអញ្ចើញ មកដល់ខេត្តបន្ទាយមានជ័យ ដើម្បីបន្តទៅខេត្តសៀមរាបហើយត្រៀមអបអរសាទរកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះ។
សូមបញ្ជាក់ថា ព្រឹត្តិការណ៍នៃការប្រកួតកីឡាស៊ីហ្គេមលើកទី៣២ ដែលនឹងចាប់ផ្តើមពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ និងកីឡាអាស៊ានប៉ារ៉ាហ្គេមលើកទី១២ ពីថ្ងៃទី ៣ ដល់ថ្ងៃទី៩ ខែមិថុនា ឆ្នាំ២០២៣ គឺជាព្រឹត្តិការណ៍ដ៏សំខាន់ដែលកម្ពុជារង់ចាំអស់រយៈពេលជាង៦០ឆ្នាំកន្លងមកហើយនោះ ត្រូវបានចាត់ទុកជាព្រឹត្តិការណ៍ប្រវត្តិសាស្ត្ររបស់កម្ពុជា ដែលកម្ពុជាត្រូវទទួលធ្វើជាម្ចាស់ផ្ទះនៃការប្រកួតកីឡានេះ ដែលបង្ហាញឱ្យឃើញនូវភាពអស្ចារ្យមួយកម្រិតទៀត ក្នុងពេលដែលប្រទេសកម្ពុជាយើង បាននិងកំពុងយុទ្ធនាការ ឆ្នាំទស្សនាកម្ពុជា ២០២៣ គ្រប់ថ្ងៃគឺជាអច្ឆរិយកីឡាគាំទ្រទេសចរណ៍ ទេសចរណ៍គាំទ្រកីឡា និងការលើកកម្ពស់ទេសចរណ៍លើកកម្ពស់កីឡា៕
អត្ថបទ៖ អពៅ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត