ព័ត៌មានជាតិ

លោក សុខ ទូច ខកចិត្តអ្នករានដីនិងកាប់បំផ្លាញកូនឈើនៅឧទ្យានតេជោសែនឫស្សីត្រឹប

បានផុស

១០ ខែ មុន

នៅ

ថ្ងៃសុក្រ ១២ ឧសភា ២០២៣

ដោយ

លោកបណ្ឌិត សុខ ទូច ប្រធានរាជបណ្ឌិតសភាកម្ពុជាបានអះអាងថា លោកមានគម្រោងដាំដើមឈើឱ្យបាន ១លានដើម នៅឧទ្យានរាជបណ្ឌិតសភាកម្ពុជា តេជោសែន ឫស្សីត្រឹប តែមកទល់ពេលនេះ បែរជាត្រូវបំផ្លាញចោលស្ទើរគ្រប់ទិសទីទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្ដាញសង្គមហ្វេសប៊ុកជាផ្លូវការរបស់លោក សុខ ទូច កាលពីថ្ងៃទី០៨ ខែឧសភា ប្រធាននៃរាជបណ្ឌិតសភាកម្ពុជា បានបង្ហាញពីការហួសចិត្តការកាប់បំផ្លាញស្ទើរគ្រប់ទិសទីកូនឈើ នៅក្នុងឧទ្យានរាជបណ្ឌិតសភាកម្ពុជា តេជោសែន ឫស្សីត្រឹប។

ក្នុងនោះលោក សុខ ទូច បានរៀបរាប់ថា «យើងមានគម្រោងដាំដើមឈើឱ្យបានមួយលានដើម នៅឧទ្យានរាជបណ្ឌិត្យសភាកម្ពុជា តេជោសែន ឫស្សី ត្រឹប តែត្រូវអ្នកបំផ្លាញគ្រប់ទិសដូចជា ដុតព្រៃ រានយកដី លែងសត្វពាហនៈឱ្យចូលស៊ីបំផ្លាញ»។ លោក សុខ ទូច នៅតែបន្តអះអាងថា «យើងមិនបន្តឱ្យដាំទៀតទេ គឺយើងអភិរក្សនៅដើមឈើដែលមាន»។

ទីតាំងមួយកន្លែងនៅក្នុងទ្យានរាជបណ្ឌិត្យសភាកម្ពុជាតេជោសែន ឫស្សីត្រឹប កន្លងមកធ្លាប់មានការចូលរួមដាំដោយគណអភិបាលខេត្តព្រះវិហារ, គណអភិបាលខេត្តកំពង់ស្ពឺ, ថ្នាក់ដឹកនាំនិងមន្ត្រីនៃបណ្ឌិត្យសភាកម្ពុជា ព្រមទាំងសិស្ស និស្សិត និងមន្ត្រីមូលដ្ឋានជាច្រើននាក់ផងដែរ។ តែមកដល់ពេលនេះ បែរជាមានអ្នកមកកាប់បំផ្លាញចោលកូនឈើទាំងអស់នោះ ហើយប្រែមកជាដាំដំឡូង និងដើមស្វាយចាន់ទីទៅវិញ។

លោក សុខ ទូច បានបន្តថា ការខិតខំប្រឹងប្រែងនៅក្នុងការដាំកូនឈើ ដូចជាកូនធ្នង់ កូនបេង ជាច្រើនដើម្បីបន្សល់ទុកដល់កូនខ្មែរជំនាន់ក្រោយ តែជាត្រូវរានដៃកាប់បំផ្លាញចោលទៅវិញ៕

Related Topics:លោក សុខ ទូច