ព័ត៌មានជាតិ

លោក ស ថេត គំរាមចាត់វិធានការចំពោះអ្នកសារព័ត៌មានណា ដែលមិនស្តាប់ការណែនាំរបស់សមត្ថកិច្ច

បានផុស

៥ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

ភ្នំពេញ ៖ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានគំរាមចាត់វិធានការ ចំពោះអ្នកសារព័ត៌មានមួយចំនួនចូលថត ឬឡាយ សកម្មភាពទាំងឡាយណាដែលសមត្ថកិច្ចកំពុងតែអនុវត្តការងារ ឬ កំពុងតែធ្វើការតាមដាន ស្រាវជ្រាវកំណត់មុខសញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ឯក បានថ្លែងនាព្រឹកថ្ងៃទី២១ ខែមករា ឆ្នាំ២០២១ ខណៈអញ្ជើញដឹកនាំកិច្ចប្រជុំ ស្តីពីការកែសម្រួល ក្រុមប្រតិបត្តិការ បង្ក្រាបបទល្មើសពាក់ព័ន្ធការងារ សន្តិសុខ ព្រហ្មទណ្ឌ គ្រឿងញៀន ការជួញដូរមនុស្ស អន្តោប្រវេសន៍ និងល្បែងស៊ីសងខុសច្បាប់ក្នុងរាជធានីភ្នំពេញ។

សមាសភាពចូលរួមក្នុងកិច្ចប្រជុំនេះរួមមាន លោក ប្រធាន និងអនុប្រធាន ក្រុមការងារ ដើម្បីទទួលមតិណែនាំល្អៗ របស់ឯកឧត្តម ស្នងការ អំពីរបៀបចំផែនការនៃការតាមដាន ស្រាវជ្រាវ រហូតឈានដល់ការបង្ក្រាប ទីតាំងប្រកបដោយប្រសិទ្ធភាព។

ជាកិច្ចបញ្ចប់ឯកឧត្តមស្នងការបានធ្វើការណែនាំដល់មន្ត្រីអនុវត្តច្បាប់ទាំងអស់ ត្រូវធ្វើការងារឲ្យបានច្បាស់លាស់ ហាមមិនឲ្យ អ្នកសារព័ត៌មានមួយចំនួនចូលថត ឬឡាយ សកម្មភាពទាំងឡាយណាដែលសមត្ថកិច្ចកំពុងតែអនុវត្តការងារ ឬ កំពុងតែធ្វើការតាមដាន ស្រាវជ្រាវកំណត់មុខសញ្ញាល្មើស បង្ក្រាបបទល្មើស ក៏ដូចជាកំពុងធ្វើការជំនាញសំខាន់ផ្សេងៗទៀត។ ចំពោះអ្នកដែលបំពាន មិនស្តាប់តាមការណែនាំរបស់សមត្ថកិច្ច នោះសមត្ថកិច្ចនឹងចាត់ការតាមវិធានការច្បាប់ ក៏ដូចជាច្បាប់សារព័ត៌មាន៕

កែសម្រួលដោយ ៖ នាគព័ន្ធ