ព័ត៌មានជាតិ
មន្ត្រីយោធាម្នាក់សាងសង់សំណង់ខុសច្បាប់ អាជ្ញាធរចុះពិនិត្យឱ្យវាយចោល
នៅព្រឹកថ្ងៃទី៧ ខែកក្កដាឆ្នាំ២០២៣នេះ លោក ហោ ឆែ អភិបាលរងក្រុងបានលុងបានចុះទៅពិនិត្យការសាងសង់សំណង់រឹងមាំមួយកន្លែងរបស់មន្ត្រីយោធាម្នាក់ស្ថិតនៅក្នុងភូមិថ្មដា សង្កាត់បឹងកន្សែង ក្រុងបានលុង ខេត្ដរតនគិរី។
សំណង់ដែលទើបតែសាងសង់ថ្មីមានចំនួនពីរបន្ទប់ថែមទៀត គឺតភ្ជាប់ពីសំណង់ចាស់ដែលមានចំនួន១០បន្ទប់នៅមាត់បឹងកម្សាននោះ។ កម្លាំងក្រុងបានពិនិត្យឃើញថា មិនមានច្បាប់អនុញាតរួចក៏ធ្វើកំណត់ហេតុឲ្យលោក ហាក់ ប៊ុនថន ដែលជាម្ចាស់សំណង់ផ្ដិតមេដៃដើម្បីវាយសំណង់នោះចោល។
ប៉ុន្ដែនៅចំពោះក្រុមការងារ លោកហាក់ ប៊ុនថន ទទួលស្គាល់ថា ខុសច្បាប់មែនតែនៅបានស្នើសុំមន្ត្រីដែលចុះទៅបំពេញការងារនោះថា សុំរក្សាទុកសំណង់ថ្មីពីរបន្ទប់នោះដោយលើកហេតុផលថាដើម្បីការពារដីបាក់ចូលទឹកបឹង។ តែមន្ត្រីថា បើចង់រក្សាសំណង់នោះទុក មានតែលោក ហាក់ ប៊ុនថន ឱ្យទៅសុំអភិបាលក្រុង។
លោ ធូ ឃឿ អភិបាលក្រុងបានលុងបានប្រាប់ឲ្យដឹងថា ករណីខាងលើក្រុមការងារនៅមិនទាន់បានបញ្ជូនរបាយការណ៍ដែលពាក់ព័ន្ធសំណងនោះមកឲ្យលោកពិនិត្យមើលនៅឡើយទេ ហើយម្ចាស់សំណង់ឈ្មោះហាក់ ប៊ុនថន ក៏មិនទាន់ដាក់លិខិតមកខាងសាលាក្រុងដែរ។
លោកអភិបាលក្រុងបានបញ្ជាក់ថា លោកមិនចង់ឃើញគេសង់ផ្ទះនៅជាប់មាត់បឹងនាំឲ្យប៉ះពាល់បរិស្ថាននិងសោភ័ណ្ឌភាពបឹងនោះឡើយ លោកមិនគាំទ្រកាធ្វើសំណង់ខុសច្បាប់នៅជាប់មាត់បឹងនោះទេ ទោះបីយ៉ាងណាយើងត្រូវតែការពារថែរក្សាសម្បត្ដិជាតិឲ្យនៅគង់វង្សយូរអង្វែងតរៀងទៅ៕
អត្ថបទ៖ វុទ្ធឦសាន
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១២ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ជីវិតកម្សាន្ដ១៧ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ១៣ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល