ព័ត៌មានជាតិ
ដីចម្ការធ្នង់ប្រមាណ១០ ហិកតានៅតំបន់ភ្នំទូកមាសត្រូវគេព័ទ្ធរបងលួសរំលោភយក
ប្រជាពលរដ្ឋរស់នៅក្នុងឃុំស្វាយរំពារ ស្រុកកំពង់លែង ក្រោយពីបានឃើញគេព័ទ្ធរបងលួសរំលោភយកដីចំការធ្នង់ប្រមាណ១០ហិកតាស្ថិតនៅចំណុចត្រាច ៥ ដើម ជិតភ្នំរងៀង ក្នុងតំបន់ប្រើប្រាស់ច្រើនយ៉ាងភ្នំទូកមាស ដែលគ្រប់គ្រងដោយមន្ទីរបរិស្ថាន ប៉ុន្តែមិនឃើញមន្ត្រីជំនាញចំណាត់ការនៅព្រឹកថ្ងៃទី ១៥ ខែសីហានេះ បាននាំក្រុមអ្នកយកព័ត៌មានយើងទៅថតផ្ដិតយករូបភាពដើម្បីរាយការណ៍ជូនអាជ្ញាធរ និងមន្ត្រីជំនាញជួយចំណាត់ការ។
ប្រជាពលរដ្ឋអ្នករាយការណ៍បានឲ្យដឹងថា ពួកគាត់បានឃើញគេព័ទ្ធរបងលួសយកដីចម្ការធ្នង់នេះអស់រយៈពេល ៣ ខែហើយ ខណៈក្រុមអ្នកកាសែតក៏ធ្លាប់បានបាញ់រូបភាព និងរាយការណ៍ជូនមន្ត្រីមន្ទីរបរិស្ថានខេត្តខេត្តផងដែរកាលពីខែមុន ប៉ុន្តែមកដល់ពេលនេះមិនទាន់ឃើញចំណាត់ការនៅឡើយ។
ពេលក្រុមអ្នកយកព័ត៌មានទៅដល់ចំណុចនេះបានពិនិត្យឃើញនៅតំបន់នេះមានដើមធ្នង់ធំៗដុះស្រោងរាប់ពាន់ដើម
ពិតជាល្អណាស់ បើសិនជាយើងរក្សាឲ្យគង់វង្សតំបន់នេះអាចក្លាយទៅជាតំបន់ទេសចរណ៍ធម្មជាតិ គួរឲ្យទាក់ទាញមិនគួរគេមិនដែលបណ្ដោយឱ្យជនខិលខូចព័ទ្ធរបងយកបែបនេះឡើយ។
តាមប្រភពពីប្រជាពលរដ្ឋអ្នកព័ទ្ធរបងយកចំការធ្នង់នេះ គឺជាមន្ត្រីនគរបាលមានអំ ណាចម្នាក់ មិនគួរបំពានរំលោភយកដីក្នុងដែនបរិស្ថានគ្រប់គ្រងមនុស្សឡើយ។
ទាក់ទងនឹងករណីនេះ អភិបាលស្រុកកំពង់លែង លោក យ៉ែមលក្ខិណា បានឲ្យដឹងថា ដីនៅចំណុចនេះមួយចំនួនជាស្រែដែលប្រជាពលរដ្ឋធ្លាប់អាស្រ័យផលអាជ្ញាធរ និងមន្ត្រីជំនាញមានគម្រោងកាត់ឆ្វៀលជូនពួកគាត់។ ដោយឡែកដីដែលមានដើមធ្នង់ច្រើនត្រូវគេព័ទ្ធយកនេះ នៅជិតដីស្រែដែលត្រៀមនឹងកាត់ឆ្វាលឲ្យ ហើយតាមលោកដឹងអ្នកព័ទ្ធរបងយកដីនេះគឺជាមន្ត្រីនគរបាលក្រសួងម្នាក់។
ទាក់ទងនឹងករណីនេះលោក យូ សុគម នាយកគ្រប់គ្រងតំបន់ប្រើប្រាស់ច្រើនយ៉ា ងភ្នំទូកមាសនិងភ្នំកង្រី នៃមន្ទីរបរិស្ថានខេត្តកំពង់ឆ្នាំងបានបញ្ជាក់តាមទូរសព្ទឱ្យដឹងថា ករណីនេះលោកបានដឹងហើយនិងបានជូនដំណឹងឲ្យម្ចាស់ដែលបានព័ទ្ធរបងរំលោភយកដីបរិស្ថាននៅចំណុចនេះត្រូវតែរុះរើរបងនោះចេញវិញ។
ករណីដែលមិនព្រមរុះរើរបងនេះចេញទេនោះ មន្ត្រីជំនាញ និងចុះទៅរុះរើចោល ដោយមិនទទួលខុសត្រូវក្នុងការបាក់បែកខូចខាត ឬបាត់បង់នោះឡើយ។
ចំពោះប្រជាពលរដ្ឋវិញយល់ថា ការព័ទ្ធរបងយកដីបរិស្ថានរបស់រដ្ឋគឺជាទង្វើល្មើសច្បាប់ ដែលត្រូវតែចំណាត់ការតា មផ្លូវច្បាប់មិនគួរយោគយល់ឬលើកលែងនោះឡើយ។
ព្រោះករណីនេះវាជាគំរូអាក្រក់ដល់ជនដទៃទៀតយកគំរូតាម គឺបើគេយកបាន យើងក៏យកបានដែរ។ រឿងនេះមន្ត្រីជំនាញគួរតែចាត់ការតាមច្បាប់ជាបន្ទាន់ មិនគួរបណ្ដែតបណ្ដោយឱ្យខាតពេលយូរនោះឡើយ៕
អត្ថបទ៖ ឈៀងថារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល