ព័ត៌មានជាតិ

ឃាត់ខ្លួនសន្តិសុខម្នាក់ក្រោយលួចម៉ូតូបុគ្គលិកក្រុមហ៊ុន

បានផុស

៤ years មុន

នៅ

ថ្ងៃចន្ទ ១ កុម្ភៈ ២០២១

ដោយ

ជនសង្ស័យម្នាក់ក្នុងចំណោម២នាក់ ត្រូវបានកម្លាំងនគរបាលប៉ុស្ដិ៍អូរបែកក្អម នៃអធិការដ្ឋាននគរបាលខណ្ឌសែនសុខ ធ្វើការឃាត់ខ្លួនករណីលួចម៉ូតូ ។

សមត្ថកិច្ចនគរបាលខណ្ឌសែនសុខប្រាប់អោយដឹងថា កម្លាំងនគរបាលប៉ុស្តិ៍រដ្ឋបាលអូរបែកក្អមកាលពីម៉ោង២១និង០០នាទី យប់ថ្ងៃទី៣១ ខែមករា ឆ្នាំ២០២១ បានឃាត់ខ្លួនជនសង្ស័យម្នាក់ករណីលួចម៉ូតូ នៅចំណុចចំណតដាក់ម៉ូតូក្រុមហ៊ុន ហុងកុងត្រេនប្រូសឺវីស ផ្លូវសហព័ន្ធរ៉ុស្ស៊ី ភូមិទ្រុងមាន់ សង្កាត់អូរបែកក្អម ខណ្ឌសែនសុខ បង្កដោយជនសង្ស័យ២នាក់ ក្នុងនោះគេចខ្លួនម្នាក់ឈ្មោះ ម៉ៅ កាលពីថ្ងៃទី៣០ ខែមករា ឆ្នាំ២០២១ ម៉ោង២២ និង៣២នាទី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យដែលត្រូវឃាត់ខ្លួនឈ្មោះ សឿន សុខ ភេទប្រុស អាយុ៤០ឆ្នាំ ជនជាតិខ្មែរ មុខរបរ សន្តិសុខ យាមនៅចំណុចកើតហេតុ ស្នាក់នៅបន្ទប់ជួល ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ (គ្មានសារធាតុញៀន) ។

ជនសង្ស័យបានធ្វើសកម្មភាពលួចយកម៉ូតូ១គ្រឿងម៉ាក សេ១២៥ ពណ៌ខ្មៅ ផលិតឆ្នាំ២០១៨ ពាក់ស្លាកលេខ កំពង់ឆ្នាំង1M-7223 របស់ជនរងគ្រោះឈ្មោះ សាក ច័ន្ទណាវង្ស ភេទប្រុស អាយុ២៨ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន ហុងកុងត្រេនប្រូសឺវីស ស្នាក់នៅផ្ទះលេខ១៨ ផ្លូវ២៧៨សង្កាត់បឹងកក់២ ខណ្ឌទួលគោក ។

បច្ចុប្បន្ន ជនសង្ស័យសមត្ថកិច្ចកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕

អត្ថបទ ៖ រ៉ាវុទ្ធ