ឯកឧត្ដមបណ្ឌិត ហ៊ុន ម៉ាណែត ណែនាំឲ្យរៀបចំមន្ត្រីបច្ចេកទេសកសិកម្មឃុំចាប់ពីឆ្នាំ ២០២៣នេះតែម្ដង

នាយករដ្ឋមន្ត្រីនៃកម្ពុជា ឯកឧត្ដមបណ្ឌិត ហ៊ុន ម៉ាណែត បានណែនាំឲ្យរៀបចំមន្ត្រីបច្ចេកទេសកសិកម្មឃុំចាប់ពីឆ្នាំ ២០២៣​នេះតែម្ដង ដោយមិនចាំបាច់ដល់ឆ្នាំ ២០២៤នោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណែនាំនេះ គ្រាដែលឯកឧត្ដមបណ្ឌិត ហ៊ុន ម៉ាណែត អញ្ជើញចុះជួបសំណេះសំណាលជាមួយកម្មករ-និយោជិតជិត ២ម៉ឺននាក់ នៅក្រុងតាខ្មៅ ខេត្តកណ្តាល នៅព្រឹកថ្ងៃទី ១ ខែកញ្ញា ឆ្នាំ ២០២៣នេះ។

ឯកឧត្ដមបណ្ឌិត ហ៊ុន ម៉ាណែត មានប្រសាសន៍ថា ឯកឧត្ដម បានណែនាំឲ្យរៀបចំមន្ត្រីបច្ចេកទេសកសិកម្មឃុំភ្លាមៗ នៅក្នុងឆ្នាំ ២០២៣នេះ ដោយមិនបាច់ដល់ឆ្នាំ ២០២៤ឡើយ។

នាយករដ្ឋមន្ត្រីកម្ពុជា បានថ្លែងបែបនេះថា «ហើយការដាក់ពង្រាយមន្ត្រីបច្ចេកទេសកសិកម្មនោះ ខ្ញុំមិននិយាយទៀតទេ គឺយើងរៀបចំហើយ យើងអាចចាប់ផ្ដើមមួយចំនួននៅក្នុងឆ្នាំនេះតែម្ដង​ ដោយមិនបាច់ឆ្នាំក្រោយទេ ២៥០នាក់ ព្រោះកន្លងទៅយើងមានចចារក្នុងគោលនយោបាយ ដាក់ ២០២៤ ហើយ ២០២៥ បានដាក់អនុវត្ត ​បានខ្ញុំជម្រាបទៅឯកឧត្ដមអគ្គបណ្ឌិតសភាចារ្យ ហើយជជែកជាមួយឯកឧត្ដម ឌិត ទីណា ថា កុំចាំប្រជាពលរដ្ឋយើងត្រូវការបន្ទាន់ រៀបចំទៅ អញ្ចឹងយើងអាចចាត់ចែង ចាប់ផ្ដើមពីឆ្នាំ ២០២៣នេះទៅ ដើម្បីអនុវត្តតែម្ដង»៕