Connect with us

ព័ត៌មានជាតិ

៨ ខែ ឆ្នាំនេះ រន្ទះបាញ់បណ្ដាលឲ្យមនុស្សស្លាប់-របួសជាង ១០០ នាក់ និងងាប់គោក្របីជិត ៩០ ក្បាល

បានផុស

នៅ

គ្រោះ​រន្ទះបាញ់​ក្នុង​រយៈពេល ៨ ខែ ឆ្នាំ ២០២៣ នេះ បាន​កើត​ឡើង​ជាង ១០០ លើក បណ្តាល​ឲ្យ​មនុស្ស​ស្លាប់​ប្រមាណ​ជាង ១០០ នាក់ និង​ងាប់​គោក្របី​ជិត ៩០ ក្បាល ព្រម​ទាំង​បំផ្លាញ​ផ្ទះ​ជិត ១០ ខ្នង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹម​កុល​មុនី អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​បាន​មាន​ប្រសាសន៍​នៅ​ព្រឹក​ថ្ងៃទី ០២ កញ្ញា នេះ​ថា ចាប់ពី​ខែ​មករា រហូតដល់​ខែ​សីហា ឆ្នាំ ២០២៣ បាតុភូត​រន្ទះបាញ់​បាន​កើតឡើង​ចំនួន ១០៩ លើក នៅ​រាជធានី​ខេត្ត​ចំនួន ២២ លើក​លែង​ខេត្ត​កែប កោះកុង​និង​ខេត្ត​មណ្ឌលគីរី បាន​បណ្ដាល​ឲ្យ​មនុស្ស​ស្លាប់​ចំនួន ៦៤ នាក់ រងរបួស ៤៩ នាក់ ងាប់​គោក្របី ៨៨ ក្បាល និង​ឆេះ​ផ្ទះ ៩ ខ្នង។

លោក​បាន​បន្ត​ថា ក្នុងចំណោម​អ្នកស្លាប់ និង​របួស​ជាង ១០០ នាក់ ក្នុង​នោះ​នៅ​ខេត្ត​កំពង់ធំ​ស្លាប់​ច្រើន​ជាង​គេ មាន​ចំនួន ៩ នាក់ រង​របួស ៨ នាក់ ខេត្ត​ក្រចេះ​ស្លាប់ ៨ នាក់ របួស ១៦ នាក់ ខេត្ត​បាត់ដំបង​ស្លាប់ ៧ នាក់ របួស ៣ នាក់ ខេត្តសៀមរាប​ស្លាប់ ៦ នាក់ និង​របួស ៦ នាក់ ខេត្តព្រៃវែង​ស្លាប់ ៤ នាក់ ខេត្ត​ពោធិ៍សាត់​ស្លាប់ ៤ នាក់ ខេត្ត​បន្ទាយមានជ័យ​ស្លាប់ ៣ នាក់ តាកែវ​ស្លាប់ ៣ នាក់ ខេត្ត​ស្ទឹងត្រែង​ស្លាប់ ៣ នាក់ ខេត្ត​កណ្ដាល​ស្លាប់ ២ នាក់ ខេត្ត​រតនគីរី​ស្លាប់ ២ នាក់ ខេត្ត​ឧត្តរមាន​ជ័យ​ស្លាប់ ២ នាក់ ខេត្ត​ព្រះវិហារ​ស្លាប់ ២ នាក់ ខេត្ត​ព្រះសីហនុ​ស្លាប់ ១ នាក់ និង ខេត្ត​កំពត​ស្លាប់ ១ នាក់។

លោក​បាន​បញ្ជាក់​ថា ចំណែក​ខ្យល់​កន្ត្រាក់​ក្នុង​រយៈពេល ៨ ខែ​ឆ្នាំនេះ បាន​កើតឡើង​ចំនួន ២៥០ លើក នៅ​ទូទាំង​ប្រទេស បណ្ដាល​ឲ្យ​រលំ​ផ្ទះ​ចំនួន ១៩៣០ ខ្នង របើក​ដំបូល ១២៥០១ ខ្នង តូប​ផ្សារ​ចំនួន ៧៧ តូប សាលារៀន​ចំនួន ៨៨ ខ្នង អគារ​រដ្ឋបាល​ចំនួន ៣៨ កន្លែង ស្លាប់​មនុស្ស ៩ នាក់ និង​របួស ១៥៧ នាក់៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ នាទី មុន

ក្រុមហ៊ុន ហនុមាន ដាក់លក់ហ្គង់ប្រដាល់មានហត្ថលេខា Manny Paciquiao ១ក្នុងតម្លៃ១ពាន់ដុល្លារ ខណៈចំណូលសរុបនឹងយកទៅធ្វើសប្បុរសធម៌

ព័ត៌មានជាតិ៤០ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម