ព័ត៌មានជាតិ
Facebook អាចចំណេញលើស ២០០ លានដុល្លារក្នុងមួយឆ្នាំ ខណៈកម្ពុជាប្រើជាង ១៣ លាននាក់
សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ សង្ឃឹមថា ក្រុមហ៊ុន Facebook នឹងទទួលបានប្រាក់ចំណេញលើស ២០០ លានដុល្លារ ក្នុងមួយឆ្នាំនៅកម្ពុជា ខណៈប្រជាពលរដ្ឋកម្ពុជាចំនួនជាង ១៣ លានលាក់ កំពុងប្រើប្រាស់បណ្ដាញសង្គមនេះក្នុងឆ្នាំ២០២៣។
នៅថ្ងៃទី៣ ខែកញ្ញា ឆ្នាំ២០២៣ សម្ដេចតេជោ ហ៊ុន សែន បានប្រកាសប្រើប្រាស់បណ្តាញសង្គម Facebook ឡើងវិញ បន្ទាប់ពីក្រុមហ៊ុននេះ បានផ្តល់យុត្តិធម៌ជូនសម្តេច ពោលគឺក្រុមហ៊ុន Facebook ទាត់ចោលអនុសាសន៍របស់ក្រុមមនុស្សខូច។ សម្ដេចតេជោ ហ៊ុន សែន បញ្ជាក់ថា ជាមួយនឹងការប្រើប្រាស់ Facebook ឡើងវិញនេះ សម្តេចតេជោ សង្ឃឹមថា ក្រុមហ៊ុន Facebook នឹងប្រកាន់ខ្ជាប់នូវក្រមសីលធម៌មិនងងឹតងងុល ដូចក្រុមមនុស្សខូចដែលជាមនុស្សមិនត្រូវបានស្វាគមន៍នៅកម្ពុជានោះឡើយ។
សម្តេចតេជោ សង្ឃឹមដែរថា ក្រុមហ៊ុន Facebook នឹងទទួលបានប្រាក់ចំណេញលើស ២០០លានដុល្លារក្នុងមួយឆ្នាំនៅកម្ពុជា ឯរាជរដ្ឋាភិបាលទទួលបាន ១០ភាគរយ ដែលមានទឹកប្រាក់លើស ២០លានដុល្លារ ក្នុងមួយឆ្នាំ (តួរលេខផ្នែកពន្ធដារ)។
តាមតួរលេខផ្នែកពន្ធដារ បានបង្ហាញថា ចំណូលអាករលើតម្លៃបន្ថែម ពីក្រុមហ៊ុន META Facebook គិតចាប់ពីឆ្នាំ២០២៣ ដល់់ឆ្នាំ២០២៣ មានចំនួនជាង ៣២ លានដុល្លារ។ ដោយក្នុងឆ្នាំ២០២២ ដែលសម្ដេចតេជោនៅប្រើប្រាស់បណ្ដាញសង្គមនេះពេញលេញ គឺទទួលបានចំណូលចំនួនជាង ២០លានដុល្លារ។ ចំណែកឆ្នាំ២០២៣ នេះ គិតត្រឹមត្រីមាសទី៣ ឆ្នាំ២០២៣នេះ មានចំនួនជាង ១៣ លានដុល្លារ ដូចនេះ ក្រុមហ៊ុន Facebook ទើបអាចទទួលបានប្រាក់ចំណេញជាង ១៣០លានដុល្លារប៉ុណ្ណោះ នៅកម្ពុជា។
ទិន្នន័យពីគេហទំព័រ napoleoncat.com បានឱ្យដឹងថា គិតត្រឹម ខែឧសភា ឆ្នាំ២០២៣ កន្លង ចំនួនអ្នកប្រើប្រាស់បណ្ដាញ Facebook ក្នុងប្រទេសកម្ពុជា មានចំនួន ១៣ ៥៧៤ ៧០០ នាក់ ស្មើនឹង ៧៧,៤ ភាគរយ នៃចំនួនប្រជាជនសរុប។ អ្នកប្រើប្រាស់ Facebook ជាបុរស មានចំនួន ៥៤,៤ ភាគរយ ហើយក្រុមមនុស្សដែលប្រើច្រើនបំផុត គឺមានអាយុចន្លោះពី ២៥ ដល់ ៣៤ឆ្នាំ។
គួររម្លឹកថា សម្តេចតេជោ ហ៊ុន សែន នៅយប់ថ្ងៃទី២៩ ខែមិថុនា ឆ្នាំ២០២៣ បានប្រកាសឈប់ប្រើ និងលេង Facebook ជាស្ថាពរ ដែលមានអ្នកចូលរួមជាង ១៤ លាននាក់ និងស្នើឱ្យក្រុមហ៊ុន Facebook លុបចោលឈ្មោះសម្តេចចេញពីបញ្ជីក្រុមហ៊ុន Facebook ទៀតផង៕
អត្ថបទ៖ ច័ន្ទ វីរៈ
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម
-
ព័ត៌មានជាតិ៥ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ