ព័ត៌មានជាតិ
លោក គង់ វិបុល ប្តេជ្ញាប្រមូលពន្ធឱ្យគ្រប់ផែនការក្នុងឆ្នាំ ២០២៣ ទោះ ៨ខែមកនេះ ធ្លាក់ចុះ ២១ភាគរយ
លោក គង់ វិបុល អគ្គនាយក នៃអគ្គនាយកដ្ឋានពន្ធដារ បានលើកឡើងថា រយៈពេល ៨ខែ ឆ្នាំ ២០២៣នេះ ការប្រមូលពន្ធដារ មានការធ្លាក់ចុះប្រមាណ ២១ភាគរយ បើធៀបនឹងឆ្នាំមុន។ ទោះជាមានការធ្លាក់ចុះបែបនេះក្តី ប្រធានពន្ធដារ ប្តេជ្ញាថានឹងខិតខំប្រមូលពន្ធឱ្យគ្រប់ផែនការកំណត់ មិនឱ្យខ្វះនោះទេ សម្រាប់ឆ្នាំ ២០២៣។
ថ្លែងនៅក្នុងកម្មវិធីពិសេសស្តីពីការយល់ដឹងអំពីពន្ធដារ កាលពីថ្ងៃ សុក្រ ចុងសប្តាហ៍លោក គង់ វិបុល បានឱ្យដឹងថា តាមរយៈការខិតខំប្រឹងប្រែងប្រមូលពន្ធ និងវិធានការផ្សេងៗ ពន្ធដារអាចរកបានគ្រប់ចំនួននៃផែនការ បើទោះជា ៨ខែមកនេះ មានការថមថយចំនួន ២១ភាគរយយ៉ាងណាក្តី។ លោកបន្តដូច្នេះថា« ខ្ញុំខិតខំរកឱ្យគ្រប់ ប៉ុន្តែចំពោះការព្យាករថា លើសផែនការ ៥-១០ ភាគរយ មិនអាចទៅដល់ទេ»។
លោក ហ៊ានអះអាងបែបនេះ ដោយពឹងទៅលើសក្តានុពលការប្រមូលពន្ធអចលនទ្រព្យ នៅចុងខែ កញ្ញានេះ។ ជាមួយគ្នានេះ ពន្ធលើមធ្យោបាយដឹកជញ្ជូនតាមការប៉ាន់ស្មានរបស់ លោក គង់ វិបុល ប្រហែលប្រមូលបានជាង ១០០លានដុល្លារបន្ថែមទៀត នៅចុងឆ្នាំនេះផងដែរ។ ប្រធានពន្ធដារ បានគូសបញ្ជាក់ថា ទោះបីជាសេដ្ឋកិច្ចធ្លាក់ចុះយ៉ាងណាក៏ដោយ អ្នកជាប់ពន្ធទាំងពីរនេះ ត្រូវតែមានកាតព្វកិច្ចប្រកាសបង់ពន្ធជាដាច់ខាត។
លោក គង់ វិបុល បានសង្កត់ធ្ងន់ថា ការខិតខំប្រមូលពន្ធឱ្យបានគ្រប់ផែនការនេះ មិនមែនទៅច្របាច់កពលរដ្ឋឱ្យទៅបង់ពន្ធនោះទេ ពោលគឺធ្វើទៅតាមច្បាប់។ មានន័យថា អ្នកដែលរកស៊ីខាតមិនចាំបាច់បង់ គឺបង់ពន្ធសម្រាប់តែអាជីវកម្មដែលទទួលបានប្រាក់ចំណេញប៉ុណ្ណោះ។
សូមបញ្ជាក់ថា ក្នុងរយៈពេល៨ខែ ឆ្នាំ២០២៣នេះ អគ្គនាយកដ្ឋានពន្ធដារប្រមូលបាន ២ ៥៥០ លានដុល្លារ ស្មើនឹង ៧១,៤១% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ មានការថយចុះ ២១ភាគរយ ធៀបនឹងរយៈពេលដូចគ្នាក្នុងឆ្នាំ២០២២។
បើតាមអគ្គនាយកពន្ធដារ ហានិភ័យដែលបណ្តាលមកពីភាពមិនប្រាកដប្រជា ការប្រែប្រួលបរិបទសេដ្ឋកិច្ចសកល ដែលបង្កដោយសារការធ្លាក់ចុះនៃស្ថានភាពសេដ្ឋកិច្ចពិភពលោក និងវិបត្តិសង្គ្រាមរុស្សី-អ៊ុយក្រែន ប៉ះពាល់ដល់បណ្ដាប្រទេសជាប្រភពទុនសម្រាប់វិនិយោគធំៗមកកម្ពុជា និងធ្វើឱ្យមានកំណើននៃអតិផរណា ជាហានិភ័យក្នុងការគ្រប់គ្រងឈានទៅប៉ះពាល់ដល់ចំណូលពន្ធ ឱ្យបានគ្រប់តាមផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣៕
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ