ព័ត៌មានជាតិ
សម្ដេច ម៉ែន សំអន ៖ «ក្រោមម្លប់ នៃសុខសន្តិភាព បានអនុញ្ញាតឲ្យពលរដ្ឋខ្មែរគ្រប់រូប អាចធ្វើបុណ្យតាមបែបប្រពៃណី»
សម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា មានប្រសាសន៍ថា ក្រោមម្លប់ នៃសុខសន្តិភាព បានអនុញ្ញាតឲ្យប្រជាពលរដ្ឋខ្មែរគ្រប់រូប អាចធ្វើបុណ្យតាមបែបប្រពៃណី និងការគោរពប្រតិបត្តិព្រះពុទ្ធសាសនាដែលជាទំនៀមទម្លាប់ពីដូនតារៀងមក។
សម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា មានប្រសាសន៍បែបនេះ ក្នុងឱកាសអញ្ជើញប្រគេនទេយ្យវត្ថុនៅវត្តជម្ពូព្រឹក្សា (វត្តថ្មី) ស្ថិតនៅភូមិថ្មី សង្កាត់សង្ឃ័រ ក្រុងស្វាយរៀង ក្នុងវេនកាន់បិណ្ឌទី ៥ នាព្រឹកថ្ងៃពុធ ៥ រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ៤ ខែតុលា ឆ្នាំ ២០២៣។
នាឱកាសនោះ សម្ដេចកិត្តិសង្គហបណ្ឌិត ម៉ែន សំអន បានមានប្រសាសន៍ថា «ក្រោមម្លប់ នៃសុខសន្តិភាព គឺបានអនុញ្ញាតឲ្យប្រជាពលរដ្ឋខ្មែរគ្រប់រូប អាចធ្វើបុណ្យតាមបែបប្រពៃណី និងការគោរពប្រតិបត្តិព្រះពុទ្ធសាសនាដែលជាទំនៀមទម្លាប់ពីដូនតារៀងមក។ ម្យ៉ាងទៀត ទឹកចិត្ត និងសទ្ធាជ្រះថ្លារបស់ ឯកឧត្ដម លោកជំទាវ ឧកញ៉ា លោក លោកស្រី និងពុទ្ធបរិស័ទទាំងអស់នាពេលនេះ បានឆ្លុះបញ្ចាំងឲ្យឃើញពីការរួមសាមគ្គីគ្នា ក្នុងការលើកស្ទួយនូវវិស័យព្រះពុទ្ធសាសនានៅកម្ពុជាឲ្យកាន់តែមានភាពរីកចម្រើនបន្ថែមទៀត»។
សម្ដេចកិត្តិសង្គហបណ្ឌិត ម៉ែន សំអន មានប្រសាសន៍បន្តថា ព្រះសង្ឃចំនួន ១៨ វត្ត នៅខេត្តស្វាយរៀង ទទួលបានទេយ្យវត្ថុ និងបច្ច័យកសាងដូចគ្នាៗ ក្នុងឱកាសបុណ្យភ្ជុំបិណ្ឌតាមទំនៀមទម្លាប់ប្រពៃណីខ្មែរ។
ទន្ទឹមនោះ សម្ដេចកិត្តិសង្គហបណ្ឌិត ម៉ែន សំអន បាននាំនូវការផ្ដាំផ្ញើសាកសួរសុខទុក្ខពីសំណាក់ សម្ដេចតេជោ និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំង សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ជូនដល់ ឯកឧត្ដម លោកជំទាវ លោកឧកញ៉ា លោក លោកស្រី បុគ្គលិក មន្ត្រីរាជការ និងពុទ្ធបរិស័ទដោយក្ដីនឹករលឹកផងដែរ។
ជាមួយគ្នានេះ សម្ដេចកិត្តិសង្គហបណ្ឌិត ម៉ែន សំអន ក៏បានផ្ដាំផ្ញើដល់ប្រជាពលរដ្ឋទាំងអស់គ្នាត្រូវ ៖
១.ចូលរួមគោរពច្បាប់ចរាចរណ៍ទាំងអស់គ្នា មិនត្រូវឲ្យបាត់បង់សមាជិកណាម្នាក់ក្នុងឱកាសបិណ្ឌភ្ជុំនេះទេ កុំឲ្យសប្បាយក្លាយជាទុក្ខ។
២.ជៀសឲ្យផុតពីការប្រើប្រាស់គ្រឿងញៀន (ទាំងការសេព ការជួញដូរគ្រឿងញៀន និងការសេពគ្រឿងស្រវឹង)។
៣.ជៀសឲ្យឆ្ងាយពីការប្រព្រឹត្តនូវល្បែងស៊ីសង ដែលនាំឲ្យអន្តរាយដល់សង្គមជាតិ និងសង្គមគ្រួសារ។
គួរជម្រាបថា វត្តចំនួន ១៨ ដែលទទួលបានទេយ្យវត្ថុ ក្នុងវេនកាន់បិណ្ឌទី ៥ រួមមាន ៖
១.វត្តភ្នំស្រូវ ស្រុកកំពង់រោទិ៍ ,២.វត្តសន្តិភាព ក្រុងស្វាយរៀង ,៣.វត្តព្រៃឆ្លាក់ ក្រុងស្វាយរៀង ,៤.វត្តជម្ពូព្រឹក្សា ក្រុងស្វាយរៀង ,៥.វត្តរកា ស្រុកស្វាយជ្រំ ,៦.វត្តចារ ស្រុកស្វាយជ្រំ ,៧.វត្តសណ្តោត ស្រុកស្វាយជ្រំ ,៨.វត្តសេរីសោភា ស្រុកស្វាយជ្រំ ,៩.វត្តទួលតាព្រហ្ម ស្រុកស្វាយជ្រំ ,១០.វត្តបាយ៉ាប ស្រុកស្វាយជ្រំ ,១១.វត្តស្វាយយា ស្រុកស្វាយជ្រំ ,១២.វត្តព្រៃបន្ទាយ ស្រុកស្វាយជ្រំ ,១៣.វត្តក្តីស្លា ស្រុកស្វាយជ្រំ ,១៤.វត្តឈូកមាស ស្រុកស្វាយជ្រំ ,១៥.វត្តអង្គរស ស្រុកស្វាយជ្រំ ,១៦.វត្តស្វាយព្រហួត ស្រុកស្វាយជ្រំ ,១៧.វត្តទួលធាតុ ស្រុកស្វាយជ្រំ ,១៨.វត្តថ្មី ស្រុកស្វាយយជ្រំ។ ចំណែកទេយ្យវត្ថុ រួមមាន ៖ អង្ករ ,មី ,ទឹកសុទ្ធ ,ទឹកក្រូច ,ស្ករស ,ទឹកដោះគោ ,ធូប ,ទៀន ,តែ ,ប៊ីចេង ,ខ្ទឹមស ,ត្រីខ ,ទឹកត្រី ,ទឹកស៊ីអ៊ីវ ,អំបិល ,ប្រេងឆា ,មីសួ ,នំអន្សម និងបច្ច័យមួយចំនួនផងដែរ៕
អត្ថបទ ៖ វិមាន
Rihanna និងតារារ៉ុក A$AP ក្លាយជាគូស្នេហ៍លេចធ្លោជាងគេ ក្នុងកម្មវិធី Met Gala 2025
មូលហេតុពិតនាំឲ្យ ស៊ុយអែត ស្ថិតក្នុងប្រទេសមានសុភមង្គលលើលោកក្នុងឆ្នាំ ២០២៥
អ្នកជំនាញសុខភាព ប្រាប់ពីមូលហេតុទូទៅ ៦យ៉ាង ដែលមនុស្សអាចឆាប់ស្លាប់ក្រោយចូលវ័យ ៦០ឆ្នាំ
សភាពាណិជ្ជកម្មកម្ពុជា-ម៉ាឡេស៊ី ចុះ MoU បង្កើតក្របខ័ណ្ឌលើកកម្ពស់ទំនាក់ទំនងសេដ្ឋកិច្ច ពាណិជ្ជកម្ម និងការវិនិយោគ
ភ្លៀងខ្លាំងបណ្តាលឲ្យជន់លិចផ្លូវនៅរដ្ឋធានីបាងកកនិងខេត្តជុំវិញមួយចំនួន
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
ត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
បុរសម្នាក់ដាច់ខ្យល់ស្លាប់នៅក្នុងព្រៃពេលដើរឆ្លុះកង្កែប សង្ស័យជំងឺគាំងបេះដូង
សត្តឃាតដ្ឋានជ្រូក ក្នុងភូមិតាឡី ហាក់ចង់លាក់បាំងព័ត៌មានរឿងកម្មករឆក់ខ្សែភ្លើងស្លាប់នៅទីតាំងខ្លួន
ភ្ញៀវទេសចររុស្ស៊ី៧នាក់ពុលផ្លែឈើព្រៃនៅខេត្ត Surat Thani ប្រទេសថៃ
-
សន្តិសុខសង្គម៥ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៤ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ២ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៥ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៥ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ១៦ ម៉ោង agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ៥ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៥ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក