ព័ត៌មានជាតិ

មន្ទីរសុខាភិបាលរាជធានី ស្នើឱ្យម្ចាស់ផេកហ្វេសប៊ុកពីរលុបរូបភាពវីដេអូ ចេញពីគេហទំព័ររបស់ខ្លួនជាបន្ទាន់

បានផុស

៣ years មុន

នៅ

ថ្ងៃពុធ ១១ តុលា ២០២៣

ដោយ

ភ្នំពេញ ៖ មន្ទីរសុខាភិបាលនៃរដ្ឋបាលរាជធានីភ្នំពេញ ស្នើដល់ម្ចាស់ផេកហ្វេសប៊ុកឈ្មោះ Mekong News និងហ្វេសប៊ុកមួយទៀតឈ្មោះ ចំណេះដឹងទូទៅ លុបរូបភាពវីដេអូ នេះចេញពីគេហទំព័ររបស់ខ្លួនជាបន្ទាន់ ដើម្បីចៀងវាងធ្វើឱ្យសាធារណជនមានការភាន់ច្រលំ និងប៉ះពាល់ យ៉ាងខ្លាំងដល់វិស័យសុខាភិបាលនៃព្រះរាជាណាចក្រកម្ពុជា ព្រោះជារូបភាពចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីជូនដំណឹងរបស់មន្ទីរសុខាភិបាលនៃរដ្ឋបាលរាជធានីភ្នំពេញ បានអោយដឹងថា៖ មន្ទីរសុខាភិបាលនៃរដ្ឋបាលរាជធានីភ្នំពេញ – សូមជម្រាបជូនដំណឹងដល់សាធារណជន និងបងប្អូន ប្រជាពលរដ្ឋទាំងអស់ឱ្យបានជ្រាបថា នៅថ្ងៃទី១០ ខែតុលា ឆ្នាំ២០២៣ វេលាម៉ោងប្រមាណ ២០:៣០នាទី មន្ទីរសុខាភិបាលនៃរដ្ឋបាលរាជធានីភ្នំពេញបានឃើញផេកហ្វេសប៊ុកឈ្មោះ Mekong News ធ្វើការចុះផ្សាយ រូបភាពវីដេអូនៃការដឹកជញ្ជូនជនរងគ្រោះដោយគ្រោះថ្នាក់ចរាចរណ៍មួយករណី ដែលពុំមានប្រភព និងកាលបរិច្ឆេទច្បាស់លាស់ ព្រមទាំងបានដាក់ខ្លឹមសារថា(Caption)«យកទៅសង្គ្រោះតបើអត់មានលុយគឺទម្លាក់ចុះ វិញហើយ» និងផេកហ្វេសប៊ុកមួយទៀត ឈ្មោះ ចំណេះដឹងទូទៅ បានផុសរូបភាពវីដេអូដដែល និងសរសេរ ខ្លឹមសារថា(Caption)។ ឡានពេទ្យមួយនេះមកយកអ្នករបួសដោយគ្រោះថ្នាក់ចរាចរណ៍ ពេលដែលលើកដាក់ ហើយគ្មានលុយលើកចុះពីឡានមកវិញ”។

តាមការស្រាវជ្រាវលើរូបភាពវីដេអូដែលផេកហ្វេសប៊ុកទាំងពីរខាងលើយកមកផ្សព្វផ្សាយ មន្ទីរបាន រកឃើញថានេះ ជាករណីគ្រោះចរាចរណ៍ដែលបានកើតឡើងតាំងពីដើមឆ្នាំ២០២៣មកម្ល៉េះ ហើយអាជ្ញាធរនិងសមត្ថកិច្ចពាក់ព័ន្ធបានចាត់វិធានការផ្លូវច្បាប់រួចរាល់ និងមិនមានករណីបែបនេះកើតឡើងជាថ្មីនោះឡើយ។ ទន្ទឹមនឹងនេះ មន្ទីរសុខាភិបាលនៃរដ្ឋបាលរាជធានីភ្នំពេញ ស្នើដល់ម្ចាស់ផេកហ្វេសប៊ុកទាំងពីរលុបរូបភាពវីដេអូ នេះចេញពីគេហទំព័ររបស់ខ្លួនជាបន្ទាន់ ដើម្បីចៀងវាងធ្វើឱ្យសាធារណជនមានការភាន់ច្រឡំ និងប៉ះពាល់ យ៉ាងខ្លាំងដល់វិស័យសុខាភិបាលនៃព្រះរាជាណាចក្រកម្ពុជា។

ជាមួយគ្នានេះដែរ មន្ទីរសូមអំពាវនាវដល់បងប្អូនប្រជាពលរដ្ឋ ក្នុងករណីជួបប្រទះគ្រោះចរាចរណ៍ នៅមូលដ្ឋានរាជធានីភ្នំពេញ សូមហៅទៅកាន់លេខរថយន្តគិលានសង្គ្រោះ 119 ឬលេខទំនាក់ទំនងរបស់មន្ទីរពេទ្យ បង្អែកដែលនៅជិតបំផុត ដើម្បីជួយសង្គ្រោះ និងបញ្ចូនទៅមន្ទីរពេទ្យបានទាន់ពេលវេលា។ អាស្រ័យដូចបានជម្រាបជូនខាងលើ សូមសាធារណជនទាំងអស់មេត្តាជ្រាបជាព័ត៌មាន៕

ដោយ ៖ ស្រីរ័ត្ន