ព័ត៌មានជាតិ
លោក សេង លាង ត្រូវប្រកាសតែងតាំងជាប្រធានសាលាដំបូងខេត្តបន្ទាយមានជ័យជំនួសលោក ងួន ណារ៉ា ដែលផ្លាស់ទៅរាជធានី
នៅព្រឹក ថ្ងៃទី ១៩ ខែតុលា ឆ្នាំ ២០២៣ នៅក្នុងបរិវេណសាលាដំបួងខេត្តបន្ទាយមានជ័យបានធ្វើពិធីប្រកាសផ្ទេរ និង ចូលកាន់មុខតំណែងប្រធានសាលាដំបូងខេត្តបន្ទាយមានជ័យ។
ក្នុងពីប្រកាសចូលកាន់មុខតំណែងនោះមានការចូលរួមពីលោក កើត រិទ្ធ ឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌ លោកប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ លោក អ៊ុំ រាត្រី អភិបាលខេត្តបន្ទាយមានជ័យ។
លោក ងួន ណារ៉ា ប្រធានសាលាដំបូងខេត្តបន្ទាយមានជ័យដែលត្រូវផ្លាស់ចេញមានប្រសាសន៍ថា អស់រយៈពេលដែលគាត់កាន់កាប់គិតមកដល់ត្រឹមថ្ងៃទី ១២ ខែតុលា ឆ្នាំ ២០២៣នេះ មានរយៈពេលជាង ៤ ឆ្នាំ ដែលរួបលោកបានបំពេញការងារជាប្រធានសាលាដំបូងខេត្តបន្ទាយមានជ័យ លោកបានខិតខំបំពេញតួនាទីភារកិច្ចតាមការទទួលខុសត្រូវ ដោយបានធ្វើការរួមជាមួយព្រះរាជអាជ្ញា ចៅក្រម ព្រះរាជអាជ្ញារង ក្រឡាបញ្ជី។
ក្នុងនោះស្ថិតិសំណុំរឿងប្រចាំឆ្នាំរយៈពេលជាង៤ឆ្នាំ ៣ ខែ មានសំណុំរឿង សល់ពីមុនមានចំនួន ១ ៧២៤ រឿង សំណុំរឿង ចូលថ្មីមានចំនួន ៤.៧៣៤រឿង ក្នុងនោះសំណុំរឿងចាត់ការរួចចំនួន ៥.១៤៨ រឿង កំពុចាត់ការ ៧៧៥រឿង
និងសំណុំរឿងកំពុងចាត់ការមានចំនួន៦៦០រឿង មានសំណុំរឿងព្រហ្មទណ្ឌជំនុំជម្រះសំណុំរឿងរដ្ឋប្បវេណី សំណុំរឿងអនុវត្តជាច្រើនទៀត។
លោក សេង លាង ប្រធានថ្មីសាលាដំបូងខេត្តបន្ទាយមានជ័យបានថ្លែងអំណរគុណចំពោះថ្នាក់លើបានតែងតាំងរូបលោក ហើយលោកសូមប្តេជ្ញាចិត្តខិតខំទ្វេដង ដើម្បីបំពេញការងារតាមតួនាទីភារកិច្ចឲ្យបានលទ្ធផល និងមានប្រសិទ្ធភាពល្អប្រកបដោយការទទួលខុសត្រូវ។
លោក អ៊ុំ រាត្រី អភិបាលខេត្តបន្ទាយមានជ័យទទួលស្គាល់លទ្ធផលការងាររបស់ប្រធានសាលាដំបូងចាស់សង្ឃឹមថាប្រធានថ្មីសាលាដំបូងខេត្តនេះនឹងបន្តស្នាដៃឲ្យកាន់តែល្អ ពិសេសសហការ និងរកយុត្តិធម៌ជូនពលរដ្ឋជាភាគីក្តី ។
លោក កើត រិទ្ធ បានមានប្រសាសន៍ថា ថ្វីត្បិតការផ្លាស់ប្តូរកន្លែង តួនាទីភារកិច្ចរបស់មន្ត្រីជាដំណើរប្រព្រឹត្តិទៅធម្មតានៃរដ្ឋបាលការងារប៉ុន្តែវាក៏ដើម្បីពង្រឹងលទ្ធផល និងប្រសិទ្ធិភាពការងារផង និងលើកទឹកចិត្តមន្ត្រីដែលខិតខំធ្វើការផង។
លោករដ្ឋមន្ត្រីក្រសួងយុត្តិធម៌បានផ្តាំផ្ញើ និងណែនាំការងារមួយចំនួន ហើយជំរុញឲ្យចៅក្រមម្នាក់កាត់ក្តីយ៉ាងហោចឲ្យបាន១ទៅ២រឿងក្នុង១ថ្ងៃៗ ពោលគឺ១ឆ្នាំឲ្យបានប្រមាណ ២០៥ រឿងចៅក្រមម្នាក់ៗក្នុងការពន្លឿនការកាត់ក្តីសំណុំរឿងគ្រឿងញៀនដែលកើនខ្ពស់រាល់ថ្ងៃដូចដែលសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានមានប្រសាសន៍។
លោក កើត រិទ្ធ បានមានប្រសាសន៍បន្តថា ដូចម្តេចដែលហៅថាច្បាប់? ច្បាប់គឺជាយុត្តិធម៌នៅចំពោះមុខចៅក្រមគឺនិយាយអំពីច្បាប់ នៅចំពោះមុខច្បាប់គឺគេនិយាយអំពីយុត្តិធម៌ នៅចំពោះមុខយុត្តិធម៌គឺគេនិយាយអំពីភាពត្រឹមត្រូវ គឺគេនិយាយពីសច្ចធម៌នៅចំពោះមុខច្បាប់គឺយុត្តិធម៌ និងស្មើភាពគ្នា៕
អត្ថបទ៖ វ៉ាន់ ណាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ