ព័ត៌មានជាតិ

ស្ត្រីចំណាស់ម្នាក់ មានជំងឺប្រចាំកាយ ក្រុមគ្រួសារដឹកមកទម្លាក់ចោលនៅមុខវិហាជនជាតិវៀតណាម ត្រូវអាជ្ញាធរយកទៅព្យាបាល

បានផុស

៣ years មុន

នៅ

ថ្ងៃអង្គារ ២៤ តុលា ២០២៣

ដោយ

ស្ត្រីចំណាស់ម្នាក់ មានជំងឺប្រចាំកាយ ក្រុមគ្រួសារដឹកយកមកទម្លាក់ចោលនៅមុខវិហាជនជាតិវៀតណាម ស្ថិតក្នុងភូមិដើមចាន់ សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ ត្រូវបានអាជ្ញាធរសង្កាត់ច្បារអំពៅទី ២ ហៅកង់បីដឹកទៅសង្គ្រោះនៅមន្ទីរពេទ្យបង្អែកខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក ជូ ចាន់នី ជំនួយការសង្កាត់ច្បារអំពៅទី ២ បានឲ្យដឹងថា ស្ត្រីចំណាស់ខាងលើមានឈ្មោះ ង្វៀង ធីជិន ជនជាតិវៀតណាម អាយុ ៦៣ ឆ្នាំ មិនដឹងរស់នៅកន្លែងណាឲ្យពិតប្រាកដ ត្រូវបានប្រជាពលរដ្ឋប្រទះឃើញដេកនៅមុខវិហាវៀតណាម កាលពីវេលាម៉ោង ៩ និង ៣០ នាទីព្រឹក ថ្ងៃទី ២៤ ខែតុលា។

លោកបន្តថា បន្ទាប់ពីទទួលព័ត៌មានពីប្រជាពលរដ្ឋរួចមក លោក យ៉ិន វុធ ចៅសង្កាត់ច្បារអំពៅទី ២ បានបញ្ជាឲ្យលោក នេត ឆាន់ ចៅរងទី ១ សង្កាត់ច្បារអំពៅទី ២ ដឹកយកទៅមន្ទីរពេទ្យបង្អែកខណ្ឌច្បារអំពៅ ដើម្បីសង្គ្រោះជីវិត។