Connect with us

ព័ត៌មានជាតិ

អគ្គនាយកដ្ឋានអត្តសញ្ញាណកម្ម រំលឹកមន្ត្រីអត្រានុកូលដ្ឋាន គប្បីផ្ទៀងផ្ទាត់ទិន្នន័យឱ្យបានហ្មត់ចត់

បានផុស

នៅ

អគ្គនាយកដ្ឋានអត្តសញ្ញាណកម្ម រំលឹកដល់មន្ត្រីអត្រានុកូលដ្ឋាននៅតាមបណ្ដាឃុំ-សង្កាត់ យកចិត្តទុកដាក់លើការចុះបញ្ជី និងផ្ទៀងផ្ទាត់ទិន្នន័យឱ្យបានហ្មត់ចត់ត្រឹមត្រូវ មុនចេញឱ្យពលរដ្ឋយកទៅប្រើប្រាស់ ដោយទន្ទឹមនេះ អគ្គនាយកដ្ឋាន ក៏បានទទូចពលរដ្ឋ ដែលពិនិត្យឃើញកំហុសលើឯកសាររបស់ខ្លួន សូមប្រញាប់ស្នើកែតម្រូវភ្លាមៗ កុំចាំយូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរំលឹកនេះ ដោយពេលថ្មីៗនេះ មានគណនីហ្វេសប៊ុកមួយ ឈ្មោះ Keo Socheat បានលើកឡើងពីកំហុសរបស់មន្ត្រីអត្រានុកូលដ្ឋានលើការចុះបញ្ជី សំបុត្រកំណើតរបស់ប្រជាជន ខុសពីគល់បញ្ជី។ គណនីហ្វេសប៊ុកនេះ បានលើកឡើងថា ការសរសេរចម្លងខុស គឺជារឿងអសមត្ថភាពការងាររបស់មន្ត្រី ហេតុអ្វីបែរជាតម្រូវឱ្យប្រជាជនរត់ទៅនេះរត់ទៅនោះ ចុងក្រោយឱ្យទៅតុលាការទាំងគាត់គ្មានកំហុសសោះបែបនេះទៅវិញ។

ក្រោយឃើញការរិះគន់នេះ អគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ តាមរយៈសេចក្ដីបំភ្លឺ នៅថ្ងៃទី៦ ខែវិច្ឆិកានេះ បានបកស្រាយថា ភាពខុសគ្នារវាងទិន្នន័យនៅក្នុងគល់បញ្ជីជាមួយនឹងសំបុត្រអត្រានុកូលដ្ឋាន អាចមានបញ្ហាពីរ ដែលត្រូវពិនិត្យ និងវាយតម្លៃឱ្យបានជាក់លាក់ គឺទី១) អាចជាកំហុសរបស់មន្ត្រីអត្រានុកូលដ្ឋានឃុំ-សង្កាត់ ពេលចម្លងចូលគល់បញ្ជីខ្វះការប្រុងប្រយ័ត្ន និងទី២) អាចជាកំហុសរបស់បុគ្គលប្រើប្រាស់ឯកសារ ដោយគាត់ធ្វើការ កោសលុប កែតម្រូវ ឬសរសេរបន្ថែមដោយខ្លួនឯង ដើម្បីបំពេញតម្រូវការណាមួយ។ ទោះយ៉ាងណា អគ្គនាយកដ្ឋានអត្តសញ្ញាណកម្ម បានលើកឡើងថា នេះជាភារកិច្ច និងការទទួលខុសត្រូវរួមរបស់មន្ត្រីជំនាញពាក់ព័ន្ធក្នុងការពិនិត្យលើបញ្ហានីមួយៗដាច់ដោយឡែកពីគ្នា ដើម្បីរួមគ្នាដោះស្រាយជូនពលរដ្ឋ ដោយមិនត្រូវសន្មត់ថាជាបញ្ហាតែមួយ ហើយដាក់បន្ទុកលើមន្ត្រីអត្រានុកូលដ្ឋានទូទៅឡើយ។

សេចក្ដីបំភ្លឺរបស់អគ្គនាយកដ្ឋានអត្តសញ្ញាណកម្ម ក៏បានប្រាប់ឱ្យប្រជាពលដ្ឋដែលទទួលសំបុត្រកំណើតរួចហើយពីមន្ត្រីអត្រានុកូលដ្ឋានឃុំ ឬសង្កាត់ ប៉ុន្តែពិនិត្យឃើញថា មានកំហុសទិន្នន័យនៅកន្លែងណាមួយ ដូចជា ខុសឈ្មោះ ភេទ ថ្ងៃខែឆ្នាំកំណើត ទីកន្លែងកំណើត អាចស្នើសុំមន្ត្រីអត្រានុកូលដ្ឋាននៅឃុំ ឬសង្កាត់ ដើម្បីកែតម្រូវភ្លាមៗ ដោយមិនត្រូវទុកដល់ឆ្លងឆ្នាំឡើយ។ ករណីទុកយូររហូតដល់ឆ្លងចូលឆ្នាំថ្មី គល់បញ្ជីនៃទិន្នន័យអត្រានុកូលដ្ឋាននឹងត្រូវបូកសរុបបិទបញ្ជី រួចផ្ញើទៅតម្កល់ទុកនៅរដ្ឋបាលក្រុង ស្រុក ខណ្ឌ និងនៅអគ្គនាយកដ្ឋានអត្តសញ្ញាណកម្ម។ ដូច្នេះ ករណីនេះ ការកែតម្រូវទិន្នន័យក្នុងសំបុត្រកំណើត ឬឯកសារអត្រានុកូលដ្ឋានផ្សេងទៀតត្រូវអនុវត្តតាមនីតិវិធីបន្តដែលបានកំណត់។

អគ្គនាយកដ្ឋានអត្តសញ្ញាណកម្ម បានបញ្ជាក់ថា មន្ត្រីអត្រានុកូលដ្ឋានទាំងនៅថ្នាក់ឃុំ-សង្កាត់ ឬនៅថ្នាក់ជាតិ មានសមត្ថកិច្ចក្នុងការកែតម្រូវទិន្នន័យទៅតាមការកំណត់នៃច្បាប់ ដោយមិនធ្វើឱ្យប៉ះពាល់ដល់អត្តសញ្ញាណបុគ្គលឡើយ ដូចជា កំហុសអក្ខរាវិរុទ្ធ កំហុសបច្ចេកទេស ឬកំហុសមួយចំនួនផ្សេងទៀត។ ចំពោះការកែទិន្នន័យទាំងឡាយណា ដែលលើសពីដែនសមត្ថកិច្ចរបស់មន្ត្រីអត្រានុកូលដ្ឋាន គឺតម្រូវឱ្យទៅតុលាការ ដើម្បីពិនិត្យវិនិច្ឆ័យ ចៀសវាងបុគ្គលមួយចំនួនអាចជាប់បណ្តឹងតុលាការ ឬជាប់កាតព្វកិច្ចផ្សេងទៀត ហើយព្យាយាមគេចវេសពីការទទួលខុសត្រូវ។

អគ្គនាយកដ្ឋានជំនាញនេះ បាតចាត់ទុកជាកំហុសទិន្នន័យនៃឯកសារអត្រានុកូលដ្ឋានរបស់ប្រជាពលរដ្ឋមានលក្ខណៈចម្រុះ និងស្មុគស្មាញ ដោយកំហុសខ្លះកើតឡើងដោយអចេតនា កំហុសខ្លះកើតឡើងដោយកង្វះការប្រុងប្រយ័ត្នរបស់មន្ត្រី និងកំហុសខ្លះទៀតកើតឡើងដោយសារបុគ្គលផ្តល់ទិន្នន័យមិនត្រឹមត្រូវ។

តែយ៉ាងណា ដោយមើលឃើញនូវតម្រូវការនៃការកែតម្រូវទិន្នន័យនេះ ជាតម្រូវការមួយចាំបាច់សម្រាប់ប្រជាពលរដ្ឋ អគ្គនាយកដ្ឋានអត្តសញ្ញាណកម្ម បាននិងកំពុងសហការជាមួយភាគីពាក់ព័ន្ធអនុវត្តការងារមួយចំនួន ដើម្បីដោះស្រាយបញ្ហាប្រឈមរបស់ប្រជាពលរដ្ឋទាំងនៅក្នុងពេលបច្ចុប្បន្ន និងទៅអនាគតយូរអង្វែង ជាពិសេសការពង្រឹងការអប់រំ និងបណ្តុះបណ្តាលមន្ត្រីអត្រានុកូលដ្ឋានឃុំ-សង្កាត់ អំពីបែបបទ នីតិវិធីនៃការចុះបញ្ជីអត្រានុកូលដ្ឋាន និងការកែតម្រូវទិន្នន័យនៃបញ្ជីអត្រានុកូលដ្ឋាន ដើម្បីកាត់បន្ថយកំហុសឆ្គង និងឆ្លើយតបសំណូមពររបស់ប្រជាពលរដ្ឋឱ្យបានទាន់ពេលវេលា។

ចំពោះមុខ ដើម្បីកាត់បន្ថយកំហុសនៃទិន្នន័យលើសំបុត្រអត្រានុកូលដ្ឋាន អគ្គនាយកដ្ឋានអត្តសញ្ញាណកម្ម ក៏បានរំលឹកដល់មន្ត្រីអត្រានុកូលដ្ឋានគ្រប់ឃុំ សង្កាត់ មេត្តាយកចិត្តទុកដាក់ចុះបញ្ជី និងផ្ទៀងផ្ទាត់ទិន្នន័យឱ្យបានត្រឹមត្រូវ មុនចេញជូនប្រជាពលរដ្ឋយកទៅប្រើប្រាស់។ សម្រាប់ប្រជាពលរដ្ឋ ករណីពិនិត្យឃើញថាមានកំហុសណាមួយលើឯកសាររបស់ខ្លួន សូមបងប្អូនស្នើសុំកែតម្រូវភ្លាមៗ នៅឃុំ សង្កាត់ ដោយកុំទុកយូររហូតដល់ឆ្លងចូលឆ្នាំថ្មី។

លើសពីនេះ ប្រសិនបើប្រជាពលរដ្ឋមានសំណួរ ឬបញ្ហាប្រឈមណាមួយពាក់ព័ន្ធនឹងសេវាអត្តសញ្ញាណកម្ម អាចទូរស័ព្ទទៅលេខ ១២៧១ ឬលេខ ០១៧-៨៩៨៩១៥ រៀងរាល់ម៉ោងធ្វើការ ឬអាចទាញយកកម្មវិធី GDI eServices App ក្នុងទូរស័ព្ទដៃ ដើម្បីទាក់ទងដោយផ្ទាល់ជាមួយមន្ត្រីប្រចាំការ ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣២ នាទី មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ១ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ២ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ព័ត៌មានជាតិ៣ ម៉ោង មុន

រដ្ឋមន្ត្រីការងារ ជំរុញសមាគមពាណិជ្ជកម្មកម្ពុជា-ជប៉ុន ចូលរួមប្រកួតកម្មវិធីសហគ្រាសមួយជា សហគមន៍សុខសាន្តមួយ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម