ព័ត៌មានជាតិ

លោកបណ្ឌិតសភាចារ្យ សុខ ទូច ៖ ចិនបានដើរតួនាទី៤គឺជាជន្លេន ឃ្មុំ ឥន្ទ្រី និងត្រីផ្សោត

បានផុស

៥ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

ភ្នំពេញ ៖ លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានមានប្រសាសន៍ថា សតវត្សនេះជាសតវត្សចិន ចិនមិនបានដុតសង្គ្រាមជាមួយអ្នកណាទេ អាមេរិកកាំងដុតគ្រប់ទីកន្លែង ដុតនេះយកអ្វីទៅដុត គឺ យកលុយទៅដុត ចិនមិនមានកងទ័ពនៅលើប្រទេសណាទេគឺមានតែរោងចក្រ និងពាណិជ្ជកម្ម។ ចិនបានដើរតួនាទី៤គឺ ទី១ជាជន្លេន ទី២ ឃ្មុំ ទី៣ ឥន្ទ្រី និងទី៤ជាត្រីផ្សោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតបានបន្តថា ជាឃ្មុំ អាណាឆ្ងាញ់ៗដើរប៊ឺត យកខ្ចេច អាមេរិកកាំង ចេះតែវៃៗ។ ជាជន្លេន យករ៉ែ។ ឥន្ទ្រី សំលឹងមើលកន្លែងធ្វើពាណិជ្ជកម្មបានធ្វើ ចិនមិនខ្វល់ អត់និយាយពីរឿងសិទ្ធិមនុស្សអីទេ អ្នកឯងយកលុយទៅតែកុំភ្លេចទិញរបស់ចិនផង។មួយទៀតហោះទៅសម្លឹងមើលសង្គមៗកម្ពុជា អាមេរិកធ្វើអាយហ្វូន អាយហ្វូនសំរាប់អ្នកមាន។

សម្រាប់អ្នកក្រអត់ទិញអាយហ្វូនបានទេ ឥន្ទ្រីសម្លឹងមើលស៊ីអាតូច អាធំកន្លែងណាបាន ឥញ្ចឹងមកស្រុកខ្មែរមានអាមួយរយ អាហាសិប ចិនហូវៃបង្កើតយកទាំងអស់។ ជាផ្សោត គាត់សម្លឹងមើលសមុទ្រ កន្លែងណាឆ្លងកាត់ច្រើន ដូច្នឹងហើយទើបបង្កើតបញ្ហាសមុទ្រចិនខាងត្បូង។ ឥញ្ចឹងចិនកំពុងប៊ឺតយកសេដ្ឋកិច្ចអាមេរិកដោយឥតដឹងខ្លួន។ ទីណាមានពន្លឺទីនោះមានចិន ឆាណាថោនមានគ្រប់ទីកន្លែង។ ចិនចាក់ចូល៥កន្លែង អាមេរិកចាក់បានតែ២ទេគឺប្រជាធិបតេយ្យនិងសិទ្ធិមនុស្ស។ ម្ហូបចិនឆ្ងាញ់ ពីដើមខ្មែរប្រើដៃតែឥឡូវ ប្រើចង្កឹះ ផឹកតែនិងវប្បធម៌ ចូលឆ្នាំចិន ស្ងាត់ខ្មែរឈឹង ជាដើម។

ពាក់ព័ន្ធទៅនឹងអ្វីទៅដែលពិភពលោកនឹងទទួលបានពីនយោបាយថ្មីរបស់សហរដ្ឋអាមេរិក ក្រោមការដឹកនាំរបស់លោក ចូ បៃដិន” លោកបណ្ឌិត្យសភាចារ្យ សុខ ទូច ថា លោក ចូបៃដិន ត្រូវកសាងចំណុចមួយចំនួន ដែលជាការបាក់បែករបស់ដូណាល់ត្រាំ ទី១ បែកបាក់ផ្ទៃក្នុងរបស់សហរដ្ឋអាមេរិក បែងចែកពណ៌សប្បុរស អ្នកមានអ្នកក្រទី២ ចូ បៃដិន ត្រូវរៀបចំសេដ្ឋកិច្ចអាមេរិក ដោយសារកូវីត១៩ ដែលដូណាល់ត្រាំ បានជាន់កំទេច ទី៣ ត្រូវគិតពីរឿងអឺរ៉ុប ព្រោះបែកបាក់ ដោយដូណាល់ត្រាំបានដកប្រេសិតរបស់អង់គ្លេសចេញពីសហគមន៍អឺរ៉ុប យើងដឹងថា អង់គ្លេសជាដៃស្តាំនិងជាដៃគូដ៏ជិតស្និទ្ធរបស់អាមេរិក។ រាល់សង្គ្រាមទាំងអស់គឺមានអង់គ្លេសចូល ឥញ្ចឹងអាមេរិកកាំងគឺអង់គ្លេសហ្នឹងឯងជាធាតុដើមអ្នកបង្កើត។ លោក ចូ បៃដិត ត្រូវធ្វើគឺអាមេរិកកាំងបានដុតខ្លួន៦០ឆ្នាំមកហើយ ហើយចិនបានដេកសំងំយកការដុតរបស់អាមេរិកក្លាយទៅជាស៊ុបភើផៅវើ ដើម្បីប្រមូលលុយចូលទៅក្នុងទីផ្សារពិភពលោក ទប់មិនជាប់ទេសេដ្ឋកិច្ចរបស់ចិន ពីព្រោះរបស់អាមេរិកផលិតខ្ពស់ៗបំផុត ហើយអាមេរិកគិតប្រជាធិបតេយ្យ។ចិនមិនគិតទេ ហើយការដែលមិនគិតនេះហើយ ទើបប្រទេសអាស៊ីមួយចំនួនធំបានចាប់យកចិន លើកលែងតែជប៉ុន។

លោកបណ្ឌិតសភាចារ្យសុខទូច ប្រធានរាជបណ្ឌិត្យសភាកម្ពុជាបានមានប្រសាសន៍នៅក្នុងកិច្ចពិភាក្សាតុមូលស្តីពីអ្វីទៅដែលពិភពលោកនឹងទទួលបានពីនយោបាយថ្មីរបស់សហរដ្ឋអាម៉េរិកក្រោមការដឹកនាំរបស់លោកចូ បៃដិន” ដែលបានធ្វើឡើងនាថ្ងៃទី៨ខែកុម្ភៈឆ្នាំ២០២១នៅរាជបណ្ឌិត្យសភាកម្ពុជាដោយមានការអញ្ជើញចូលរួមពីវាគ្មិនល្បីៗមួយចំនួននៅកម្ពុជាដូចជា បណ្ឌិត មាស នី លោក ពុយគា លោកប៉ែនបូណា លោក ហ្សង់ហ្វ្រង់ស័រ តាន់ និងមានការសម្របសម្រួលពីសំណាក់លោកបណ្ឌិត គិនភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា។

ជារួម អ្នកវិភាគយល់ថា បើទោះបីជាសាធារណរដ្ឋឬប្រជាធិបតេយ្យជាអ្នកដឹកនាំក៏មិនមានអ្វីឲ្យប្រែប្រួលខ្លាំងសម្រាប់ប្រទេសមហាអំណាចនោះដែរ ព្រោះអ្វីដែលប្រែប្រួលនោះគឺគ្រាន់តែជាស្ទាញនៃការដឹកនាំប្រទេសតែប៉ុណ្ណោះ៕

ដោយ ៖ វត្តី