ព័ត៌មានជាតិ

មន្ត្រីជំរុញឲ្យបន្តសកម្មភាពលើកកម្ពស់វិស័យគាំពារសង្គម ស្របតាមគោលនយោបាយ

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

លោក សំហេង បុរស ប្រធានអនុគណៈកម្មាធិការជំនួយសង្គម បានថ្លែងនូវការជំរុញឲ្យមន្ត្រីជំនាញបន្តសកម្មភាពលើកកម្ពស់វិស័យគាំពារសង្គមនិងមនុស្សចាស់ស្របតាមគោលនយោបាយគាំពារសង្គម ២០១៦-២០២៥ ។

នៅព្រឹកថ្ងៃអង្គារទី៩ ខែកុម្ភៈ ឆ្នាំ២០២១ បានជួបជាមួយអ្នកជំនាញធនាគារពិភពលោក ដើម្បីពិភាក្សាលើការរៀបចំយន្តការ ក្នុងការអភិវឌ្ឍការងារជំនួយសង្គម ក្រោមអធិបតីភាពលោកសំហេង បុរស រដ្ឋលេខាធិការ និងជាប្រធានអនុគណៈកម្មាធិការជំនួយសង្គម នៅទីស្តីការក្រសួង ។

លោករដ្ឋលេខាធិការបានថ្លែងថា ក្រសួងសង្គមកិច្ច អតីតយុទ្ធជន និងយុវនីតិសម្បទា មានទិសដៅយុទ្ធសាស្ត្រជាច្រើន សម្រាប់អនុវត្តតាមការចង្អុលបង្ហាញរបស់រាជរដ្ឋាភិបាល ក្នុងនោះក៏មានវិស័យគាំពារសង្គម និងសមាគមមនុស្សចាស់នៅកម្ពុជា ផងដែរ។ បន្ថែមពីនេះទៀត មន្ត្រីអនុគណ:កម្មាធិការជំនួយសង្គមត្រូវយកចិត្តទុកដាក់បន្តចូលរួមសហការជាមួយអ្នក ជំនាញការធនាគារពិភពលោក ដើម្បីពិភាក្សាលើការរៀបចំយន្តការ ក្នុងការអភិវឌ្ឍការងារជំនួយសង្គមតែម្ដង។

លោករដ្ឋលេខាធិការ បានបង្ហាញនូវសុច្ឆន្ទៈដ៏ប្រសើរមួយក្នុងការចូលរួមលើកកម្ពស់វិស័យគាំពារសង្គមនិងសមាគមមនុស្សចាស់ ក្នុងវិស័យសង្គមកិច្ច ដើម្បីឆ្លើយតបទៅនឹងក្របខ័ណ្ឌជាតិគោលនយោបាយគាំពារសង្គម ២០១៦-២០២៥ នាពេលថ្មីៗនេះ ដែលស្របគ្នាជាមួយទិសដៅយុទ្ធសាស្ត្ររបស់រាជរដ្ឋាភិបាលកម្ពុជាបានរៀបចំរួចជាស្រេច៕

អត្ថបទ៖ វិមាន