Connect with us

ព័ត៌មានជាតិ

រដ្ឋាភិបាលបង្កើតក្រុមការងារអន្តរក្រសួង ដើម្បីរៀបចំរបាយការណ៍ស្តីពីសិទ្ធិមនុស្សកម្ពុជា ទៅកាន់ UN

បានផុស

នៅ

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី៦ ខែធ្នូ ឆ្នាំ២០២៣ បានសម្រេចបង្កើតក្រុមការងារអន្តរក្រសួងដឹកនាំការងាររៀបចំរបាយណ៍ការជាតិ ស្តីពីសិទ្ធិមនុស្សនៅកម្ពុជាជូនទៅអង្គការសហប្រជាជាតិ ដោយមានលោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ជាប្រធាន រួមជាមួយសមាជិកជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារអន្តរក្រសួងដែលមានភារកិច្ចធ្វើកិច្ចនេះ មានសមាជិកទាំងអស់ ៤២នាក់។ សមាជិកទាំង ៤២រូបមានភារកិច្ចដូចជា ដឹកនាំធ្វើសេចក្តីព្រាងរបាយការណ៍ជាតិ ស្តីពីសន្ធិសញ្ញាដែលពាក់ព័ន្ធនឹងសិទ្ធិមនុស្សនៅកម្ពុជា សម្រាប់ដាក់ជូនអង្គការសហប្រជាជាតិ មានជាអាទិ៍ របាយការណ៍ស្តីពីសិទ្ធិពលរដ្ឋ និងសិទ្ធិនយោបាយ (ICCPR), របាយការណ៍ស្តីពីសិទ្ធិសេដ្ឋកិច្ច សង្គមកិច្ច និងវប្បធម៌ (ICESCR), របាយការណ៍ស្តីពីលុបបំបាត់ការរើសអើងពូជសាសន៍ (CERD) របាយការណ៍ស្តីពីការការពារជនគ្រប់រូបពីការបាត់ខ្លួនដោយបង្ខំ (CED) របាយការណ៍ស្តីពីការការពិនិត្យជាសកលតាមការកំណត់ (UPR) និងរបាយការណ៍ផ្សេងៗទៀតដែល UN ស្នើសុំ សម្រាប់ដាក់ឱ្យរដ្ឋាភិបាលពិនិត្យ មុនបញ្ចូនទៅកាន់ UN។

ពិនិត្យ និងលើកយោបល់ជូនរដ្ឋាភិបាល លើសេចក្តីព្រាងរបាយការណ៍នានារបស់អង្គការសហប្រជាជាតិ ដូចជា របាយការណ៍របស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា។ របាយការណ៍របស់អ្នកតំណាងពិសេសរបស់អគ្គលេខាធិការអង្គការសហប្រជាជាតិ រួមទាំងរបាយការណ៍របស់អ្នកតំណាងផ្សេងៗទៀត។ បន្ថែមពីនោះ ក្រុមការងារត្រូវបំពេញភារកិច្ចផ្សេងៗទៀត ពាក់ព័ន្ធនឹងបញ្ហាសិទ្ធិមនុស្ស តាមការប្រគល់ជូនពីប្រមុខរាជរដ្ឋាភិបាល។

ក្រៅពីក្រុមការងារអន្តរក្រសួងកម្រិតនយោបាយខាងលើសម្រាប់ធ្វើរបាយការណ៍ទៅ UN ក៏មានក្រុមការងារអន្តរក្រសួងកម្រិតបច្ចេកទេស ដែលមានសមាជិក ៤៥រូបជាជំនួយផងដែរ។ នៅប្រការ៦ នៃសេចក្តីព្រាងច្បាប់នេះចែងថា គ្រប់របាយការណ៍ការជាតិស្តីពីសិទ្ធិមនុស្សនៅកម្ពុជា ត្រូវមានការដាក់បញ្ជូនដោយផ្ទាល់ទៅរដ្ឋាភិបាល ដើម្បីស្នើសុំពិនិត្យ និងសម្រេចដាក់បញ្ជូនទៅ UN បន្ទាប់ពីឆ្លងកាត់ការប្រជុំដោយក្រុមការងារអន្តរក្រសួងកម្រិតនយោបាយ និងបច្ចេកទេស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៧ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៣ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៨ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម