ប្រៃសណីយ៍កម្ពុជាមានបំណងភ្ជាប់សេវាប្រៃសណីយ៍​​ជាមួយ​អង្គភាព​ច្រក​ចេញ​ចូល​តែ​មួយ

អគ្គនាយករងប្រៃសណីយ៍កម្ពុជា លោក ស៊ឹម ធី ក្នុងជំនួបពិភាក្សាការងារជាមួយលោក ហួត ហៃ អភិបាលរងរាជធានីភ្នំពេញ នាព្រឹកថ្ងៃទី ៦ កុម្ភះ បានលើកពី​គោលបំណងភ្ជាប់សេវាប្រៃសណីយ៏ជាមួយអង្គភាពច្រកចេញចូលតែមួយរាជធានី​ភ្នំពេញ ដើម្បីជួយសម្រាលបន្ទុកចំណាយ និងពេលវេលាជូនប្រជាពលរដ្ឋ។

លោក ស៊ឹម ធី អះអាង​ថា ការផ្តល់សេវាប្រៃសណីយ៏ជូនប្រជាពលរដ្ឋជួយសម្រាលបន្ទុកចំណាយ និងពេលវេលាក្នុងការ​មក​​យកឯកសារពីអង្គភាពច្រកចេញចូលតែមួយរាជធានីភ្នំពេញដោយផ្ទាល់ ក៏ដូចជាការឆ្លើយតបនឹងគោលនយោបាយរបស់​រាជរដ្ឋាភិបាល ដែលជំរុញឱ្យមានការផ្តល់សេវាសាធារណៈរហូតដល់ខ្នងផ្ទះប្រជាពលរដ្ឋ។

ជាការ​ឆ្លើយតប​ លោក ហួត ហៃ អភិបាលរងរាជធានីភ្នំពេញ​បានថ្លែង​ថា នេះជាសកម្មភាពដ៏​ល្អប្រសើរដែលនឹងរុញឯកសារដែលប្រជាពលរដ្ឋមកសុំសេវានៅច្រកចេញចូលតែមួយរាជធានីភ្នំពេញ។ ទោះបីយ៉ាងណា លោក​នឹង​លើ​កសំណើនេះ​​ឆ្លងការសម្រេចពីលោកឃួង ស្រេង អភិបាលរាជធានីភ្នំពេញជាមុន​សិន​៕

អត្ថបទ៖ ស្រីរ័ត្ន