ព័ត៌មានជាតិ
បោះឆ្នោតព្រឹទ្ធសភា៖ តើគណបក្សប្រជាជនដាក់មន្ត្រីណាខ្លះជាបេក្ខជននៅភូមិភាគកំពង់ចាម និងត្បូងឃ្មុំ?
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤។ លោក អ៊ុច បូររិទ្ធ ដែលបច្ចុប្បន្នមានតំណែងជាទេសរដ្ឋមន្ត្រីនៃរាជរដ្ឋាភិបាលកម្ពុជា បានក្លាយជាបេក្ខជន១រូបក្នុងចំណោមបេក្ខជនពេញសិទ្ធិចំនួន៨រូប របស់គណបក្សប្រជាជនកម្ពុជា សម្រាប់ភូមិភាគទី២។
លោកទេសរដ្ឋមន្ត្រី អ៊ុច បូររិទ្ធ ដែលជាសមាជិកគណៈអចិន្ត្រៃយ៍នៃគណៈកម្មាធិការកណ្ដាលគណបក្សប្រជាជនកម្ពុជា ត្រូវបានថ្នាក់ដឹកនាំចាត់តាំងឱ្យឈរឈ្មោះជាបេក្ខជនពេញសិទ្ធិលេខរៀងលើគេ នៅមណ្ឌលភូមិភាគទី២ ខេត្តកំពង់ចាម និងខេត្តត្បូងឃ្មុំ សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលថ្មីនេះ។ ការបោះឆ្នោតជ្រើសតាំងសមាជិកព្រឹទ្ធសភា គឺជាការបោះឆ្នោតអសកល ដែលមានសមាជិករដ្ឋសភា និងសមាជិកក្រុមប្រឹក្សាឃុំ-សង្កាត់ ក្នុងតំណែងជាអង្គបោះឆ្នោត។
បើតាមបញ្ជីឈ្មោះបេក្ខជន ចេញដោយគណៈកម្មាធិការជាតិរៀបចំការបោះឆ្នោត (គ.ជ.ប) ក្រៅពីលោក អ៊ុច បូររិទ្ធ មានបេក្ខជននៅលេខរៀងបន្ទាប់ គឺលោកស្រី អ៊ុក ម៉ាលី បច្ចុប្បន្នមានតួនាទីជាទេសាភិបាលរងធនាគារជាតិនៃកម្ពុជា ឈរនៅលេខរៀងទី២ លោក ស៊ាក ឡេង ប្រធានក្រុមប្រឹក្សាខេត្តត្បូងឃ្មុំក្នុងតំណែងសព្វថ្ងៃ ឈរជាបេក្ខជនលេខរៀងទី៣ ខណៈបេក្ខជននៅលេខរៀងទី៤ គឺលោក ស្លេះ ពុនយ៉ាមីន។ ចំណែក បេក្ខជនចំនួន៤រូបទៀត គឺសុទ្ធសឹងជាសមាជិកព្រឹទ្ធសភាក្នុងមុខតំណែងសព្វថ្ងៃ នឹងបន្តឈរឈ្មោះជាថ្មីទៀត ក្នុងនីតិកាលទី៥នេះ រួមមាន៖ លោក ឡាន់ ឆន លោក ជឹម លាវ លោក ឆាយ វណ្ណា និងលោកស្រី ស៊ី វណ្ណថា។
ក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤នេះ មានគណបក្សនយោបាយចំនួន៤ បានចុះឈ្មោះ និងដាក់បេក្ខជនចូលរួមប្រកួតប្រជែងដណ្ដើមកៅអីសមាជិកព្រឹទ្ធសភា ដែលក្នុងនោះ គណបក្សប្រជាជនកម្ពុជា ដែលជាគណបក្សកំពុងដឹកនាំរាជរដ្ឋាភិបាលបច្ចុប្បន្ន បានបន្តឈរឈ្មោះ និងដាក់បេក្ខជនសម្រាប់ការបោះឆ្នោតនេះនៅ ៨ភូមិភាគទូទាំងប្រទេស។
តាមរយៈសារលិខិត នៃថ្ងៃបើកយុទ្ធនាការឃោសនារកសំឡេងឆ្នោត កាលថ្ងៃទី១០ ខែកុម្ភៈ ប្រមុខគណបក្សប្រជាជនកម្ពុជា សម្ដេចតេជោ ហ៊ុន សែន និងជាបេក្ខភាពតំណែងប្រធានព្រឹទ្ធសភាថ្មីផងនោះ បានអំពាវនាវទៅកាន់សមាជិករដ្ឋសភា និងសមាជិកក្រុមប្រឹក្សាឃុំ-សង្កាត់ទាំងអស់ ដែលជាអង្គបោះឆ្នោត អញ្ជើញទៅបោះឆ្នោតគាំទ្រគណបក្សប្រជាជនកម្ពុជា ដែលមានរូបសញ្ញា ទេវតាបាចផ្កា ជានិមិត្តសញ្ញា និងមានលេខរៀងទី១ នៅលើសន្លឹកឆ្នោតឱ្យបានគ្រប់ៗគ្នា។ សម្ដេចតេជោ ចាត់ទុកការបោះឆ្នោតជូនគណបក្សប្រជាជនកម្ពុជា គឺជាការធានានូវជោគវាសនារបស់ជាតិ ប្រជាជន និងខ្លួនឯងផ្ទាល់៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៤ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី