តើឥស្សរជនកម្ពុជារូបណាខ្លះ ដែលទទួលបានគោរមងារជា កិត្តិបរិរក្សបណ្ឌិត?

កិត្តិបរិរក្សបណ្ឌិត ជាគោរមងារកិត្តិយសនៃរាជបណ្ឌិត្យសភាកម្ពុជា ផ្ដល់ជូនដល់ឥស្សរជនជាតិខ្មែរ ដែលមានស្នាដៃ គុណវុឌ្ឍិ ផ្ដល់ជាប្រយោជន៍ច្រើនដល់ប្រទេសកម្ពុជា ក្នុងវិស័យផ្សេងៗ។ តើឥស្សរជនកម្ពុជារូបណាខ្លះ ដែលទទួលបានគោរមងារជា កិត្តិបរិរក្សបណ្ឌិត?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាមានឥស្សរជន ២រូប ដែលទទួលបានគោរមងារកិត្តិយសជា កិត្តិបរិរក្សបណ្ឌិត។ ទី១.លោក គាត ឈន់ អតីតឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ទទួលបានគោរមងារកិត្តិយសជា «កិត្តិបរិរក្សបណ្ឌិត» នៅថ្ងៃទី១២ ខែមេសា ឆ្នាំ២០១៨។ ចំណែក ទី២. គឺលោក ហោ ណាំហុង ឧត្តមប្រឹក្សាផ្ទាល់ព្រះមហាក្សត្រ និងជាអតីតរដ្ឋមន្ត្រីក្រសួងការបរទេស​ និងសហប្រតិបតិការអន្តរជាតិ ត្រូវបានព្រះមហាក្សត្រនៃកម្ពុជា ផ្តល់គោរមងារកិត្តិយសនៃរាជបណ្ឌិត្យសភាកម្ពុជា ជា «កិត្តិបរិរក្សបណ្ឌិត» នៅថ្ងៃទី២៩ ខែតុលា ឆ្នាំ២០២២។

សូមបញ្ជាក់ថា បុគ្គលដែលអាចទទួលបានគោរមងារជា កិត្តិបរិរក្សបណ្ឌិត គឺជាវរជនខ្មែរដែលបានធ្វើការបម្រើរាជការចាប់ពី ៤០ឆ្នាំឡើង ហើយមានគុណបំ​ណាច់ និងស្នាដៃក្នុងការដឹកនាំ គ្រប់គ្រង និងថែរក្សាឧត្តមប្រយោជន៍ជាតិលើវិស័យវិទ្យាសាស្ត្រ សេដ្ឋកិច្ច សង្គមកិច្ច វប្បធម៌មនុស្សធម៌ អប់រំ បណ្តុះបណ្តាល និងអភិវឌ្ឍធនធានមនុស្ស៕