ព័ត៌មានជាតិ
ឃុំជីរោទ៍ប្រមូលទិន្នផលពោតក្រហមជាង ១ ម៉ឺនតោន
ពោតក្រហមដែលកសិករដាំលក់ធ្វើជាចំណីសត្វលើផ្ទៃដី ១.៥០០ហិកតា ស្ថិតក្នុងឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំកសិករចាប់ប្រមូលផលហើយ។ តាមកសិករ នៅឆ្នាំនេះទិន្នផលពោតក្រហមបានតិចជាងឆ្នាំមុន ដោយសារកត្តាអាកាសធាតុក្តៅគ្មានភ្លៀង ខណៈតម្លៃក៏ទាប។
លោក ទូច ចន្ធី អាយុ៤៣ឆ្នាំ ជាកសិកររស់នៅភូមិជីរោទិ៍ក្រោមទី១ បានបញ្ជាក់ឲ្យដឹងថា កសិករកំពុងតែប្រមូលផលពោតចំណីសត្វ ដែលផ្ដល់ទិន្នផលតិចជាងឆ្នាំមុន ដោយសារកត្តាអាកាសធាតុគ្មានភ្លៀងកក់ខែនោះទេ។ កសិករស្រោចស្រពដំណាំពោតដោយប្រើម៉ាស៊ីនបូមស្រោចទាំងស្រុង បណ្តាលឲ្យអស់ប្រេង ប្រើដើមទុនច្រើន ហើយប្រេងថ្លៃ គ្រាប់ពូជ ជី ក៏ថ្លៃ រីឯលក់ទៅវិញបានតម្លៃទាបជាងឆ្នាំកន្លងទៅដែរ។
លោក ចន្ធី បានបន្តថា ចំពោះទីផ្សារពោតចំណីសត្វ មានថៅកែគេចូលទិញថ្លឹងដល់ចម្ការតែម្ដង ក្នុងមួយគីឡូក្រាមតម្លៃ ៨០០ រៀល ខណៈកាលពីឆ្នាំទៅ ពោតចំណីសត្វរបស់គាត់លក់បានតម្លៃ ១.១០០រៀល ក្នុង១ គីឡូក្រាម។
ជាទូទៅនៅពេលដែលកសិករ ប្រមូលផលលើកទី១ រួចហើយ ពួកគាត់នឹងបន្តភ្ជួររាស់ដីដាំបន្តទៅទៀត ដើម្បីឲ្យទាន់រដូវកាល ឆាប់បានប្រមូលផលឲ្យបានមុនរដូវទឹកទន្លេមេគង្គឡើងមកលិច។
លោក ទួន ឆៃលឹម មេឃុំជីរោទ៍ទី១ បានឲ្យដឹងថា សម្រាប់ផ្ទៃដីដាំដំណាំកសិកម្មនៅក្នុងឃុំទាំងមូលមានចំនួនជាង២ពាន់ហិកតា ហើយផ្ទៃដាំពោតមានទំហំ១ពាន់៥រយហិកតា អាកាសធាតុក្តៅមិនសម្បូរទឹកភ្លៀង ជាហេតុធ្វើឲ្យពោតមិនសូវទទួលបានផលល្អនោះទេ ជាទូទៅកសិករអាចធ្វើបាន២ដងក្នុង១ឆ្នាំ ចំពោះទីផ្សារមិនចោទជាបញ្ហាទេ គ្រាន់តែតម្លៃមានឡើងចុះមិនទៀង ឆ្នាំទៅតម្លៃ ១.១០០ រៀល ក្នុង១គីឡូក្រាមពោលគឺធ្លាក់ថ្លៃ ៣០០ រៀល បើប្រៀបធៀបឆ្នាំមុន៕
អត្ថបទ៖ សាន វិឡែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង