ព័ត៌មានជាតិ
ប្រៀបធៀបចំណូលពីការលក់ផ្លាកលេខពិសេសនៅឆ្នាំ ២០២២ និង ឆ្នាំ ២០២៣ ខុសគ្នាយ៉ាងណា?
នៅឆ្នាំ ២០២២ ក្រសួងសាធារណការនិងដឹកជញ្ជូនបានប្រកាសចំណូលបានពីការលក់ផ្លាកលេខពិសេសលើយានយន្តបានចំនួនជាង ៨៤ ប៊ីលានរៀល ឬស្មើប្រមាណ ២១ លាន ដុល្លារអាមេរិក។ ដោយឡែកនៅឆ្នាំ ២០២៣ ចំណូលពីការលក់ផ្លាកលេខពិសេសបានធ្លាក់ចុះមានចំនួនត្រឹមប្រមាណ ១៦ លានដុល្លារអាមេរិក។
ការចុះបញ្ជីលេខពិសេសបែងចែកជាពីរ គឺលេខពិសេសរាជធានី-ខេត្ត និងលេខពិសេសផ្ទាល់ខ្លួនដែលមានអក្សរ ”កម្ពុជា”។
ផ្អែកតាមរបាយការណ៍បូកសរុបលទ្ធផលការងាររបស់ក្រសួងសាធារណការនិងដឹកជញ្ជូនឆ្នាំ ២០២២ និងលើកទិសដីការងារឆ្នាំ ២០២៣ ការចុះបញ្ជីផ្លាកលេខពិសេសផ្ទាល់ខ្លួននៅឆ្នាំ ២០២២ បានចំនួន ៧.១២៥ ផ្លាក ដោយរកចំណូលបាន ៤៤ ប៊ីលានរៀល (ប្រមាណ ១១ លានដុល្លារ) និងការចុះបញ្ជីផ្លាកលេខពិសេសថ្នាក់រាជធានី-ខេត្ត បានចំនួន ៣១ ៧៥៦ ផ្លាក ដោយទទួលបានចំណូលជាង ៤០ ប៊ីលាន រៀល (ប្រមាណ ១០ លានដុល្លារ)។
នៅក្នុងសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅឆ្នាំ២០២៤ របស់ក្រសួងសាធារណការនិងដឹកជញ្ជូន នៅក្នុងឆ្នាំ២០២៣ ក្រសួងសាធារណការនិងដឹកជញ្ជូនបានចុះបញ្ជីយានយន្តសរុបបានចំនួន ៦៥២ ១៦៣ គ្រឿង ដោយរួមបញ្ចូលទាំងយានយន្តដើរដោយថាមពលអគ្គិសនី (EV) ចំនួន ៦០៤ គ្រឿង។ ចំពោះយានយន្តដែលបានចុះបញ្ជីផ្លាកលេខពិសេស និងពិសេសផ្ទាល់ខ្លួនមានចំនួន ២៦ ៦៥៩ គ្រឿង ហើយទទួលបានចំណូលសរុបប្រមាណ ១៦ លានដុល្លារអាម៉េរិក។
ក្រសួងសាធារណការនិងដឹកជញ្ជូន បានដាក់ឲ្យប្រើប្រាស់ប្រព័ន្ធចុះបញ្ជីផ្លាកលេខពិសេសផ្ទាល់ខ្លួនតាមប្រព័ន្ធស្វ័យប្រវត្តិកម្មសម្រាប់រថយន្តគ្រួសារដោយមានអក្សរ «កម្ពុជា» នៅផ្នែកខាងលើ និងការរួមបញ្ចូលគ្នានៃលេខឡាតាំង ឬអក្សរ ចាប់ពី ១ ដល់៨ ខ្ទង់នៅផ្នែកកណ្តាល ព្រមទាំងមាន QR Code នៅផ្នែកខាងស្តាំនៃផ្លាកលេខ។
អ្នកប្រើប្រាស់អាចធ្វើការជ្រើសរើសផ្លាកលេខរថយន្តដែលខ្លួនស្រលាញ់ តាមរយៈការដាក់ពាក្យស្នើសុំទិញ ឬការដាក់ដេញថ្លៃ ក្នុងប្រព័ន្ធស្វ័យប្រវត្តិកម្មនៃចុះបញ្ជីរថយន្តរបស់ក្រសួងសាធារណការ និងដឹកជញ្ជូន ហើយផ្លាកលេខពិសេសនេះអាចរក្សាទុកបាននៅពេលដែលមានការផ្ទេរកម្មសិទ្ធិរថយន្តផងដែរ៕
បន្តចុចអាន៖ ២០ សំនួរ ស្រាយចម្ងល់ជុំវិញការប្រើប្រាស់ផ្លាកលេខកម្ពុជា និងផ្លាកលេខរាជធានី-ខេត្ត
-
ព័ត៌មានជាតិ៧ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា៤ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
កីឡា៩ ម៉ោង agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៥ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?