Connect with us

ព័ត៌មានជាតិ

ចូលឆ្នាំខ្មែរ៣ថ្ងៃ ភ្ញៀវទេសចរជាង៥លាននាក់បានចូលរួមលេងកម្សាន្តនៅខេត្តកំពង់ចាម

បានផុស

នៅ

ភ្ញៀវទេសចរជាតិ និងអន្តរជាតិ ប្រមាណជាង៥លាននាក់ បាននាំគ្នាមកលេងកម្សាន្តសង្ក្រាន្តកំពង់ចាម និងនៅតាមរមណីយដ្ឋាននានាក្នុងខេត្ត រយៈពេលបីថ្ងៃនៃពិធីបុណ្យចូលឆ្នាំប្រពៃណីជាតិខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ាន សុគុណ ប្រធានមន្ទីរទេសចរណ៍ខេត្តកំពង់ចាម បានឲ្យដឹងថា នៅក្នុងឱកាសចូលឆ្នាំថ្មីប្រពៃណីជាតិខ្មែរឆ្នាំ២០២៤ ខេត្តកំពង់ចាមទទួលបានភ្ញៀវទេសចរ ដែលមកទស្សនានៅតាមកន្លែងកម្សាន្ត និងរមណីយដ្ឋាននានា និងស្នាក់នៅក្នុងខេត្តកំពង់ចាម សរុបទាំងបីថ្ងៃ មានចំនួនប្រមាណជាង៥លាន២៣ម៉ឺននាក់។

ប្រធានមន្ទីរទេសចរណ៍ខេត្តកំពង់ចាម បញ្ជាក់ទៀតថា ចំនួនភ្ញៀវទេសចរមកលេងកម្សាន្តសង្ក្រាន្តកំពង់ចាមថ្ងៃទី១៤ មានចំនួន៖ ១លាន៥៣ម៉ឺន នាក់ , ថ្ងៃទី១៥ មានចំនួន១លាន៨៣ម៉ឺននាក់ និងថ្ងៃទី១៦ មានចំនួន១លាន៩០ម៉ឺន នាក់។ ភាគច្រើន ប្រជាពលរដ្ឋ  និងអ្នកទេសចរ  តែងតែមកលេងកម្សាន្តនៅតាមកន្លែងកម្សាន្ត និងរមណីយដ្ឋាន នានាដូចជា ៖ រមណីយដ្ឋានទឹកឆា, រមណីយដ្ឋានកសិទេសចរណ៍-ថ្មដាទឹកឆា,រមណីយដ្ឋានប្រាសាទភ្នំហាន់ជ័យ, រមណីយដ្ឋានបែមប៊ូរីសត ,រមណីយដ្ឋានភ្នំប្រុស-ភ្នំស្រី,រមណីយដ្ឋាននគរបាជ័យ ,រមណីយដ្ឋានប្រាសាទភ្នំជើងព្រៃ,រមណីយដ្ឋានឆ្នេរខ្សាច់កោះប៉ែន,អាហារដ្ឋានស្មៅទន្លេ,ក្រុងកំពង់ចាម, ភ្ញៀវមកចូលរួមទស្សនាការប្រគុំតន្ត្រី របស់ក្រុមហ៊ុនស្រាបៀវឌ្ឍនៈ ,ភ្ញៀវមកលេងកំសាន្តទីលានមុខសាលាខេត្តកំពង់ចាម ហេីយចំពោះ ភ្ញៀវស្នាក់នៅតាមផ្ទះសំណាក់ និងសណ្ឋាគារផងដែរ។

ទន្ទឹមនឹងនេះដែរ  ចំពោះបញ្ហាសន្តិសុខ សណ្ដាប់ធ្នាប់សាធារណៈ នៅថ្ងៃសង្ក្រាន្តទាំងបីថ្ងៃ សម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំនេះវិញ គឺពុំមានអ្វីកើតឡើង គួរឲ្យកត់សម្គាល់ឡើយ ពោលគឺ គឺអាស្រ័យដោយ ការរៀបចំរបស់ លោក អ៊ុន ចាន់ដា អភិបាល នៃគណៈអភិបាល ខេត្តកំពង់ចាម និងបានដាក់កម្លាំងយាមកាម នៅក្នុងមូលដ្ឋាន ដើម្បីបង្កលក្ខណៈសប្បាយរីករាយដល់ប្រជាពលរដ្ឋទូទៅ នៅគ្រប់មជ្ឈដ្ឋាន៕

អត្ថបទ៖ ឡេក  ចាន់ពេជ្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១១ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

សន្តិសុខសង្គម១០ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៦ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

Sokha Hotels

ព័ត៌មានពេញនិយម