ព័ត៌មានជាតិ
ព្រះចៅស៊ុលតង់ នឹងយាងមកកម្ពុជា ដើម្បីតែស្រស់ស្រូបអាហារពេលព្រឹកជាមួយប្អូនធម៌ គឺសម្ដេចតេជោ
តាមសំណេរលើទំព័រហ្វេសប៊ុកផ្លូវការ នាព្រឹកថ្ងៃសៅរ៍ នេះ សម្ដេចតេជោ ហ៊ុន សែន បានឱ្យដឹងថា ប្រសិនពុំមានការផ្លាស់ប្តូទេនៅយប់ថ្ងៃ២៩មេសាខាងមុខនេះព្រះមហាក្សត្រប្រុយណេ ព្រះចៅស៊ុលតង់ ហាស់សាណាស់ ប៊ុលគីយ៉ាស់ ព្រះអង្គនិងយាងមកដល់កម្ពុជា។
សម្ដេចតេជោ ហ៊ុន សែន ជាប្អូនធម៌របស់ព្រះចៅស៊ុលតង់ បានឱ្យដឹងថា សម្ដេចនឹងទៅទទួលព្រះមហាក្សត្រប្រុយណេរូបនេះ ដោយផ្ទាល់នៅអាកាសយានដ្ឋានអន្តរជាតិភ្នំពេញ រួចសម្ដេចនឹងធ្វើដំណើរដោយផ្ទាល់ជូនព្រះបងធម៌សម្ដេចទៅកន្លែងស្នាក់នៅ។ សម្ដេចតេជោ បានសរសេរដូច្នេះថា “ខ្ញុំនិងទៅទទួលព្រះអង្គនៅព្រលានយន្តហោះដោយផ្ទាល់ និងរួមដំណើរជាមួយគ្នាមកកាន់សណ្ឋាគារ”។
សម្ដេចតេជោ ហ៊ុន សែន បានពន្យល់ថា ករណីសម្ដេចទៅទទួលបងធម៌សម្ដេចដោយផ្ទាល់បែបនេះ មិនមែនជារឿងចម្លែកទេរវាងព្រះអង្គជាមួយសម្ដេច ត្បិតព្រោះកាលពីឆ្នាំ២០១១ពេលដែលសម្ដេចធ្វើដំណើរទៅប្រុយណេ ព្រះចៅស៊ុលតង់រូបនេះ បានបើករថយន្តដោយអង្គឯងមកទទួលសម្ដេចនៅព្រលានយន្តហោះរួចក៏ជូនទៅសណ្ឋាគារ។
សម្ដេចតេជោ ហ៊ុន សែន បានបញ្ជាក់ថាឱ្យដឹងថា គោលបំណងទស្សនកិច្ចរបស់ព្រះមហាក្សត្រប្រុយណេ គឺមក
ស្រស់ស្រូបពេលព្រឹកជាមួយសម្ដេច ដែលបានរាប់អានសម្ដេចតេជោ ដូចប្អនពៅ។
ក្រៅពីមកកម្ពុជា ដើម្បីស្រស់ស្រូបអាហារពេលព្រឹក ព្រះចៅស៊ុលតង់ ហាស់សាណាល់ ពុំមានជំនួបផ្លូវការណាមួយកើតឡើងឡើយ តែការស្រស់ស្រូបពេលព្រឹក ថ្ងៃទី៣០ ខែមេសា ខាងព្រះអង្គមានព្រះអង្គម្ចាស់ម៉ាទីនដែលជាព្រះរាជ្យបុត្រ។
ចំណែកឯខាងសម្ដេចតេជោមានកូនប្រុសទាំងបីគឺ សម្ដេចធិបតី ហ៊ុន ម៉ាណែត
ឯកឧត្ដម ហ៊ុន ម៉ានិត និងឯកឧត្ដម ហ៊ុន ម៉ានី។
បន្ទាប់ពីបញ្ចប់ការស្រស់ស្រូបអាហារពេលព្រឹករួចរាល់ ជាថ្មីម្ដងទៀត សម្ដេចតេជោ ហ៊ុន សែន នឹងដង្ហែរជូនដំណើរព្រះចៅស៊ុលតង់ ដោយផ្ទាល់មកកាន់អាកាសយានដ្ឋានអន្តរជាតិតេជោ។
សម្ដេចតេជោ ថ្លែងអះអាងដូច្នេះ “ក្រោយការស្រស់ស្រូបខ្ញុំនឹងដង្ហែព្រះអង្គទៅព្រលានយន្តហោះដើម្បី
ព្រះយាងនិវត្តន៍ទៅកាន់ប្រទេសវិញ”។
គួរជម្រាបជូនបន្តិចថា សម្ដេចតេជោ បានរាប់អានព្រះចៅស៊ុលតង់ ជាបងធម៌ រាប់អានលោក ថាក់ ស៊ីន ស៊ីណាវ៉ាត្រា ជាបងប្អូនធម៌៕
-
ព័ត៌មានជាតិ៥ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច១ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ៥ ថ្ងៃ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង