ព័ត៌មានជាតិ
មកស្គាល់អនុវិទ្យាល័យមិត្តភាពខ្មែរ-ជប៉ុនព្រះឥន្ទកោសា ជាអង្គភាពផ្ដល់សេវាសាធារណៈគំរូ ក្នុងវិស័យអប់រំ ចំណាត់ថ្នាក់លេខ ២ ឆ្នាំ ២០២៣
អនុវិទ្យាល័យមិត្តភាពខ្មែរ-ជប៉ុនព្រះឥន្ទកោសា មានទីតាំងនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ស្ថិតក្នុងវត្តព្រះឥន្ទកោសា មានផ្ទៃដីសរុប ៥២៥៣ ម៉ែត្រការ៉េ ដែលបានបង្កើតឡើងនៅឆ្នាំ ១៩៨៤ កាលនោះមាន អគារសិក្សាតែ ០១ ខ្នង និង ០៣ បន្ទប់ មានគ្រូចំនួន ០៥ នាក់ សិស្ស ១៨០ នាក់ តែប៉ុណ្ណោះ។ ក្នុងឆ្នាំសិក្សាថ្មីនេះ សាលាមានអគារសិក្សា ៤ ខ្នង ស្មើ ១៩ បន្ទប់ ធ្វើអំពីថ្មប្រក់ក្បឿង មានគ្រូ ៥៧ នាក់ ស្រី ៣៤ នាក់ និងសិស្សសរុប ៨០១ នាក់ ស្រី ៤២៦ នាក់ ស្មើនឹង ១៩ ថ្នាក់។
បន្ទាប់ពីមានការរីកចម្រើនពីមួយថ្ងៃទៅមួយថ្ងៃ និងកំណើនសិស្សមានការកើនឡើង សាលាបានកំណត់នូវចក្ខុវិស័យកសាងមូលដ្ឋានគ្រឹះ នៃចំណេះដឹងរឹងមាំប្រកបដោយសមត្ថភាព គុណភាព និងប្រសិទ្ធភាព ស្របតាមតម្រូវការមូលដ្ឋាន ដើម្បីឆ្លើយតបទៅនឹងចតុស្តម្ភអប់រំ គឺ “អប់រំឱ្យមានចំណេះដឹង អប់រំឱ្យមានចំណេះធ្វើ អប់រំឱ្យមានឥរិយាបថល្អ អប់រំឱ្យចេះរួមរស់នៅជាមួយគ្នា”។ បន្ថែមពីនោះ សាលាក៏បានកំណត់បេសកកម្មចំនួន ៩ ចំណុច រួមមាន ៖ ១.លើកកម្ពស់សមត្ថភាពក្នុងការគ្រប់គ្រង ដឹកនាំ និងការគ្រប់គ្រងថវិកា, ២.ជំរុញការអភិវឌ្ឍសមត្ថភាពវិជ្ជាជីវៈគ្រូបង្រៀន និងបច្ចេកវិទ្យា, ៣.បង្កើនការយកចិត្តទុកដាក់តាមដានការសិក្សា និងផ្តល់ចំណេះដឹងដល់សិស្ស, ៤.កាត់បន្ថយអត្រាសិស្សត្រួតថ្នាក់ និងបោះបង់ការសិក្សា, ៥.ពង្រឹងវិន័យ សីលធម៌ និងការប្រាស្រ័យទាក់ទងរវាងគ្រូ និងសិស្ស, ៦.ពង្រឹងក្លឹបសិក្សា និងផ្នែកបំណិនជីវិតងាយៗ ដល់សិស្ស, ៧.ថែទាំ និងជួសជុល តុ កៅអី បន្ទប់ អគារសិក្សា, ៨.លើកទឹកចិត្តគ្រូ-សិស្ស មានស្នាដៃល្អ, ៩.សហការល្អជាមួយសហគមន៍ និងអាជ្ញាធរដែនដី ក្នុងវិស័យអប់រំ។
ក្នុងឆ្នាំ ២០២៣ អនុវិទ្យាល័យមិត្តភាពខ្មែរ-ជប៉ុនព្រះឥន្ទកោសា មានឱកាសបានចូលរួមប្រឡងប្រណាំងក្នុងការវាយតម្លៃអង្គភាពផ្តល់សេវាសាធារណៈគំរូ ក្នុងវិស័យអប់រំ ដែលបានដាក់ឱ្យអនុវត្តដោយរាជរដ្ឋាភិបាល។ មិនខុសពីអង្គភាពផ្សេងៗ ទៀត នោះទេ អនុវិទ្យាល័យមិត្តភាពខ្មែរ-ជប៉ុនព្រះឥន្ទកោសា ត្រូវឆ្លងកាត់ការត្រួតពិនិត្យ និងវាយតម្លៃយ៉ាងម៉ត់ចត់ លើគោលការណ៍លក្ខណៈវិនិច្ឆ័យចំនួន ៨ ប្រកបដោយ សុក្រឹតភាព តម្លាភាព និងសមិទ្ធិកម្ម។ បេក្ខភាពអង្គភាពផ្តល់សេវាសាធារណៈគំរូទាំងអស់ ក៏ត្រូវឆ្លងកាត់ការវាយតម្លៃទាំងថ្នាក់ក្រោមជាតិ រហូតឈានដល់ការវាយតម្លៃដោយគណៈកម្មការវាយតម្លៃអង្គភាពផ្តល់សេវាគំរូថ្នាក់ជាតិ ក្រោមការដឹកនាំរបស់ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។ ជាលទ្ធផល អនុវិទ្យាល័យមិត្តភាពខ្មែរ-ជប៉ុនព្រះឥន្ទកោសា មានកិត្តិយសទទួលជ័យលាភីចំណាត់ថ្នាក់លេខ ២ ទូទាំងប្រទេស ហើយត្រូវបានប្រកាសទទួលស្គាល់នាថ្ងៃទី ២២ ខែកុម្ភៈ ឆ្នាំ ២០២៤ ក្រោមអធិបតីភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
កម្មវិធីដ៏រីករាយ និងមានឥទ្ធិពលដល់ការផ្លាស់ប្ដូរមុខមាត់នេះ កើតចេញមកពីមានការផ្ដួចផ្ដើមគំនិត និងការដឹកនាំដ៏ប៉ិនប្រសព្វរបស់រាជរដ្ឋាភិបាលអាណត្តិទី ៦ ដែលមាន សម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី តាមរយៈការខិតខំប្រឹងប្រែងយកចិត្តទុកដាក់ខ្ពស់ក្នុងការបង្ខិតសាលារៀន ឱ្យកាន់តែជិតនឹងប្រជាពលរដ្ឋ។
ក្នុងរាជរដ្ឋាភិបាលអាណត្តិទី ៧ ថ្មីនេះ ក្រោមការដឹកនាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណ ដោយក្នុងនោះមានមុំ ១ ការអភិវឌ្ឍធនធានមនុស្ស គឺការយកចិត្តទុកដាក់ក្នុងការលើកកម្ពស់គុណភាពបង្រៀន និងរៀន និងបង្កើនការជួយសិស្សរៀនយឺត សិស្សក្រីក្រ កាត់បន្ថយអត្រាសិស្សបោះបង់ និងត្រួតថ្នាក់ តាមរយៈកិច្ចសហប្រតិបត្តិការជាមួយគ្រប់ភាគីពាក់ព័ន្ធ សហគមន៍ អាជ្ញាធរដែនដី ដៃគូអភិវឌ្ឍន៍ ដើម្បីធ្វើឱ្យសម្រេចបានលទ្ធផលឆ្លើយតបទៅនឹងគោលនយោបាយអប់រំ។
ទន្ទឹមនេះដែរ រាជរដ្ឋាភិបាលអាណត្តិថ្មី បានបន្តកម្មវិធីវាយតម្លៃ និងទទួលស្គាល់អង្គភាពផ្តល់សេវាសាធារណៈគំរូថ្នាក់ជាតិចំនួនពីរវិស័យជាអាទិភាព គឺ ៖ វិស័យសុខាភិបាល និងវិស័យអប់រំ ដោយមានក្រសួងមុខងារសាធារណៈ ទទួលបន្ទុកដឹកនាំរៀបចំ៕
-
ព័ត៌មានជាតិ៦ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ សប្តាហ៍ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច២ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៣ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៦ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៧ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៦ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ១ សប្តាហ៍ ago
ក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន