Connect with us

ព័ត៌មានជាតិ

លោក ស៊ុន ចាន់ថុល ជឿជាក់ វិនិយោគិនជប៉ុន​នឹង​ចុះមក​ផ្ទាល់ស្វែងយល់​ស្ថានភាពវិនិយោគនៅ​កម្ពុជា

បានផុស

នៅ

លោក ស៊ុន ចាន់ថុល អនុប្រធានទី១ ក្រុម​ប្រឹក្សា​អភិវឌ្ឍន៍​កម្ពុជា ដែលបានចូលរួមក្នុង​សិក្ខាសាលាដើម្បី​ផ្សព្វផ្សាយ​អំពី​សក្តានុពល និង​កាលានុវត្តភាព​វិនិយោគ​នៅ​កម្ពុជាទៅ​កាន់​សហគ្រាស​របស់​ជប៉ុននាទីក្រុងតូក្យូ កាលពីថ្ងៃទី​០៨ ឧសភា ម្សិលមិញ បាន​បង្ហាញ​សុទិដ្ឋិនិយម​ថា វិនិយោគិននិង​ធុរជន​ជប៉ុន​នឹង​មក​សិក្សា​ស្វែងយល់​ដោយ​ផ្ទាល់ពីស្ថានភាពវិនិយោគ​​នៅ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានកិច្ចសហការជាមួយមជ្ឈមណ្ឌលអាស៊ាន-ជប៉ុន (AJC) និង​អង្គការពាណិជ្ជកម្មក្រៅ​ប្រទេសរបស់ជប៉ុន​(JETRO) ក្រុមប្រឹក្សាអភិវឌ្ឍន៍កម្ពុជាបាន​រៀបចំសិក្ខាសាលាស្តីពីការវិនិយោគនៅកម្ពុជា ក្នុង​គោល​បំណង​ផ្សព្វផ្សាយ​អំពី​សក្តានុពល និង​កាលានុវត្តភាព​វិនិយោគ​នៅកម្ពុជាទៅកាន់សហគ្រាសរបស់ជប៉ុន ដោយ​មាន​ចូលរួមពីសំណាក់តំណាងស្ថានតំណាងបរទេសប្រចាំប្រទេសជប៉ុន ក្រសួងសេដ្ឋកិច្ច ពាណិជ្ជកម្ម និងឧស្សាហកម្មនៃប្រទេសជប៉ុន សម្ព័ន្ធ​សភាមិត្តភាពកម្ពុជា-ជប៉ុន សមាគមជប៉ុន-កម្ពុជា និងវិស័យឯកជន​នានា។

ក្នុង​ឱកាស​នោះ លោក ស៊ុន ចាន់​ថុល ក៏បាន​រំលេច​អំពី​សក្តានុពល​វិជ្ជមាន​របស់​កម្ពុជា​មានជាអាទិ៍ ស្ថិរភាពនយោបាយ, ស្ថានភាពម៉ាក្រូសេដ្ឋកិច្ចដែលមានលំនឹងវិជ្ជមាន, កម្លាំងពលកម្ម​វ័យក្មេង​ប្រកបដោយថាមពល, រាជរដ្ឋាភិបាល​ដែលមានទំនោរគាំទ្រដល់ការរីកលូតលាស់នៃធុរកិច្ច, របប​វិនិយោគដែលមានភាពទាក់ទាញ និងអនុគ្រោះ និងហេដ្ឋារចនាសម្ព័ន្ធអន្តរមធ្យោបាយដែលបាន និង​​​​​​​​​​កំពុងអភិវឌ្ឍឱ្យកាន់តែមានភាពតភ្ជាប់ និងប្រទាក់ក្រឡា។

ជាក់ស្តែង លោក​រដ្ឋមន្ត្រី ក៏​បាន​បង្ហាញ​នូវ​សុទិដ្ឋិនិយមយ៉ាងមុតមាំថា «វិនិយោគិន និង​ធុរជន​ដែល​បាន​អញ្ជើញ​ចូលរួម​នឹង​អញ្ជើញ​មក​សិក្សាស្វែងយល់ដោយផ្ទាល់នៅកម្ពុជា ក៏ដូចជា​ពាំនាំ​នូវបច្ចុប្បន្នភាព​នៃ​បរិយាកាស​វិនិយោគ​នៅ​កម្ពុជា​ទៅកាន់សហគមន៍ធុរកិច្ចជប៉ុនឱ្យកាន់តែទូលំទូលាយបន្ថែមមួយកម្រិតទៀត»។

វាគ្មិនមកពីវិស័យឯកជនដែលបាន​ចូលរួម​វេទិកាពិភាក្សា ក៏បានលើកឡើងពីសក្តានុពលវិនិយោគនៅកម្ពុជា អំពីភាពងាយស្រួលក្នុងការប្រកបអាជីវកម្ម ពិពិធភាពនៃសកម្មភាពវិនិយោគដែលពោរពេញដោយឱកាស និងការគាំទ្រផ្នែក​គោលនយោបាយប្រកបដោយបុរេសកម្មពីសំណាក់រាជរដ្ឋាភិបាលលើអនុវិស័យថាមពលកកើតឡើងវិញ ខ្សែច្រវាក់ផលិតកម្មបៃតង និងសេដ្ឋកិច្ចឌីជីថលដែលកំពុងតែដើរស្របនឹងនិន្នាការតំបន់និងសកល៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១០ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

សន្តិសុខសង្គម១០ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៥ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

Sokha Hotels

ព័ត៌មានពេញនិយម