ព័ត៌មានជាតិ
ឯកឧត្ដម ហ៊ុន ម៉ានី អញ្ជើញដឹកនាំកិច្ចប្រជុំជាមួយថ្នាក់ដឹកនាំ នៃក្រុមការងារសមាជិកនីតិបុគ្គល ជា អង្គការ សមាគមចំណុះគណៈកម្មាធិការកណ្តាល ស.ស.យ.ក
កាលពីរសៀលថ្ងៃទី ២៤ ខែឧសភា ឆ្នាំ ២០២៤ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញដឹកនាំកិច្ចប្រជុំជាមួយថ្នាក់ដឹកនាំ នៃក្រុមការងារសមាជិកនីតិបុគ្គល ដែលជា អង្គការ សមាគមចំណុះគណៈកម្មាធិការកណ្តាល ស.ស.យ.ក នៅមជ្ឈមណ្ឌលម៉ានី។
![](https://www.kampucheathmey.com/wp-content/uploads/2024/05/442491378_839771154860641_3578591457135524189_n-1024x576.jpg)
ជាកិច្ចចាប់ផ្ដើម ឯកឧត្ដម ហ៊ុន ម៉ានី បានសម្តែងនូវសេចក្ដីសោមនស្សរីករាយចំពោះសមាជិក សមាជិកា ដែលបានមកចូលរួមកិច្ចប្រជុំនាឱកាសនោះ។ ឯកឧត្ដម បានមានប្រសាសន៍ថា របបប្រជុំបែបនេះ នឹងបន្តនៅថ្ងៃអនាគតបន្ថែមទៀត ដើម្បីតាមដានវឌ្ឍនភាពការងារ ស្តាប់របាយការណ៍ បញ្ហាប្រឈម ក៏ដូចជាស្វែងរកដំណោះស្រាយរួមគ្នា របស់ក្រុមការងារសមាជិកនីតិបុគ្គល ដែលជាអង្គការ សមាគម។
ឯកឧត្ដម ក៏បានគូសបញ្ជាក់ផងដែរថា បើទោះបីសមាជិក សមាជិកា ដែលចូលរួមទាំងអស់គ្នា នាឱកាសនោះ មានភារកិច្ចផ្សេងគ្នា តួនាទីខុសគ្នាក្តី ការងារមមាញឹកយ៉ាងណា ក៏សមាជិក សមាជិកា នៅតែបន្ថែមពេលវេលាពីការងារស្នូល ចូលរួមចំណែកជាមួយសង្គមជាតិ ក្រោមឆ័ត្រតែមួយរបស់ស.ស.យ.ក ដែរ។
![](https://www.kampucheathmey.com/wp-content/uploads/2024/05/445360137_839771494860607_4390493852386475002_n-1024x576.jpg)
ក្រោយពីស្តាប់របាយការណ៍របស់ សមាជិក សមាជិកា អង្គប្រជុំ ឯកឧត្ដម បានកោតសរសើរ និងវាយតម្លៃខ្ពស់ចំពោះសមិទ្ធផលនានា ដែលសមាជិក សមាជិកា និង ថ្នាក់ដឹកនាំតាមបណ្តាស្ថាប័ន-អង្គការ សមាគមទាំងអស់ សម្រេចបាននាពេលកន្លងមក ជាពិសេស ថ្លែងអំណរគុណចំពោះការចូលរួមចំណែកជាសកម្មភាព ក៏ដូចជាបេសកកម្មនានា ស្របជាមួយសហភាពសហព័ន្ធយុវជនកម្ពុជា នាពេលកន្លងមក។ ទន្ទឹមនឹងនោះ ឯកឧត្ដម បានគូសបញ្ជាក់ផងដែរថា សមាជិកនីតិបុគ្គលនីមួយៗ សុទ្ធតែមានបទពិសោធ ប្រវត្តិ និងភាគជោគជ័យរៀងៗ ខ្លួន ដែលនេះជាធាតុចូល និងមេរៀន សម្រាប់ក្រុមការងារ ក្នុងការពិចារណាយកទៅប្រើប្រាស់ស្របតាមទិសដៅក្នុងការរៀបចំកម្មវិធី ស.ស.យ.ក។
សូមបញ្ជាក់ថា យោងលក្ខន្តិកៈសហភាពសហព័ន្ធយុវជនកម្ពុជា សមាជិកភាពរបស់ ស.ស.យ.ក រួមបញ្ចូលផងដែរនូវ សមាជិកជានីតិបុគ្គល ដែលធ្វើសកម្មភាពពាក់ព័ន្ធនឹងយុវជន។ គិតមកដល់បច្ចុប្បន្ន ស.ស.យ.ក មានសមាជិកជានីតិបុគ្គល ចំនួន ១៦ ដែលជាអង្គការ សមាគម ក្នុងព្រះរាជាណាចក្រកម្ពុជា មានបេសកកម្ម និងទស្សនវិស័យស្រដៀងនឹង ស.ស.យ.ក គឺការចូលរួមសកម្មភាពក្នុងបុព្វហេតុសង្គមជាតិ និងប្រជាជន។ ដោយឡែកពិធីសំណេះសំណាលនាឱកាសនេះ មានគោលបំណងបង្កើនភាពស្និទ្ធស្នាល និងការចែករំលែកបទពិសោធ និងរៀនសូត្រពីគ្នាទៅវិញទៅមកផងដែរ៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ