ព័ត៌មានជាតិ

ឃាត់ខ្លួនចិន៨នាក់ អ្នករត់តាក់ស៉ី ២ នាក់ ចេញពីខុនដូផ្ទុះកូវីដមួយនៅភ្នំពេញ ធ្វើដំណើរទៅខេត្តកោះកុង

បានផុស

៣ years មុន

នៅ

ថ្ងៃចន្ទ ១ មីនា ២០២១

ដោយ

ជនជាតិចិនប្រុសស្រី៨នាក់ រួមទាំងអ្នករត់តាក់ស៊ីពីរនាក់ត្រូវបានកម្លាំងគណៈបញ្ជាការឯកភាពស្រុកគីរីសាគរ ខេត្តកោះកុង ធ្វើការឃាត់ខ្លួននិងបញ្ជូនទៅមណ្ឌលចត្តាឡីស័ក ក្រោយពីធ្វើដំណើរចេញពី condo rose ភ្នំពេញ ដែលជាកន្លែងពាក់ព័ន្ធក្នុងព្រឹត្តិការណ៍២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយទទួលបានព័ត៌មានពីវត្តមានរបស់ជនជាតិចិនពុំមានឯកសារសម្គាល់ខ្លួន និងសង្ស័យជាប់ពាក់ព័ន្ធព្រឹត្តិការណ៍២០កុម្ភៈ លោក ទួន ឪទី អភិបាលរងស្រុក បានដឹកនាំកម្លាំងនគរបាលនៃអធិការដ្ឋាន និងកម្លាំងសឹករងស្រុកចុះពិនិត្យដល់គោលដៅនៅវេលាម៉ោង១១និង១៥នាទីយប់ថ្ងៃទី២៧ ខែកុម្ភៈ ឆ្នាំ២០២១ បាននាំខ្លួនជនជាតិចិនចំនួន៨នាក់ (ស្រី១នាក់) និងតៃកុងឡានឈ្នួលចំនួន០២នាក់ យកទៅមណ្ឌលសុខភាពកូនកុក ក្នុងឃុំភ្ញីមាស ស្រុកគីរីសាគរខេត្តកោះកុង ដើម្បីធ្វើចត្តាឡីស័ក។

ចំណែកអ្នករត់តាក់ស៊ីកម្លាំង សមត្ថកិច្ចនគរបាលបានអនុវត្តនីតិវិធី និងសួរនាំធ្វើកំណត់ហេតុទើបដឹងថា ក្រុមជនជាតិចិនទាំងអស់នេះ ពួកគាត់ដឹកមកពី condo roseភ្នំពេញ ដែលជាកន្លែងចំណុចទីតាំងពាក់ព័ន្ធក្នុងព្រឹត្តិការ២០កុម្ភៈ។

បច្ចុប្បន្នអ្នកពាក់ព័ន្ធទាំង១០នាក់ត្រូវសមត្ថកិច្ចប្រគល់ជូនគ្រូពេទ្យ មណ្ឌលសុខភាពកូនកុក ដើម្បីធ្វើ ចត្តាឡីស័ករយៈពេល១៤ថ្ងៃសិន៕