ព័ត៌មានជាតិ
ក្រសួងការងារ ជំរុញម្ចាស់សហគ្រាសបង្កើតទារកដ្ឋាន និងមត្តេយ្យសហគមន៍សម្រាប់កូនកម្មករ-និយោជិត
ក្រសួងការងារ និងបណ្តុះបណ្តាលវិជ្ជាជីវៈ បានជំរុញឱ្យម្ចាស់រោងចក្រសហគ្រាសរៀបចំឱ្យទារកដ្ឋាន និងមត្តេយ្យសហគមន៍សម្រាប់កូនរបស់កម្មករ-និយោជិតឱ្យបានឆាប់រហ័ស ដើម្បីជួយសម្រួលដល់ការលំបាករបស់កម្មករ-និយោជិត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ២៩ សីហា នេះថា ការងាររៀបចំទារកដ្ឋាន និងមត្តេយ្យ សហគមន៍សម្រាប់កូនរបស់កម្មករ-និយោជិតនេះ ក្រសួងបានប្រជុំពិភាក្សាជាមួយសមាគមនិយោជករួចហើយកាលពីថ្ងៃទី ២៥ ខែកក្កដា ឆ្នាំ ២០២៤ ដើម្បីជំរុញឱ្យបានឆាប់រហ័ស។ ក្រៅពីនេះ ក្រសួងបានសហការជាមួយភាគីពាក់ព័ន្ធជំរុញការកែលម្អកន្លែងហូបបាយ ឬអាហារដ្ឋាននៅតាមរោងចក្រ សហគ្រាស ដែលកំពុងដំណើរការឱ្យបានសមរម្យសម្រាប់កម្មករ-និយោជិត និងតម្រូវឱ្យមានការរៀបចំកន្លែងហូបបាយ ឬអាហារដ្ឋានសម្រាប់រោងចក្រ សហគ្រាស ដែលត្រូវបង្កើតថ្មី។ ក្រសួងបានសហការជាមួយ ក្រសួងរៀបចំដែនដី នគរូបនីយកម្ម និងសំណង់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងអគ្គ លេខាធិការដ្ឋានក្រុមប្រឹក្សាអភិវឌ្ឍន៍កម្ពុជា ដើម្បីកំណត់ស្តង់ដាររោងចក្រថ្មី ដែលនឹងបញ្ចូលលក្ខខណ្ឌតម្រូវ ក្នុងការរៀបចំកន្លែងហូបបាយ និងអាហារដ្ឋានផងដែរ។
ជាមួយគ្នានេះ លោកបានបន្តថា ក្រសួងបានរៀបចំឯកសារសម្រាប់ដំណើរការបង្កើតទារកដ្ឋាន និងមត្តេយ្យសហគមន៍សម្រាប់កូនកម្មករ-និយោជិតដែលមានវិភាគអំពីតម្លៃសេវាទារកដ្ឋាន និងមត្តេយ្យ, ការព្យាករថវិកាចំណាយ (តម្លៃវិនិយោគ និងចំណាយប្រតិបត្តិ), ការកំណត់ទីតាំង, ការត្រៀមរៀបចំបញ្ជីសម្ភារៈ និងអ្នកមើលថែ, ការអង្កេតពីតម្រូវការ របស់កម្មករ-និយោជិត ព្រមទាំងបានរៀបចំសេចក្តីព្រាងគោលការណ៍ណែនាំស្តីពីការរៀបចំទារកដ្ឋានផងដែរ។
លោកបានបន្តទៀតថា ការមានទារកដ្ឋាន និងមតេ្តយ្យសហគមន៍នៅតាមរោងចក្រនេះពិតជាមានសារសំខាន់ណាស់ក្នុងការជួយសម្រួលដល់ការលំបាករបស់កម្មករ-និយោជិតដោយមិនចាំបាច់បញ្ជូនកូនៗរបស់ខ្លួនទៅស្រុកកំណើតឱ្យឪពុកម្ដាយមើលថែទាំជំនួសទេ ហើយឪពុកម្តាយបានរស់នៅក្បែរកូន ថ្នាក់ថ្នមកូន ផ្តល់កម្លាំងចិត្ត និងពេលវេលាដល់ឪពុកម្តាយក្នុងការបំពេញការងារ និងឪពុកម្ដាយអាចមានពេលវេលាក្នុងការផ្តល់ការអប់រំប្រកបដោយគុណភាព សីលធម៌ដល់កូនៗព្រមទាំង ផ្តល់ទំនុកចិត្តដល់ឪពុកម្តាយក្នុងការរស់នៅ និង ចិញ្ចឹមបីបាច់កូនផងដែរ។
លោក កត្តា អ៊ន បានអំពាវនាវដល់ទារកដ្ឋាន និងមតេ្តយ្យសហគមន៍ សូមផ្តល់តម្លៃសមស្របដើម្បីឱ្យកម្មករ-និយោជិតមានលទ្ធភាពយកកូនទៅផ្ញើ ដើម្បីកុំឱ្យប៉ះពាល់ដល់ប្រាក់ចំណូលរបស់ពួកគាត់ និងលើកទឹកចិត្តដល់ប្រជាពលរដ្ឋ ក៏ដូចជានិយោជក សូមវិនិយោគលើផ្នែកទារកដ្ឋាន និងមតេ្តយ្យសិក្សាឱ្យបានច្រើនតាមរោងចក្រនានានៅទូទាំងប្រទេស ដើម្បីបង្កលក្ខណៈងាយស្រួលដល់កម្មករ-និយោជិតក្នុងផ្ញើកូនៗ ឱ្យគេជួយថែទាំប្រចាំថ្ងៃ ឬបញ្ជូនកូនទៅសិក្សាពេញ ១ ថ្ងៃ ដែលបានជួយសម្រាលបន្ទុកដល់ឪពុកម្ដាយ ខណៈកន្លងមកពេលកម្មការិនីសម្រាលកូនតែងតែផ្ញើឱ្យឪពុកម្តាយនៅស្រុកកំណើតជួយមើលថែទាំចៅៗ រហូតដល់ធំ។
គួរបញ្ជាក់ថា គិតត្រឹមឆ្នាំ ២០២៣ មានរោងចក្រផ្នែកកាត់ដេរជាង ៧០០ កន្លែង ក្នុងចំណោមរោងចក្រកាត់ដេរជាង ៩០០ រោងចក្រ មានទារកដ្ឋានសម្រាប់មើលថែទាំកូនៗ របស់កម្មករ-និយោជិត។ ចំនួនទារកដ្ឋាននៅតាមរោងចក្រ អាចមានច្រើនជាងនេះ ដោយសារតែមានរោងចក្រខ្លះនៅមិនទាន់បានជូនដំណឹងមកក្រសួងនៅឡើយទេ៕
អត្ថបទ ៖ សំអឿន
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»