ព័ត៌មានជាតិ

អាជ្ញាធរសង្កាត់ចោមចៅទី ៣ សម្អាតលើស្ពានអាកាសថ្មើរជើងជាប្រចាំ ដើម្បីបរិស្ថានស្អាត

បានផុស

៣ ខែ មុន

នៅ

ថ្ងៃសុក្រ ១៣ កញ្ញា ២០២៤

ដោយ

ស្ពានអាកាសថ្មើរជើង ពីរខ្សែ នៅលើកំណាត់ផ្លូវជាតិលេខ ៤ ទល់មុខសាលាបឋមសិក្សា ហ៊ុន សែន ជម្ពូវ័ន និងវិទ្យាល័យ ហ៊ុន សែន ជម្ពូវ័ន ក្នុងសង្កាត់ចោមចៅទី ៣ ខណ្ឌពោធិ៍សែនជ័យ មានសោភ័ណភាពល្អ ស្អាត ខ្យល់អាកាសបរិសុទ្ធ ដោយសារអាជ្ញាធរយកចិត្តទុកដាក់ តែងតែសម្អាតជាប្រចាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានប្រាប់ កម្ពុជាថ្មី នៅរសៀលថ្ងៃទី ១៣ ខែកញ្ញា ឆ្នាំ ២០២៤ នេះថា កន្លងមក ទីតាំងលើស្ពានអាកាសថ្មើរជើងខាងលើ ដោយសារតែមានក្រុមហ៊ុនឯកជនផ្សេងៗ យកស្លាកប៉ាណូផ្សាយពាណិជ្ជកម្មមកដាក់បិទបាំងជិតទាំងសងខាង ធ្វើឲ្យមើលមិនឃើញមនុស្សនៅខាងលើស្ពាន ងាយស្រួលដល់ជនអនាថា និងក្រុមក្មេងជក់ថ្នាំញៀនមកសំងំនៅទីនោះ ពេលខ្លះមានការបន្ទោបង់ដាក់ថែមទៀត ប៉ះពាល់បរិស្ថាន គ្មានអនាម័យ គ្មានមនុស្សដើរឆ្លងកាត់។

លោកបន្តថា ដោយសារតែឃើញបែបនេះ អាជ្ញាធរ ក៏បានស្នើទៅម្ចាស់ក្រុមហ៊ុនឯកជនដែលបានដាក់ផ្ទាំងប៉ាណូទាំងនោះឲ្យដកចេញវិញ។ ក្នុងនោះ កម្លាំងអាជ្ញាធរ បានសហការជាមួយខាងប្រធានផ្សារជម្ពូវ័ន ដើម្បីរៀបចំសណ្ដាប់ធ្នាប់ សំអាតជាប្រចាំ មិនត្រឹមតែប៉ុណ្ណោះ ក៏បានដាក់កម្លាំងចាំឃ្លាំមើល និងដេញក្រុមអនាថាទាំងនោះមិនឲ្យមកទីនោះទៀត។