ព័ត៌មានជាតិ

អាជ្ញាធរខេត្តសៀមរាបដាក់ប៉ុស្តិ៍ត្រួតពិនិត្យចំនួន៦ទីតាំងរឹតបន្តឹងការចម្លងរីករាលដាលនៃមេរោគកូវីដ-១៩

បានផុស

៥ years មុន

នៅ

ថ្ងៃអង្គារ ៩ មីនា ២០២១

ដោយ

លោក ទៀ សីហា អភិបាលខេត្តសៀមរាប បានមានប្រសាសន៍តាមប្រព័ន្ធតេលេក្រាម នៅថ្ងៃទី៩ខែមីនា ឆ្នាំ២០២១នេះថា អាជ្ញាធរខេត្តបានសម្រេចដាក់ប៉ុស្តិ៍ត្រួតពិនិត្យចំនួន៦ទីតាំងនៅក្នុងខេត្តសៀមរាប ដែលជាច្រកសំខាន់ៗ ដើម្បីរឹតបន្តឹងនៃការរីករាលដាលមេរោគកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្តបន្តថា សូមស្នើឲ្យកងកម្លាំងប្រដាប់អាវុធទាំងអស់សហការជាមួយក្រុមការងារនៃមន្ទីរសុខាភិបាល ទីតាំងទី១នៅស្រុកជីក្រែងផ្លូវជាតិលេខ៦ ព្រំប្រទល់ជាប់ស្រុកស្ទោង ខេត្តកំពង់ធំ។ ទី២ ពីផ្លូវជាតិលេខ៦៨ ស្រុកចុងកាល់ ខេត្តឧត្តរមានជ័យ មកស្រុកស្រីស្នំ ។ ទី៣ស្រុកក្រឡាញ់ផ្លូវជាតិលេខ៦ព្រំប្រទល់ជាប់ខេត្តបន្ទាយមានជ័យ។ ទី៤ផ្លូវ៦៤ពីខេត្តព្រះវិហារ មកខេត្តសៀមរាប។ទី៥ផ្លូវជាតិលេខ៦៧ពីស្រុកអន្លង់វែងខេត្តឧត្ដរមានជ័យ ព្រំប្រទល់និងខេត្តសៀមរាប។ ទី៦ ផ្លូវជាតិលេខ៦៣ ជាផ្លូវទឹកពីភ្នំក្រោម ចូលមកក្រុងសៀមរាប។

លោកអភិបាលខេត្តសៀមរាប បញ្ជាក់ថា យើងដាក់ប៉ុស្តិ៍ទាំង៦នេះ គឺមិនមែនបិទមិនឲ្យចូលទេ គឺក្នុងន័យស្រង់ទិន្នន័យសួរនាំ តើអ្នកធ្វើដំណើរនោះមានគោលដៅទៅណាខ្លះ តែបើមានមកពីខេត្តដែលមានហានិភ័យ ដូចជារាជធានីភ្នំពេញ,ព្រៃវែង,កំពង់សោម ត្រូវតែនាំខ្លួនយកមកធ្វើចត្តាឡីស័ក្ត និងពិនិត្យសំណាក បើសិនជាមកពីខេត្តផ្សេងៗក៏ត្រូវពិនិត្យមើលកម្ដៅ និងស្កេន ខ្យូ អកូដ qr code។ក្នុងនោះអាជ្ញាធរខេត្តនឹងឲ្យក្រុមការងារខេត្តរៀបចំQR code នៅតាមបណ្ដាប៉ុស្ដិ៍នីមួយៗដើម្បីងាយ ស្រួលសម្រាប់ធ្វើការថែមទៀត។

លោកអភិបាលខេត្តបញ្ជាក់ទៀតថា ការដាក់ប៉ុស្តិ៍ត្រួតពិនិត្យនេះ មិនមែនការបិទច្រករឺក៏បិទខេត្តដ៏ទៃក្នុងការចូលមកខេត្តសៀមរាបនោះទេ ក៏ប៉ុន្តែវាចាំបាច់ត្រូវតែរៀបចំការបង្ការបន្ថែមទៀតនូវហា និភ័យ ដែលនឹងអាចចូលមកខេត្តសៀមរាប៕

អត្ថបទ ៖ កុសល

Related Topics:លោក ទៀ សីហា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា