ព័ត៌មានជាតិ

អាជ្ញាធរដាក់គ្រឿងចក្រឈូសឆាយផ្លូវមួយខ្សែ ប្រវែងជាង ៣០០ ម៉ែត្រ

បានផុស

២ years មុន

នៅ

ថ្ងៃអង្គារ ២៤ កញ្ញា ២០២៤

ដោយ

អាជ្ញាធរសង្កាត់ចោមចៅទី ៣ នៅរសៀលថ្ងៃទី ២៤ ខែកញ្ញា ឆ្នាំ ២០២៤ នេះ បានដាក់គ្រឿងចក្រឈូសឆាយផ្លូវលំមួយខ្សែ ស្ថិតក្នុងភូមិអង្គ សង្កាត់ចោមចៅទី ៣ ខណ្ឌពោធិ៍សែនជ័យ ដែលរងការខូចខាតទ្រុឌទ្រោម ពិបាកដល់ប្រជាពលរដ្ឋធ្វើដំណើរនារដូវវស្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានឱ្យដឹងថា ក្រោយទទួលព័ត៌មានពីប្រជាពលរដ្ឋរាយការណ៍មកថា ផ្លូវលំមួយខ្សែខាងលើនេះមានជង្ហុកច្រើន សម្បុកមាន់ ពិបាកដល់ប្រជាពលរដ្ឋប្រកបរបរផ្សេងៗ និងធ្វើដំណើរ ទើបលោកដឹកនាំក្រុមការងារចុះពិនិត្យជាក់ស្ដែង ហើយបានដាក់គ្រឿងចក្រឈូសពង្រាបដីឱ្យស្មើ រួចចាក់ថ្មគ្រួសក្រាលពីលើ ដើម្បីឱ្យពលរដ្ឋងាយស្រួលធ្វើដំណើរមួយគ្រាសិននារដូវវស្សានេះ។

លោក វ៉ា សាវឿន ចៅសង្កាត់ បានបន្តទៀតថា ផ្លូវខាងលើ មានប្រវែងទទឹង ៨ ម៉ែត្រ បណ្ដោយ ៣៥០ ម៉ែត្រ និងជាគម្រោងអភិវឌ្ឍន៍ផ្លូវបេតុងរបស់សង្កាត់ នាឆ្នាំ ២០២៥ ខាងមុខនេះ៕

អត្ថបទ ៖ សុខា