ព័ត៌មានជាតិ

រន្ទះបាញ់សម្លាប់ស្ត្រីចំណាស់ម្នាក់ស្លាប់ក្នុងចម្ការដំឡូង

បានផុស

៥ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

ស្ត្រីវ័យ៥០ឆ្នាំម្នាក់បានស្លាប់បាត់បង់ជីវិតខណៈកំពុងកាប់ដំឡូងក្នុងចម្ការពេលមានភ្លៀងធ្លាក់លាយឡំជាមួយផ្គរន្ទះ។

បើយោងតាមរបាយការណ៍ពីសមត្ថកិច្ចបានឲ្យដឹងថា ហេតុការណ៍ខាងលើបានកើតឡើកាលពីរសៀលថ្ងៃទី១០ ខែមិនា ឆ្នាំ២០២១វេលាម៉ោង៣:៤៥នាទីស្ថិតនៅក្នុងចំណុចក្រុមទី០១ ភូមិវាលវង់ឃុំតាស្តា ស្រុកសំពៅលូន ខេត្តបាត់ដំបង។

ស្ត្រីរងគ្រោះមានឈ្មោះ ស្រេង លឿម អាយុ៥០ឆ្នាំ មានទីលំនៅនៅភូមិស្រះចក ឃុំសន្តិភាព ស្រុកសំពៅលូន ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានឲ្យដឹងថា មុនកើតហេតុស្ត្រីរងគ្រោះ(សព)បានមកកាប់ដំឡូងនៅក្នុងចម្ការឋិតនៅក្នុងចំណុចខាងលើ ។ ប៉ុន្មានម៉ោងក្រោយមកក៏មានភ្លៀងធ្លាក់១មេលាយឡំជាមួយផ្គររន្ទះលុះដល់វេលាកើតហេតុស្រាប់តែមានរន្ទះបាញ់ចំបណ្តាឲ្យស្លាប់ភ្លាមៗតែម្តង។ ភ្លាមៗនោះអ្នកកាប់ដំឡូងជាមួយគ្នា ក្នុងនោះក៏មានកូនប្រុសស្ត្រីរងគ្រោះម្នាក់ផង ដោយមិនអស់ចិត្តក៏បាននាំគ្នាយកស្ត្រីរងគ្រោះមកដាក់លើផ្លូវដើម្បីហៅឡានពេទ្យមកជួយសង្គ្រោះ តែពេលទៅដល់គ្រូពេទ្យថាស្ត្រីរងគ្រោះបានស្លាប់ហើយ។

ក្រោយពីគ្រូពេទ្យបានប្រាប់បែបនេះក្រុមគ្រួសារក៏បានដឹកសពទៅលំនៅស្ថានវិញដើម្បីរៀបចំធ្វើបុណ្យតាមប្រពៃណី៕

អត្ថបទ ៖ សៅ សារិទ្ធ