ព័ត៌មានជាតិ
ក្រសួងអប់រំ គ្រោងនឹងដាក់បញ្ចូលការបង្រៀនភាសាចិន ទៅក្នុងកម្មវិធីសិក្សារដ្ឋ
ក្រសួងអប់រំ យុវជន និងកីឡា គ្រោងនឹងដាក់បញ្ចូលការបង្រៀនភាសាចិនទៅក្នុងកម្មវិធីសិក្សារដ្ឋនាពេលខាងមុខនេះ ខណៈបច្ចុប្បន្នក្រសួងកំពុងសាកល្បងបង្រៀនភាសាចិនប្រមាណ ២០ សាលា។
ថ្លែងក្រោយចូលរួមវគ្គផ្ដាច់ព្រ័ត្រការប្រកួតចម្រៀងចិន «ពានរង្វាន់ឯកអគ្គរដ្ឋទូត» ឆ្នាំ ២០២៤ នៅរាជបណ្ឌិតសភាកម្ពុជា កាលពីពេលថ្មីៗ នេះ លោក បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា បានមានប្រសាសន៍ថា បច្ចុប្បន្ននេះ ក្រសួងអប់រំ កំពុងសាកល្បងបង្រៀនភាសាចិននៅតាមសាលារៀនចំនួន ២០ នៅរាជធានីភ្នំពេញ និងខេត្តព្រះសីហនុ ខណៈមានសាលាបង្រៀនភាសាចិនប្រមាណជាង ១០០ កន្លែង នៅទូទាំងប្រទេស។
លោកឧបនាយករដ្ឋមន្ត្រី បានបន្តថា «យើងកំពុងរៀបចំបណ្ដុះបណ្ដាលគ្រូ ហើយប្រសិនអនុវត្តទៅដោយរលូននោះ យើងនឹងបញ្ចូលភាសាចិនទៅក្នុងកម្មវិធីបង្រៀនតាមសាលារដ្ឋទៅតាមការស្ម័គ្រចិត្ត ព្រោះការរៀនភាសាចិនទាមទារនូវការខិតខំប្រឹងប្រែងខ្លាំង ហើយនៅពេលអនាគតពេលមានគ្រូបង្រៀនភាសាចិនគ្រប់គ្រាន់ យើងនឹងសាកល្បងបញ្ចូលទៅក្នុងកម្មវិធីសិក្សាទាំងអស់»។
លោកឧបនាយករដ្ឋមន្ត្រីបានបន្តទៀតថា ឥឡូវនេះយុវជនកម្ពុជាចូលចិត្តរៀនភាសាចិនច្រើនសម្រាប់ឆ្លើយតបទៅនឹងទីផ្សារការងារ ខណៈមានជនជាតិចិនជាច្រើនបានដាក់ទុនវិនិយោគ ក៏ដូចជាបង្កើតក្រុមហ៊ុននៅកម្ពុជា។
លោក វ៉ាង វិនពីន ឯកអគ្គរដ្ឋទូត នៃសាធារណរដ្ឋប្រជាមានិតចិន ប្រចាំកម្ពុជា បានលើកឡើងថា បច្ចុប្បន្ននេះយើងបានបង្កើតវិទ្យាស្ថានខុងជឺចំនួន ៤ កន្លែង នៅកម្ពុជា ហើយគិតត្រឹមចុងឆ្នាំ ២០២៣ យើងមានលោកគ្រូអ្នកគ្រូបង្រៀនភាសាចិនបញ្ជូនមកពីប្រទេសចិនចំនួន ២៨០ នាក់ និងមានអ្នកស្ម័គ្រចិត្តមកបង្រៀនភាសាចិនជាង ១ ៩០០ នាក់ និងមានអ្នកគ្រូ និងលោកគ្រូកម្ពុជាបង្រៀនភាសាចិន ៦០ នាក់។ ក្រៅពីនេះ យើងមានគ្រឹះស្ថានបង្រៀនភាសាចិនជាង ១០០ កន្លែង ដោយមានអ្នករៀនភាសាចិនជាង ១០ ម៉ឺននាក់។
លោកឯកអគ្គរដ្ឋទូត បានលើកទឹកចិត្តដល់ជនជាតិខ្មែរ រៀនភាសាចិនឱ្យបានកាន់តែច្រើនបន្ថែមទៀត ព្រោះថាភាសាជាស្ពាន និងជាកូនសោ ដើម្បីជំរុញការយល់ដឹង និងធ្វើកិច្ចសហប្រតិបត្តិការគ្នាទៅវិញទៅមក សំដៅពង្រឹងទំនាក់ទំនងរវាងប្រជាជន និងប្រជាជន និងរវាងប្រទេសទាំងពីរ កាន់តែស្អិតរមួត និងប្រសើរឡើងបន្ថែមទៀត។
លោក វ៉ាង វិនពីន ក៏បានលើកទឹកចិត្តដល់ជនជាតិចិនរៀនភាសាខ្មែរ ហើយលោកជឿជាក់ថា ជនជាតិទាំងពីរ នឹងរៀនភាសាពីគ្នាទៅវិញទៅមកកាន់តែច្រើន ធ្វើឱ្យទឹកចិត្តរវាងប្រជាជនទាំងពីរកាន់តែខិតជិតជាមួយគ្នា រួមចំណែកពង្រឹង និងពង្រីកចំណងមិត្តភាពកម្ពុជា-ចិន កាន់តែរឹងមាំ៕
អត្ថបទ ៖ សំអឿន
មីយ៉ាន់ម៉ាផ្តល់អំណោយដំរី៦ក្បាលដល់រុស្ស៊ីរឹតចំណងមិត្តភាពក្នុងទំនាក់ទំនងការទូត៧៥ឆ្នាំ
ម៉ារ៉ុក គ្រោងសម្លាប់ឆ្កែ ៣លានក្បាល មុនពេលធ្វើជាម្ចាស់ផ្ទះ World Cup
មន្ត្រីជំនាញ ចុះបិទសេវាសុខាភិបាលឯកជនគ្មានច្បាប់អនុញ្ញាត២កន្លែង នៅឃុំស្រអែម ខេត្តព្រះវិហារ
សម្តេចតេជោ ហ៊ុន សែន៖ សម្តេចក្រឡាហោម ស ខេង ជាឥស្សរជនស្នេហាជាតិ ស្នេហាប្រជាជនដ៏ស្មោះស្ម័គ្រ
សម្ដេចតេជោ៖ អ៊ីរ៉ង់អាចជួយកម្ពុជាពង្រឹងសន្ដិសុខថាមពលរបស់ខ្លួន
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
មេដាយអូឡាំពិក២០២៤ជាង១០០គ្រឿងត្រូវបានបញ្ជូនមកវិញ ក្រោយជួបបញ្ហាច្រែះ
ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ
Update៖ សមត្ថកិច្ចគ្រប់គ្រងករណីអគ្គិភ័យនៅសង្កាត់កន្ទោកបានទាំងស្រុង
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៧ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៥ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ២ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ