ព័ត៌មានជាតិ
អាជ្ញាធរ និងមន្រ្តីជំនាញខេត្តកោះកុង ចុះពិនិត្យទីតាំងស្នើសុំធ្វើអាជីវកម្មខ្សាច់បកមួយកន្លែង
កោះកុង ៖ លោក ទៀ សុរៈឆ័យ អភិបាលរងខេត្តកោះកុង និងមន្រ្តីជំនាញពាក់ព័ន្ធ បានចុះត្រួតពិនិត្យវាយតម្លៃជាក់ស្តែងពីទីតាំងស្នើសុំធ្វើធ្វើអាជីវកម្មសិប្បកម្មធនធានរ៉ែខ្សាច់បកចំនួន១កន្លែង ដែលស្ថិតនៅក្នុងភូមិបាក់អង្រុត ឃុំដងពែង ស្រុកស្រែអំបិល។
ថ្លែងបន្ទាប់ពីអញ្ជើញចុះពិនិត្យទីតាំងស្នើសុំរួចរាល់ លោក អ៊ុក សុតា នាយករងរដ្ឋបាលខេត្តកោះកុង បានឱ្យដឹងនៅល្ងាចថ្ងៃទី២៥ ខែកុម្ភៈ ឆ្នាំ២០២៥ថា ទីតាំងដែលតំណាងអាជីករស្នើសុំក្រោម១ហិចតាដែលពួកគេបានទិញដីទាំងនោះពីប្រជាពលរដ្ឋជាង១០ហិចតា ដោយមានឯកសារវាស់វែងដីរបស់ក្រុមនិស្សិតលេខ០១។

លោកនាយករងរដ្ឋបាលខេត្ត បានបន្តទៀតថា ប៉ុន្តែតាមគោលការណ៍ណែនាំរបស់លោក ទៀ សុរៈឆ័យ អភិបាលរងខេត្ត លោកបានស្នើដល់ប្រធានមន្ទីរដែនដី មន្ទីរកសិកម្ម ត្រូវពិនិត្យមើលនិយមការឱ្យបានច្បាស់លាស់ និងស្នើឱ្យមន្ទីរបរិស្ថានពិនិត្យបន្ថែមទៅលើផលប៉ះពាល់ផ្នែកបរិស្ថាន។

ទៀតសោត គឺតម្រូវឱ្យតំណាងម្ចាស់អាជីវកម្មសហការឱ្យបានល្អជាមួយអាជ្ញាធរ និងមន្រ្តីជំនាញមូលដ្ឋាន ដោយមិនត្រូវធ្វើសកម្មភាពអាជីកម្មអ្វីទាំងអស់ ខណៈមិនទាន់មានច្បាប់អនុញ្ញាត។

លោក អ៊ុក សុតា រំលេចបន្ថែមថា ទីតាំងខ្សាច់បក មិនជាប់ក្នុងតំបន់ការពារអភិរក្សអ្វីទេ ពោលគឺគ្រាន់តែដើម្បីភាពសុក្រិតភាពចំពោះការអនុវត្តការងារប្រកបដោយទំនួលខុសត្រូវជូនថ្នាក់ដឹកនាំ។

ជាក់ស្តែងដីដែលមានខ្សាច់ជាដីចម្ការក្បែរលំនៅដ្ឋានពលរដ្ឋរស់នៅប្រចាំថ្ងៃ។ គួរជម្រាបថា ការធ្វើអាជីកម្មខ្សាច់បក តាមច្បាប់របស់ក្រសួងរ៉ែ និងថាមពល អនុញ្ញាតឱ្យជីកកាយធ្វើអាជីកម្មចុះទៅក្រោមដីឱ្យលើសពីជម្រៅតែ៥ម៉ែត្រ ករណីស្នើសុំទំហំលើពី១ហិចតា គឹតម្រូវឱ្យសុំច្បាប់ទៅក្រសួងសាមីតែម្តង។ ករណីប្រសិនបើរដ្ឋបាលខេត្តចេញច្បាប់អនុញ្ញាតធ្វើអាជីវកម្មមានសុពលភាពតែ១ឆ្នាំ ទំហំ១ហិចតាចុះក្រោមដី៕
អត្ថបទ ៖ សិរីវឌ្ឍនៈ



-
ព័ត៌មានជាតិ២ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៧ ម៉ោង ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៧ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន