ព័ត៌មានជាតិ
រកឃើញអ្នកពាក់ព័ន្ធ៨នាក់ ដែលបានផឹកស៊ីជាមួយប្ដីប្រពន្ធ តេស្តវិជ្ជមានកូវីដ១៩ នៅខេត្តកំពង់ឆ្នាំង
ប្ដីប្រពន្ធពីរនាក់ ដែលធ្វើតេស្ដវិជ្ជមានកូវីដ១៩ ក្រោយពីនៅមើលកសិដ្ឋានចិញ្ចឹមមាន់ នៅខេត្តកំពង់ឆ្នាំង នៅពេលនេះរកឃើញអ្នកពាក់ព័ន្ធផឹកស៊ីជាមួយប្ដីប្រពន្ធនេះ ចំនួន៨នាក់ បាននិងកំពុងបញ្ជូនមកធ្វើចត្តាឡីស័ក និងតេស្ដរកកូវីដ១៩ផងដែរ។
លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានបញ្ជាក់ឲ្យដឹងថា នៅព្រឹកថ្ងៃទី២៣ ខែមីនា ឆ្នាំ២០២១នេះ ក្រុមការងារថ្នាក់ខេត្ត ដឹកនាំដោយ លោក អម សុភា អភិបាលរងខេត្ត បានដឹកនាំមន្ត្រីសុខាភិបាលខេត្ត និងសមត្ថកិច្ចចម្រុះ ចុះស្រាវជ្រាវរកអ្នកពាក់ព័ន្ឋនៅក្នុងឃុំពង្រ ស្រុករលាប្អៀរ ដែលបានពាក់ព័ន្ធដោយផ្ទាល់ជាមួយបុរសជាប្ដីនិងប្រពន្ធ២នាក់ មានវិជ្ជមានកូវីដ១៩ ដើម្បីធ្វើសំណាក។
គិតត្រឹមម៉ោង១១និង៤៩នាទី ថ្ងៃទី២៣ ខែមីនា ឆ្នាំ២០២១នេះ រកអ្នកពាក់ព័ន្ធចំនួន៨នាក់ និងបានយកសំណាកមកធ្វើតេស្ត និងបានដាក់ឲ្យធ្វើចត្តាឡីស័ក នៅមណ្ឌលចត្តាឡីស័កខេត្ត (ស្រុកទឹកផុស) ។
លោកវេជ្ជបណ្ឌិត ប្រាក់វ៉ុន បានបញ្ជាក់ទៀតថា តាមការស្រាវជ្រាវ គឺនៅយប់ថ្ងៃទី១៩ ខែមីនា ឆ្នាំ២០២១ ប្ដីប្រពន្ធ២នាក់ រស់នៅភ្នំពេញ ដែលមានវិជ្ជាមានកូវីដ១៩ បានមកស៊ីផឹកជាមួយ នឹងមនុស្សជាង២០នាក់ទៀត នៅផ្ទះលោក ឈួរ យូ នៅភូមិថ្មី ឃុំពង្រ ស្រុករលាប្អៀរ ខេត្តកំពង់ឆ្នាំង ។ ដូច្នេះអ្នកពាក់ព័ន្ធដោយផ្ទាល់និងដោយប្រយោលទាំងអស់ សមត្ថកិច្ចនិងក្រុមការងារ ត្រូវបន្តស្រាវជ្រាវរកជាបន្តទៀត ដើម្បីនាំពួកគាត់មកធ្វើសំណាកតេស្តជំងឺកូវីដ១៩៕
អត្ថបទ៖ ឈៀង ថារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ