ព័ត៌មានជាតិ

សម្ដេចធិបតីសុំឱ្យពលរដ្ឋជឿជាក់លើរដ្ឋាភិបាលចំពោះស្ថានភាពពាណិជ្ជកម្ម

បានផុស

១ year មុន

នៅ

ថ្ងៃអង្គារ ៦ ឧសភា ២០២៥

ដោយ

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានស្នើសុំឱ្យពលរដ្ឋទុកចិត្តលើរដ្ឋាភិបាលក្នុងស្ថានភាពមិនច្បាស់លាស់នៃពិភពលោកកំពុងប្រឈមនឹងសង្គ្រាមពាណិជ្ជកម្មបច្ចុប្បន្ននេះ។ សម្ដេចថារដ្ឋាភិបាលដែលដឹកនាំដោយបក្សប្រជាជននឹងនៅជាមួយប្រជាជនកម្ពុជាជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្រុងតាខ្មៅ ខេត្តកណ្ដាលព្រឹកថ្ងៃទី៦ ខែឧសភា ឆ្នាំ២០២៥នេះ សម្ដេចធិបតី ហ៊ុន ម៉ាណែត បានថ្លែងថាស្ថានភាពលំបាកដែលត្រូវឆ្លងកាត់របស់ប្រទេសគឺពិតជាមាន តែរដ្ឋាភិបាលកម្ពុជានឹងនៅជាមួយពលរដ្ឋជានិច្ចដើម្បីការពារសមិទ្ធផល និងបង្កើនសមទ្ធិផលផ្សេងទៀតជាប្រយោជន៍ដល់ពលរដ្ឋ។

សម្ដេចថា៖ «ប្រជាជន៨លាននាក់ទៅបោះឆ្នោតក្នុងនោះ ៦,៤លាននាក់ទៅបោះឆ្នោតឱ្យគណបក្សប្រជាជនកម្ពុជា។ ប្រជាជន១៧លាននាក់ត្រូវការការគាំពារនិងជួយ យើងមិនទៅណាទេ! កាតាព្វកិច្ចទោះបីជាមានភាពឆកល្វែងមានភាពមិនល្អប្រសើរធ្វើបានប៉ុន្មានគេនៅតែបង្អាប់ តែយើងមិនចោលទេ យើងនៅតែបន្តធ្វើទៀត»។

សម្ដេចបន្ថែមថាក្នុងស្ថានភាពបច្ចុប្បន្នការថែរក្សាស្ថេរភាព សន្ដិភាព ការបង្រួមរួមជាតិ ឯកភាពជាតិ និងការខិតខំប្រឹងប្រែងលើកកម្ពស់សុខមាលភាព និងសុខភាពប្រជាពលរដ្ឋគឺជារឿងដែលត្រូវពង្រឹងនិងការពារ។

បន្ទាប់ពីប្រធានាធិបតី ដូណាល់ ត្រាំ ចូលកាន់អំណាចជាលើកទី២នៅសហរដ្ឋអាមេរិកលោកបានចាត់វិធានការពាណិជ្ជកម្មលើប្រទេសចិនដែលជាសង្គ្រាមពាណិជ្ជកម្មលើកទី២ដែរ។ ក្នុងនោះលោកក៏បានដាក់ពន្ធបដិការលើប្រទេសផ្សេងៗទៀតក្នុងពិភពលោក ហើយកម្ពុជាត្រូវបានអាមេរិកតម្លើងពន្ធដល់៤៩% និងទុកពេលដល់ខែ៣ខែដើម្បីចរចារជាមួយអត្រាពន្ធ១០%។

ពាក់ព័ន្ធនឹងករណីនេះ កម្ពុជានឹងបញ្ជូនតំណាងដែលដឹកនាំដោយអនុប្រធានទី១ក្រុមប្រឹក្សាអភិវឌ្ឍន៍កម្ពុជា ឧបនាយករដ្ឋមន្ត្រី ស៊ុន ចាន់ថុល ទៅចរចាលើកិច្ចព្រមព្រៀងពាណិជ្ជកម្មអាមេរិកនៅថ្ងៃទី១៤ និង១៥ ខែឧសភា ខាងមុខ នៅរដ្ឋធានីវ៉ាស៊ីនតោន៕

អត្ថបទដោយ ហ៊ុន សិរីវឌ្ឍន៍

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា