ព័ត៌មានជាតិ

សមាជិក ប.ស.ស ទទួលបានសេវាបង្ការសុខភាពចំនួន ៦ ពីមូលដ្ឋានសុខាភិបាលសាធារណៈជាដៃគូ ប.ស.ស

បានផុស

១១ ខែ មុន

នៅ

ថ្ងៃអាទិត្យ ១ មិថុនា ២០២៥

ដោយ

ក្រៅពីសេវាព្យាបាលជំងឺទូទៅ សមាជិក ប.ស.ស. ក៏ទទួលបាននូវសេវាបង្ការសុខភាពចំនួន ៦ ពីមូលដ្ឋានសុខាភិបាលសាធារណៈ ឬវិទ្យាស្ថានសាធារណៈ ដៃគូ ប.ស.ស។

បើតាម ប.ស.ស សេវាបង្ការសុខភាពចំនួន ៦ ក្នុងនោះរួមមាន ទី១.សេវាចាក់វ៉ាក់សាំងជំងឺឆ្កែឆ្កួត។ ទី២.សេវាចាក់សេរ៉ូម ប្រឆាំងជំងឺឆ្កែឆ្កួត។ ទី៣.សេវាចាក់សេរ៉ូម ប្រឆាំងជំងឺតេតាណូស។ ទី៤.សេវាចាក់សេរ៉ូម ប្រឆាំងពិសពស់។ ទី៥.សេវាពិនិត្យឈាមរកជំងឺពក ក និងទី៦.សេវាពិនិត្យឈាមកំណត់អបោធាតុមហារីកក្រោយការព្យាបាលជំងឺមហារីកដោយវះកាត់ និង/ឬក្រោយការព្យាបាលជំងឺមហារីកដោយចាក់គីមី និង/ឬក្រោយការព្យាបាលជំងឺមហារីកដោយបាញ់កាំរស្មីអ៊ិច។

ប.ស.ស. បានបញ្ជាក់ថា សេវាបង្ការដែលបានកំណត់ខាងលើនេះ ត្រូវបានផ្តល់ដោយមូលដ្ឋានសុខាភិបាលសាធារណៈ ឬវិទ្យាស្ថានសាធារណៈ ដៃគូ ប.ស.ស. តែប៉ុណ្ណោះ។

សូមរំលឹកថា គិតមកត្រឹមខែមេសា ឆ្នាំ ២០២៥ នេះ ប.ស.ស. មានសមាជិកកើនឡើងដល់ ៣ ០៦០ ៣៩២ នាក់ ស្រី ១ ៦៨៦ ៨៨៧ នាក់ ក្នុងនោះ បុគ្គលដែលស្ថិតក្នុងវិស័យសាធារណៈចំនួន ៥០៨ ៦៦៩ នាក់ ស្រី ១៥០ ៩០៨ នាក់ បុគ្គលស្ថិតក្នុងវិស័យឯកជន ចំនួន ១ ៨៦៦ ១២២ នាក់ ស្រី ១ ១២៤ ៨០១ នាក់ បុគ្គលស្វ័យនិយោជន៍ចំនួន ៤៩៨ ៥៤៦ នាក់ ស្រី ៣០៣ ៤១៩ នាក់ និងអ្នកក្នុងបន្ទុក ១៨៧ ០៥៥ នាក់ ស្រី ១០៧ ៧៥៩ នាក់៕

អត្ថបទ ៖ សំអឿន