លោក ហួត ហៃ៖ ផ្លូវថ្មើរជើងមានអ្នកគាំទ្រកាន់តែច្រើនមិនតិចជាងពិធីបុណ្យអុំទូកទេ

នៅថ្ងៃអាទិត្យទី២២មិថុនា មានប្រជាពលរដ្ឋ ភ្ញៀវជាតិ អន្តរជាតិមកដើរលេងកម្សាន្តនៅលើផ្លូវថ្មើរជើង(Walk Street )
កាន់តែច្រើន លើសសប្ដាហ៍មុនៗ មិនតិចជាងពិធីបុណ្យអុំទូកនោះទេ ធ្វើឱ្យផ្លូវថ្មើជើងដែលបានបង្កើតឱ្យមានជាលើកដំបូងនៅរាជធានីភ្នំពេញនេះក្លាយជាសមុទ្រមនុស្ស។

តាមបណ្តាញសង្គមហ្វេសបុករបស់លោក ហួត ហៃ អភិបាលរងរាជធានីភ្នំពេញ បានសរសេររៀបរាប់កាលពីយប់ថ្ងៃអាទិត្យ ទី២២មិថុនា ថា «ថ្ងៃនេះ បងប្អូនអញ្ជើញមកគាំទ្រ Walk Street កាន់តែច្រើន លើសថ្ងៃមុនៗ មិនតិចជាងពិធីបុណ្យអុំទូកទេ សមុទ្រមនុស្ស។ សូមជូនពរបងប្អូនសុខភាពល្អ អញ្ជើញដើរលេងកម្សាន្តសប្បាយរីករាយក្រោមម្លប់ដ៏ត្រជាក់នៃសន្តិភាព»។

ផ្លូវថ្មើរជើង( Walk Street) ក្រោយពីបានបើកឱ្យដំណើរការជាបណ្តោះអាសន្នបានជាង៥ខែនេះ ពិតជាទទួលការគាំទ្រនិងពេញនិយមយ៉ាងខ្លាំងពីសំណាក់ប្រជាពលរដ្ឋ និងភ្ញៀវជាតិ-អន្តរជាតិ៕

អត្ថបទ៖ ស្រីរ័ត្ន