គិតត្រឹមខែមិថុនា ឆ្នាំ២០២៥ សមាគមអតីតយុទ្ធជនកម្ពុជាខេត្តក្រចេះ មានសមាជិកសរុបចំនួន ១៤០៣នាក់ 

គិតត្រឹមខែមិថុនា ឆ្នាំ២០២៥ សមាគមអតីតយុទ្ធជនកម្ពុជាខេត្តក្រចេះ មានសមាជិកសរុប ចំនួន ១,៤០៣ នាក់ ក្នុងនោះមាន៖ – ពិការចំនួន ២០៤នាក់ – គ្រួសារពលី ចំនួន ២៥០នាក់ – គ្រួសារមរណៈចំនួន ៤៧នាក់ – និវត្តជន ចំនួន ៨៥១នាក់ – បាត់បង់សមត្ថភាព ចំនួន ៥១នាក់។ 

នេះយោងតាមការឱ្យដឹងពីលោក ចាន់ សុគុណ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តក្រចេះ។ 

លោក ចាន់ សុគុណ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តក្រចេះ បានបញ្ជាក់ថា៖ អតីតយុទ្ធជន ជានិវត្តជន ជនបាត់បង់សមត្ថភាពការងារ ជនពិការ ជនពលី និងជនមរណៈ សរុបចំនួន ១,៨០៥នាក់ ក្នុងនោះនិវត្តជនចំនួន ៨៦០នាក់ ជនបាត់បង់សមត្ថភាពការងារចំនួន ៥៤នាក់ ជនពិការចំនួន ២០២នាក់ ជនពលី ៤៤៨នាក់ និងមរណៈចំនួន ២៤១នាក់ ចំណាយថវិកាប្រចាំខែសរុបចំនួន ១,៣០១,៩៧៥,៦៦០៛ ( មួយពាន់បីរយមួយលាន ប្រាំបួនរយចិតសិបប្រាំពាន់  ប្រាំមួយរយហុកសិបរៀលគត់ ) ដែលកំពុងបើកប្រាក់របបគោលនយោបាយប្រចាំខែជារៀងរាល់ខែ -ផ្ដល់រទេះរុញចល័តជូនជនមានពិការភាពចំនួន ៥៥៦ នាក់ ស្រី ៣២០នាក់ ដោយមានជនមានពិការភាព មានអ្នកមកទទួលសេវាថ្មីសរុបចំនួន ៤៧៩ នាក់ ស្រី២៩២នាក់ ។ 

លោក ចាន់ សុគុណ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បានលើកឡើងបែបនេះ នៅក្នុងពិធីប្រារព្ធទិវាអតីតយុទ្ធជនកម្ពុជា ២១ មិថុនា ២០២៥ ខួបលើកទី១៨ នាថ្ងៃទី៤ ខែកក្កដា ឆ្នាំ២០២៥ នៅសាលមហោស្រពខេត្តក្រចេះ ក្រោមអធិបតីភាពលោក ស្រេង សុភាព អភិបាលរងខេត្ត តំណាងលោក វ៉ា ថន អភិបាលខេត្តក្រចេះ៕ 

អត្ថបទ ៖ ប្រុញ វិធិន