ព័ត៌មានជាតិ
រដ្ឋបាលរាជធានីភ្នំពេញ បន្តចុះកាត់មែកឈើធំៗ នៅតាមដងផ្លូវ ដើម្បីសោភ័ណភាពទីក្រុង និង សុវត្ថិភាពដល់អ្នកដំណើរ
រដ្ឋបាលរាជធានីភ្នំពេញ បានបន្តចុះធ្វើការកាត់មែកឈើធំៗ នៅតាមដងផ្លូវនៅក្នុងរាជធានីភ្នំពេញ ជៀសវាងការបាក់រលំ ការបិទបាំងភ្លើងស្តុប សញ្ញាចរាចរណ៍ -ល- និងដើម្បីការពារសុវត្ថិភាពជូនប្រជាពលរដ្ឋពីគ្រោះធម្មជាតិ ព្រោះជារដូវភ្លៀងលាយឡំខ្យល់កន្រ្តាក់បក់បោក និងដើម្បីសោភ័ណភាពនៅក្នុងទីក្រុងភ្នំពេញផងដែរ។
ជាក់ស្ដែងនៅថ្ងៃទី ១ ខែសីហា ឆ្នាំ ២០២៥ ក្រុមសួនច្បារ និង ដើមឈើ នៃរដ្ឋបាលរាជធានីភ្នំពេញ បានបន្តសកម្មភាពចុះកាត់មែកឈើនៅតាមបណ្ដោយផ្លូវម៉ៅសេទុង ចាប់ពីចំណុចស្ដុបសាលាសន្ធរម៉ុក រហូតដល់ស្តុបកោសដូង ធ្វើការកាត់ទាំងសងខាងផ្លូវដែលនៅក្នុងមូលដ្ឋានខណ្ឌទួលគោក។
សូមបញ្ជាក់ផងដែរ មែកឈើធំៗ តែងតែបាំងបិទភ្លើងសញ្ញាចរាចរណ៍ សញ្ញាភ្លើងស្តុប ធ្វើឲ្យប្រជាពលរដ្ឋធ្វើដំណើរឆ្លងកាត់ពិបាកមើលភ្លើងសញ្ញាបញ្ជាចរាចរណ៍ ព្រោះត្រូវមែកឈើធ្លាក់បាំងស្ទើរតែមើលមិនឃើញតែម្ដង។ បន្ថែមទៀតនោះ រាល់ពេលដែលមានភ្លៀងធ្លាក់ខ្លាំងជាមួយនឹងខ្យល់កន្ត្រាក់ តែងតែមានការបាក់រលំមែកឈើមួយចំនួនទៅលើយានយន្តរបស់ប្រជាពលរដ្ឋ និងធ្លាក់ទៅលើដងផ្លូវ ដែលជាការបង្អាក់ដំណើរចរាចរណ៍ និងធ្វើឲ្យកកស្ទះខ្លាំងនៅក្នុងរាជធានីភ្នំពេញ។
ដូច្នេះហើយ រដ្ឋបាលរាជធានីភ្នំពេញ បានបញ្ជាឲ្យកម្លាំងចុះកាត់មែកឈើធំៗ ដែលងាយបាក់រលំពេលដែលភ្លៀង និងខ្យល់បក់បោកខ្លាំងម្ដងៗ។ នៅក្នុងនោះផងដែរ ដូចដែលប្រជាពលរដ្ឋបានជ្រាបហើយថា នៅរដូវកាលនេះ គឺជារដូវភ្លៀងធ្លាក់ខ្លាំងលាយឡំខ្យល់កន្ត្រាក់ សូមប្រជាពលរដ្ឋបង្កើនការការពារសុវត្ថិភាពផ្ទាល់ខ្លួនរាល់ពេលដែលមេឃភ្លៀងខ្លាំងម្តងៗ សូមមេត្តាកុំឈប់ ឬចតនៅក្រោមដើមឈើធំៗ ដែលអាចងាយនឹងរងគ្រោះពីការរលំ និងបាក់មែកឈើ៕
អត្ថបទ ៖ ម៉េង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS