បេឡាជាតិសន្តិសុខសង្គម ជ្រើសរើសអ្នកជំនាញការ ២០រូប ចូលបម្រើការងារនៅស្នាក់ការកណ្តាល ប.ស.ស

បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ ត្រូវការជ្រើសរើសអ្នកជំនាញការសរុបចំនួន ២០នាក់ ឱ្យចូលបម្រើការងារនៅស្នាក់ការកណ្ដាល ប.ស.ស.។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជ្រើរើសនេះ សម្រាប់តួនាទី ដូចជា អ្នកជំនាញអភិវឌ្ឍកម្មវិធីគេហទំព័រជាន់ខ្ពស់ (Senior Frontend Developer) ចំនួន ៣នាក់, អ្នកអភិវឌ្ឍកម្មវិធីផ្នែកខាងក្រោយជាន់ខ្ពស់ (Senior Backend Developer) ចំនួន ៣នាក់, អ្នកអភិវឌ្ឍកម្មវិធីទូរសព្ទឆ្លាតវៃ (Smart phone) ២នាក់, អ្នកគ្រប់គ្រងកម្មវិធីផ្នែកអភិវឌ្ឍកម្មវិធី (Project Manager) ចំនួន ២នាក់, អ្នករចនាសម្ព័ន្ធទិន្នន័យ និងវិស្វករទិន្នន័យ (Data Architecture & Data Engineer) ចំនួន ៣នាក់, អ្នកជំនាញវិភាគទិន្នន័យ ទស្សនីយកម្មទិន្នន័យ (Data Analytics & Visualization) ចំនួន ២នាក់, អ្នកជំនាញវាយតម្លៃហិរញ្ញវត្ថុ (Actuarial Valuation) ចំនួន ៣នាក់, គណនេយ្យករជំនាញ (CPA)/ត្រួតពិនិត្យផ្ទៃក្នុង (Internal Control)/សវនកម្មផ្ទៃក្នុង (Internal Audit) ចំនួន ១នាក់, អ្នកវិភាគហិរញ្ញវត្ថុជំនាញ(CFA)/អ្នកវិភាគការវិនិយោគ(Investment Analyst)/អ្នកគ្រប់គ្រង វិនិយោគ (Investment Manager) ចំនួន ១នាក់។

លក្ខខណ្ឌរួមនៃការជ្រើសរើស ត្រូវមានសញ្ញាតិខ្មែរ គោរពក្រមសីលធម៌វិជ្ជាជីវៈ និងពុំធ្លាប់ជាប់ទោសពីបទឧក្រិដ្ឋ ឬមជ្ឈិម និងមិនស្ថិតនៅក្នុងក្របខ័ណ្ឌជាមន្ត្រីរាជការ។ ឯកសារត្រូវភ្ជាប់ សេចក្តីថតចម្លងសញ្ញាបត្រជំនាញ (មានការបញ្ជាក់ពីអាជ្ញាធរដែនដី) ចំនួន ១ច្បាប់, អត្តសញ្ញាណប័ណ្ណសញ្ជាតិខ្មែរ (មានការបញ្ជាក់ពីអាជ្ញាធរដែនដី) ចំនួន ១ច្បាប់, លិខិតបញ្ជាក់ពីបទពិសោធន៍ការងារ ចំនួន ១ច្បាប់។

បេក្ខជន-បេក្ខនារី ដែលមានបំណងចង់ដាក់ពាក្យស្នើសុំចុះឈ្មោះប្រឡងចូលបម្រើការងារ សូមធ្វើការដាក់ ពាក្យស្នើសុំដោយភ្ជាប់ជាមួយនូវ Cover Letter និង CV តាមរយៈសារអេឡិចត្រូនិច [email protected] ចាប់ពីថ្ងៃជូនដំណឹង រហូតដល់ថ្ងៃទី១៦ ខែកញ្ញា ឆ្នាំ២០២៥ វេលាម៉ោង ១៦:០០នាទី៕