នយោបាយ
សម្តេចតេជោ ហ៊ុន សែន ៖ «បញ្ហានៅមីយ៉ាន់ម៉ា កម្ពុជា ធ្វើក៏ខុស មិនធ្វើក៏ខុស ដូច្នេះ ខ្ញុំត្រូវតែធ្វើ ជាជាងនៅស្ងៀម»
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានលើកឡើងថា ចំពោះបញ្ហានៅមីយ៉ាន់ម៉ា កម្ពុជា ក្នុងនាមប្រធានអាស៊ានធ្វើក៏ខុស មិនធ្វើក៏ខុស ដូច្នេះ សម្តេចត្រូវតែធ្វើជាជាងនៅស្ងៀម ពីព្រោះអ្វីដែលទទួលបានកន្លងមកនេះ លើសពីការរំពឹងទុក។ សម្តេចតេជោ លើកឡើងបែបនេះ នៅក្នុងពិធីសម្ពោធដាក់ឱ្យប្រើប្រាស់កំណាត់ផ្លូវជាតិលេខ៥ បាត់ដំបង-សេរីសោភ័ណ នៅព្រឹកថ្ងៃចន្ទ ថ្ងៃទី១០ ខែមករា ឆ្នាំ២០២២នេះ។
ដោយផ្តើមចេញពីការអំពាវនាវឲ្យដៃគូនៅក្នុងអាស៊ានមានការយោគយល់ដល់កម្ពុជាក្នុងនាមប្រធានអាស៊ាន ដើម្បីអាចបំពេញតួនាទីរបស់ខ្លួននៅឆ្នាំ២០២២ សម្ដេចតេជោ ហ៊ុន សែន បានបញ្ជាក់ថា៖ «ខ្ញុំកំពុងឋិតនៅក្នុងភាពលំបាក ធ្វើក៏ខុសមិនធ្វើក៏ខុសខុស ក៏ប៉ុន្តែឥឡូវខ្ញុំសម្រេចចិត្តធ្វើអ្វីដែលខ្ញុំទទួលបានលើសពីអ្វីដែលខ្ញុំចង់បាន»។ សម្តេច បានអះអាងថា ពីដំបូង កម្ពុជា គ្រាន់តែចង់បាននូវបទឈប់បាញ់តែប៉ុណ្ណោះ ប៉ុន្តែមិននឹកស្មានថា គាត់បានផ្ដល់ឱកាសឱ្យប្រេសិតពិសេសរបស់ប្រធានអាស៊ាន ស្ដីពីបញ្ហាមីយ៉ាន់ម៉ា ពិភាក្សាជាមួយកម្លាំងប្រដាប់អាវុធដទៃទៀត ដើម្បីដំណើរការបទឈប់បាននេះ។ ដូច្នេះ នេះ គឺជាចំណុចមួយដ៏ល្អ។
ជាមួយគ្នានេះ សម្តេចតេជោ បានផ្តាំថា ៖ «កុំភ្លេចឲ្យសោះ តែកាលណាបាញ់គ្នាហើយ គ្មានធ្វើអ្វីកើតទេ កុំនិយាយដល់សិទ្ធិមនុស្ស កុំនិយាយដល់ប្រជាធិបតេយ្យ កុំនិយាយដល់សេរីភាពបញ្ចេញមតិ បើយើងបាញ់គេ គេបាញ់យើង បើយើងមិនងាប់ គេងាប់តែប៉ុណ្ណឹង។ ផ្ដល់ជំនួយមនុស្សធម៌ឲ្យមនុស្សរស់រានមានជីវិតសិន ចាំនិយាយគ្នាទៀត រួចហើយចាំដំណើរការទៅទាំងអស់តែម្ដង”។
សម្ដេច ក៏ធ្លាប់បានបញ្ជាក់ហើយថា អ្នកណាប្រឆាំងជាមួយបទឈប់បាញ់ ដែលនាំឲ្យមានមនុស្សស្លាប់ និងរបួសដោយសង្រ្គាម អ្នកណាប្រឆាំង នឹងការផ្ដល់ជំនួយមនុស្សធម៌មានន័យថា ចង់ឱ្យមនុស្សស្លាប់ ចង់ឲ្យមនុស្សអត់បាយ ចង់ឱ្យមនុស្សស្លាប់ដោយគ្មានថ្នាំសង្កូវ គ្មានវ៉ាក់សាំង ដើម្បីការពារកូវីដ១៩ មានន័យថា អ្នកនោះ ចង់ឲ្យសង្គ្រាមផ្ទុះឡើង ចង់ឲ្យមានមនុស្សស្លាប់ និងរបួស ។ អ្នកប្រឆាំងនឹងការផ្ដល់ជំនួយ អ្នកនោះ គឺចង់ឲ្យមនុស្សស្លាប់ដោយអត់ថ្នាំពេទ្យ ស្លាប់ដោយអត់វ៉ាក់សាំង។
ថ្លែងលើបញ្ហាមីយ៉ាន់ម៉ានេះ សម្ដេចតេជោនាយករដ្ឋមន្រ្តី ក៏ចង់អញ្ជើញប្រធានមូលនិធិជប៉ុន ដែលនឹងមកជួបសម្ដេច នាថ្ងៃទី៣១ ខែមករា ខាងមុខ ដើម្បីធ្វើជាទីប្រឹក្សាប្រធានអាស៊ានលើបញ្ហាមីយ៉ាន់ម៉ា ដើម្បីជួយសម្របសម្រួល ពីព្រោះគាត់ស្គាល់ស្ទើរគ្រប់ភាគីនៅមីយ៉ាន់ម៉ា ហើយគាត់បានទៅមីយ៉ាន់ម៉ាចំនួន១៣១លើក។ ដូចនេះ សម្តេចសង្ឃឹមថា ប្រជាពលរដ្ឋនឹងយល់អំពីដំណើរការនៅមីយ៉ាន់ម៉ា ពីព្រោះវាមិនអាចចប់ត្រឹមសេចក្តីប្រកាស២ទំព័រនោះទេ។
សូមបញ្ជាក់ថា បញ្ហានៅមីយ៉ាន់ម៉ា ជាបញ្ហារសើប ដែលអាស៊ានក៏ដូចជាពិភពលោកកំពុងចាប់អារម្មណ៏ ប៉ុន្តែ កម្ពុជាក្នុងនាមប្រធានអាស៊ាន បានបង្ហាញភាពក្លាហាន និងការទទួលខុសត្រូវ ដោយលូកដៃចូលក្នុងក្របខណ្ឌអាស៊ាន ដើម្បីជួយដោះស្រាយ ដោយផ្អែកលើបទពិសោធន៏ដែលខ្លួនជួបប្រទះពីអតីតកាល៕
អត្ថបទ ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល