នយោបាយ
ប្រមុខការទូតកម្ពុជាថា មិនចង់ឃើញមីយ៉ាន់ម៉ាដើរជាន់«ដានចាស់កម្ពុជា»កាលពីអតីតកាលឡើយ
នឹកភ្នកគិតដល់អតីតកាលដែលកើតឡើងនៅក្នុងប្រទេសកម្ពុជា លោក ប្រាក់ សុខុន រដ្ឋមន្រ្តីការបរទេស និងជាប្រេសិតពិសេសរបស់ប្រធានអាស៊ាន បានបង្ហាញអារម្មណ៍ស្រងេះស្រងោចចំពោះប្រទេស និងប្រជាជនមីយ៉ាន់ម៉ា។ លោកបានពោលពាក្យថា មិនចង់ឃើញមីម៉ាន់ម៉ាដើរជាន់«ដានចាស់កម្ពុជា»ក្នុងអតីតកាលឡើយ ពោល គឺលោកសង្ឃឹមថា ប្រជាជនមីយ៉ាន់ម៉ា នឹងមិនជួបវាសនាដូចគ្នានេះទេ។
តាមរយៈទំព័រហ្វេសប៊ុកកាលពីយប់ថ្ងៃពុធ លោក ប្រាក់ សុខុន បានសរសេរថា៖ «មុនពេលខ្ញុំត្រៀមចេញដំណើរទៅកាន់ទីក្រុងភ្នំពេញវិញនៅព្រឹកនេះ ខណៈដែលកំពុងឈរមើលផ្ទៃបឹងអ៊ីនយ៉ាដ៏ស្អាតហើយស្ងប់ស្ងាត់ក្នុងទីក្រុងយ៉ាងហ្គូន ខ្ញុំបានពិចារណាពីដំណើរទស្សនកិច្ចការងាររបស់ខ្ញុំនៅប្រទេសមីយ៉ាន់ម៉ា ក្នុងនាមជាប្រេសិតពិសេសរបស់ប្រធានអាស៊ាន។ ស្របពេលនោះដែរ ខ្ញុំក៏បាននឹកឃើញពីអតីតកាលដ៏ជូរចត់របស់ប្រទេសកម្ពុជា ដែលត្រូវបានបំផ្លិចបំផ្លាញដោយសង្រ្គាម និងអំពើហឹង្សា។ ហើយខ្ញុំសង្ឃឹមថា ប្រជាជនមីយ៉ាន់ម៉ានឹងមិនជួបវាសនាដូចគ្នានេះទេ»។
លោក ប្រាក់ សុខុន ប្រេសិតពិសេសរបស់ប្រធានអាស៊ានស្តីពីបញ្ហាមីយ៉ាន់ម៉ា បានវិលមកដល់ប្រទេសកម្ពុជាវិញកាលពីព្រឹកថ្ងៃពុធ ម្សិលមិញ បន្ទាប់ពីធ្វើទស្សនកិច្ចរយៈពេល២ថ្ងៃនៅក្នុងប្រទេសមីយ៉ាន់ម៉ា។ តាមរយៈទំព័រហ្វេសប៊ុកដដែល លោកប្រមុខការទូតកម្ពុជា បានអះអាងថា គោលបំណងស្នូលរបស់អាស៊ាន គឺនៅដដែល ដោយជំរុញការអនុវត្តការព្រមព្រៀងជាឯកច្ឆន្ទប្រាំចំណុចរបស់អាស៊ាន។ ក្នុងអំឡុងពេលពីរថ្ងៃនៅមីយ៉ាន់ម៉ា លោក ប្រាក់ សុខុន មានកម្មវិធីដែលគ្រោងទុកជាង១០ ដោយលោកបានជួប ស្តាប់ និងបញ្ចេញមតិ ជាមួយតួអង្គសំខាន់ៗមួយចំនួនក្នុងការកសាងសន្តិភាពនៅមីយ៉ាន់ម៉ា។
លោក ប្រាក់ សុខុន បានគូសបញ្ជាក់ថា៖ «យើងបានដឹងច្បាស់ហើយថា កាលវិភាគដ៏ចង្អៀតនៃដំណើរទស្សនកិច្ចនេះ នឹងមិនអនុញ្ញាតឱ្យយើងជួបជាមួយភាគីពាក់ព័ន្ធទាំងអស់នោះទេ ប៉ុន្តែយើងនៅតែសង្ឃឹមថា នឹងអាចជួបភាគីផ្សេងៗជាច្រើនទៀត ក្នុងអំឡុងពេលទស្សនកិច្ចនាពេលខាងមុខក្នុងឆ្នាំនេះ»។
យ៉ាងណាក៏ដោយ ក្នុងនាមតំណាងឲ្យប្រធានអាស៊ាន លោក ប្រាក់ សុខុន បានថ្លែងអំណរគុណដល់ភាគីទាំងអស់ដែលចូលរួមចំណែកធ្វើឱ្យទស្សនកិច្ចនេះ បានប្រព្រឹត្តទៅដោយរលូន។ លោកបន្តថា ប្រាកដណាស់ នេះ គឺជាជំហានមួយទៀតឆ្ពោះទៅមុខ ហើយលោកប្តេជ្ញាថា នឹងបោះជំហានបន្តបន្ទាប់ទៀតតាមដែលអាចធ្វើទៅបានក្នុងនាមជាប្រេសិតពិសេស និងជាពលរដ្ឋម្នាក់នៅក្នុងគ្រួសារអាស៊ាន។ ជាមួយនឹងភាពអត់ធ្មត់ និងការតស៊ូព្យាយាម «យើងនឹងទទួលបានជោគជ័យរួមគ្នា»៕
ដោយ ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)