ដំណាំបន្ទាប់បន្សំទាំងដំណាំរយៈ​ពេលខ្លី និងរយៈពេលវែងនៅតាមដីលំនៅឋាន​របស់ប្រជាពលរដ្ឋ​​នៅតាមបណ្តាស្រុកមួយចំនួន​ពិតជាអាចដោះស្រាយជីវភាពក្នុងគ្រួសារប្រចាំថ្ងៃដោយរលូន​ជាមួយនឹង​ការសិក្សា​របស់​កូនៗរបស់ប្រជាពលរដ្ឋនៅខេត្តបាត់ដំបងបាន។

​​​ប្រជាពលរដ្ឋក្នុងស្រុកឯកភ្នំ​នៅជាប់ដែន​បឹង​ទន្លេសាបក្នុងភូមិសាស្ត្រខេត្តបាត់ដំបងក្នុងឆ្នាំ ២០២២នេះឯណោះវិញ តាមបណ្តាភូមិនិមួយៗកម្ររនិងឃើញមានដីភូមិទុកចោលនោះទេបើទោះបីដីលំនៅដ្ឋាននោះម្ចាស់មានមុខរបរនៅតាមទីផ្សារខ្លះក៏ដោយចុះ​នៅលើទំហំដីសេសសល់ពិតជា​សំបូរទៅដោយ​ដំណាំ​ផ្សេងៗ​ជាលក្ខណៈគ្រួសារដើម្បីដោះស្រាយជីវភាពប្រចាំថ្ងៃ​បានតាមរយៈ​ការកាត់បន្ថយថវិកា​ដែល​ត្រូចំណាយទិញពីទីផ្សារជាដើម។

ត្រង់ចំណុចនេះកសិករឈ្មោះ ស៊ួ សឺន រស់នៅ ភូមិស្នោ ឃុំខ្ពប ស្រុកឯកភ្នំ បានលើកឡើងថា ក្រៅពីអាជីពបច្ចុប្បន្ន នៅលើដីលំនៅដ្ឋានរបស់លោកដែលនៅសេសសល់ លោកបានដាំដំណាំ សាកវប្បកម្ម ដូចជា ផ្លែ ស្លឹក មើម ជាដើម ហើយវាពិតជាបានផ្តល់ប្រយោជន៍​ប្រចាំថ្ងៃបាន​នៅពេល​ដែលវាបានហុចផលដូចជាផ្លែក្រូចឆ្មាជាដើម។

លោក បន្តថា ដំណាំទាំងនេះលោកបាន អនុវត្តដាំពី​ពាក់កណ្តាលឆ្នាំ២០២១ រហូតដល់ឆ្នាំនេះលោកពិតជាទទួលស្គាល់ថា ការបំផុ សគំនិតដល់​ប្រជាពល​រដ្ឋឲ្យដាំដំណាំក្នុងដីភូមិឲ្យបានគ្រប់គ្នាពីសំណាក់លោកអភិបាលខេត្ត សុខ លូ ពិតជា​មានផល ប្រយោជន៍ជួយស្រោចស្រង់សេដ្ឋកិច្ចគ្រួសាររបស់ពលរដ្ឋគ្រប់រូបយ៉ាងពិតប្រាកដម៉ែន។

នូវខណ:ដែលគ្រួសាររបស់លោកបានបេះយកទៅលក់នៅទីផ្សារហើយបង្វែថវិកានោះមកទិញម្ហូបជាសាច់ដែលក្រុមគ្រួសារលោកចង់បរិភោគវិញហើយមិនប៉ះពាល់ថវិកាក្នុងគ្រួសារនោះទេគ្រាន់តែលោកចំណាពេលដើរបេះក្នុងដីភូមិប៉ុណ្ណោះ។

លោកបន្តថា ក្រៅពីដំណាំឆ្លងកាត់បន្ទាប់បន្សំលោកក៏បានដាក់ចិញ្ចឹមមាន់ទាបន្តិចបន្តួចដែរសម្រាប់ដោះស្រាយជាម្ហូបក្នុងគ្រួសារដោយមិនចាំបាច់ចំណាយលុយទិញពីទីផ្សារហើយក៏បានលក់ឲ្យអ្នកភូមិដូចគ្នាបានថវិការខ្លះៗដែរសម្រាប់ដោះស្រាយកូនរៀនឲ្យបានចប់ចុងចប់ដើមដោយមិនជួបផលលំបាកខ្លាំងពេកទេចំពោះសេដ្ឋកិច្ចគ្រួសារប្រចាំថ្ងៃ។

ស្រដៀងគ្នានេះដែរក្រៅពីដំណាំក្នុងភូមិលំនៅដ្ឋានលោក ឈឿន ថុល អាយុ ៤២ ឆ្នាំ រស់នៅក្នុង​ភូមិ ឃុំ ជាមួយគ្នាខាងលើបានប្រាប់ថា ក្រោយពីលោកបានចាប់យក​បន្ថែមមុខ​របរ ២ ប្រភេទថែមទៀតក្រៅពីដំណាំដែលមាន​នៅលើ​ដីលំនៅដ្ឋានដែលមានស្រាប់ក្រុមគ្រួសារលោកហាក់មិនលំបាកដូចកាលគ្រាមុននោះទេ។

លោកបន្តថា ដំណាំពីរប្រភេទដែលលោកបានដាំគឺ ត្រប់ និងតាសក់ដែល​ជាដំណាំ​បន្លែឆ្លង​កាត់ដែលចំណាយទុន ដំបូងច្រើនបន្តិចហើយក្រោយមកប្រើទុន​តិចតូចតែបានចំណេញច្រើនដូច​ជាពូជគ្រាប់ត្រសក់លោកចំណាយតែជាង២០ ម៉ឺនរៀលប៉ុណ្ណោះលើផ្ទៃដីជាង២រ៉ៃ។ ដែលការដាំរបស់លោកគឺប្រើតែជីអាចម៌គោសុទ្ធមិនមានប្រើជីគីមីនោះទេរួមនិងថ្នាំសម្រាប់បាញ់សម្លាប់សត្វល្អិតផងក៏ត្រូវតែជាល្បាយធម្មជាតិដែរដើម្បីសុខភាពមនុស្សក្នុងភូមិស្រុកដែលនិយមមកទិញបន្លែរបស់លោក។

កសិកររូបនេះបន្តថា លោកពិតជាគាំទ្រប្រសាសន៌លោកអភិបាលខេត្ត សុខ លូ កន្លងមកលោកបាន​បំផុស​ឲ្យប្រជា ពលរដ្ឋកុំទុកដីភូមិទំនេរចោល ត្រូវកែច្នៃដាំដំណាំដូចជា ផ្លែ ស្លឹក មើម ជាដើម ព្រោះវានឹង​បានកាត់បន្ថយការចំណាយ ថវិកាបានយ៉ាងប្រសើរដើម្បីបន្តរលើក​កម្ពស់សេដ្ឋកិច្ច​គ្រួសារ​បានទាំងអស់គ្នាក្នុងការរស់នៅក្នុងកាលៈទេសៈសមរម្យនាថ្ងៃខាងមុខ។

លោក ហេង សិដ្ឋ ផ្នែកផែនការស្ថិតិ កសិកម្មខេត្ត បានឲ្យដឹងថា លោកពិតជាគាំទ្រ​ទាំងស្រុងចំពោះ​ការបំផុសគំនិតដល់ ប្រជាពលរដ្ឋ របស់លោកអភិបាលខេត្តខណៈដំណាំសាកវប្បកម្ម រយៈពេលខ្លី​បានធ្លាក់ចុះតាំងពីឆ្នាំ២០២០នៅតាមបណ្តា ស្រុកមួយចំនួនក្នុងចំណោមស្រុកទាំង ១៤​ ទូទាំងខេត្ត​មានផ្ទៃដីសរុបត្រឹមតែ ៣៤៧ហិកតាបើធៀបនិងឆ្នាំ២០២១​មាន៤៦២​ហិកតា។

ខណៈលោកថា ឆ្នាំ២០២២នេះនិងកើនឡើងជាបន្តបន្ទាប់ទៀតតែគិតត្រឹមកម្ពុជាថ្មីចុះផ្សាយនេះនៅមិនទាន់ដឹងចំនួនផ្ទៃដីសរុបនៅឡើយ៕

អត្ថបទ៖ សៅ សារិទ្ធ