អាជីព

មិនអាចធ្វើការរហូតដល់ចូលជរាទេ អាចចាប់ផ្ដើមរៀនពីការរកស៊ីពីថ្ងៃនេះទៅ

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

សាង ស្រីល័ក្ខ

ចង់ចាប់ផ្ដើមអាជីវកម្មរបស់អ្នក គួររកវិធីសិក្សាអំពីភាពជាសហគ្រិននៅថ្ងៃនេះតែម្តង ដូចជាអាចសាកគិតលើមេរៀនធំៗទាំង៥នេះ៖

មេរៀនទីមួយ ភាពជាសហគ្រិន

កំណត់ថា តើអ្នកនិងគំនិតអាជីវកម្មរបស់អ្នក នឹងអាចល្អដែរទេនៅលើទីផ្សារបច្ចុប្បន្ននេះ។ ស្វែងយល់ពីវិធីស្រាវជ្រាវទីផ្សាររបស់អ្នក ស្វែងយល់ពីអ្វីដែលអ្នកចង់ផ្តល់ជូន នៅក្នុងទីផ្សារ ចម្រាញ់អាជីវកម្មរបស់អ្នកដោយការចេះមានគំនិតបង្កើតម៉ាកសញ្ញា(យីហោ) និងផែនការជុំរុញបែបណា ឲ្យអាចក្លាយទៅជាអាជីវកម្មមួយដ៏រឹងមាំទៅអនាគតបាន។

មេរៀនទី ២ ការកសាងអាជីវកម្ម

ស្វែងយល់ពីគុណសម្បត្តិនិងគុណវិបត្តិនៃការចាប់ផ្តើមអាជីវកម្ម ដែលទាក់ទិននឹងបញ្ហាច្បាប់ដែលអ្នកចាំបាច់ត្រូវដឹងច្បាស់ចិន។ រៀនពីអ្វីៗទាំងអស់ចាប់ពីការជ្រើសរើសមនុស្ស ដៃគូ ទីផ្សារ ផលិតផល រចនាសម្ព័ន្ធសាជីវកម្មរហូតដល់ទទួលបានមេធាវីអាជីព និងគណនេយ្យករដែលមានសមត្ថភាពពិតៗអាចរំពឹងបាន។

មេរៀនទីបី ធានាភាពរឹងមាំផ្នែកហិរញ្ញវត្ថុ

រៀនពីវិធីប្រមែប្រមូលបានធនធានហិរញ្ញវត្ថុនៅពេលចាប់ផ្តើមអាជីវកម្ម ចាប់ពីការចាប់ផ្តើមអាជីវកម្មរហូតដល់ខ្ចីប្រាក់បន្ថែម ឬស្វែងរកវិនិយោគិនចូលរួម។

មេរៀនទី៤ រៀបចំប្រតិបត្តិការ

ស្វែងយល់ពីបច្ចេកវិទ្យាដែលល្អបំផុតដើម្បីជួយដល់ដំណើរការអាជីវកម្មគឺមិននិយាយតែមាត់បានទេ ត្រូវការសិក្សា។ ស្វែងយល់ពីកម្មវិធីឧបករណ៍និងវេទិកាណាមួយ ដែលល្អបំផុតសម្រាប់ធ្វើឲ្យអ្នកអាចភ្ជាប់ទំនាក់ទំនងជាមួយក្រុមណាមួយធំ និងទទួលបានទិន្នន័យគ្រប់គ្រងសារពើភ័ណ្ឌក៏ដូចជាជួលមនុស្សដែលត្រឹមត្រូវ។

មេរៀនទី៥ លើកកម្ពស់ផ្នែកទីផ្សារនិងផ្នែកលក់

ស្វែងយល់ពីវិធីផ្សព្វផ្សាយដល់ទស្សនិកជនគោលដៅរបស់អ្នកតាមវិធីច្នៃប្រឌិតនិងប្រសិទ្ធភាពរហ័សបំផុត បន្ទាប់មករៀបចំផ្នែកសេវាកម្បបម្រើអតិថិជន។

ផ្នែកទំាង៥នេះមិនមានមួយណាដែលអាចរំលងបានពិតមែន តែក៏មិនមែនមានន័យថាត្រូវតែពូកែទាំងអស់នោះដែរ។ អ្នកអាចរកមនុស្សដែលមានសមត្ថភាពខុសគ្នាមកផ្សំជួយគ្នា ជាដៃគូជាភាគហ៊ុន ឬជាបុគ្គលិក។ អ្វីដែលចាំបាច់គឺអ្នកត្រូវយល់សិនអំពីភាពសំខាន់នៃចំណេះដឹងទាំងប្រាំខាងលើមុនពេលអាចចាប់ផ្ដើមរកស៊ីអ្វីមួយ៕

ប្រែសម្រួល៖ សុភា
ប្រភព៖ entrepreneur