សន្តិសុខសង្គម
សមត្ថកិច្ចបំភ្លឺ ករណីអ្នកលេងហ្វេសប៊ុកម្នាក់ បង្ហោះរូបភាពមួយផ្នែក នៃការសហការអនុវត្តរឹតបន្តឹង ច្បាប់ចរាចរណ៍
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ នៅថ្ងៃទី១២ ខែវិច្ឆិកា ឆ្នាំ២០២១ បានចេញសេចក្ដីបកស្រាយបំភ្លឺ និងបដិសេធទាក់ទងទៅនឹង គណនីហ្វេសប៊ុកមួយឈ្មោះថា Somaly Keo បានយករូបភាពតែមួយផ្នែក នៃការចូលរួមសហការអនុវត្តរឹតបន្តឹង ច្បាប់ចរាចរណ៍ផ្លូវគោករបស់មន្ត្រីអន្តរាគមន៍ មកផុស ដោយមានចេតនាអាក្រក់ធ្វើឲ្យប្រជាពលរដ្ឋទូទៅ មានការយល់ច្រឡំ ជាពិសេសក្នុងគោលបំណងអាក្រក់ដើម្បីបង្ខូចកិត្តិយសដល់មន្ត្រីអនុវត្តច្បាប់។
ស្នងការដ្ឋាននគរបាលរាជធានីភ្នំពេញ បានបញ្ជាក់ថា តាមពិតជាក់ស្តែងកាលពីថ្ងៃទី ៨ ខែវិច្ឆិកា ឆ្នាំ ២០២១ វេលាម៉ោងប្រហែល ៩ព្រឹក កម្លាំងចម្រុះនៃអធិការដ្ឋាននគរបាលខណ្ឌទួលគោក រួមមាន៖ ផ្នែកសណ្តាប់ធ្នាប់ ផ្នែកចរាចរណ៍ និងកម្លាំងអន្តរាគមន៍ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក នៅចំណុចផ្លូវលេខ ៥៩២ កែងផ្លូវលេខ ៣០៧ ស្ថិតនៅក្នុងមូលដ្ឋានសង្កាត់បឹងកក់ទី ២ ខណ្ឌទួលគោក រាជធានីភ្នំពេញ។
ក្នុងពេលអនុវត្តនោះ មានអ្នកបើកបរមួយចំនួន បានប្រព្រឹត្តអំពើល្មើសចរាចរណ៍ផ្លូវគោក ដូចជា៖ ការបើកបរមិនពាក់ខ្សែក្រវ៉ាត់, ប្រើទូរស័ព្ទក្នុងពេលបើកបរ, និងជិះម៉ូតូគ្មានពាក់ស្លាកលេខ ហើយមន្រ្តីនគរបាលចរាចរណ៍ បានចេញឃាត់ តែពួកគាត់មិនឈប់ ទើបកម្លាំងផ្នែកអន្តរាគមន៍ នៅគោលដៅខាងមុខ ចេញមកជួយស្ទាក់ឃាត់ និង ណែនាំពួកគាត់ឲ្យទៅជួប ជាមួយផ្នែកជំនាញចរាចរណ៍ ដើម្បីធ្វើការផាកពិន័យតាមច្បាប់។
ស្នងការដ្ឋាននគរបាលរាជធានីភ្នំពេញ បានបញ្ជាក់បន្ថែមថា សមត្ថកិច្ចជំនាញកំពុងតែស្រាវជ្រាវ រកជនដែលយករូបភាពតែមួយផ្នែក មកផុសធ្វើឲ្យប្រជាពលរដ្ឋមានការយល់ច្រឡំ ជាពិសេសធ្វើឲ្យប៉ះពាល់ដល់កិត្តិយស របស់មន្ត្រីអនុវត្តច្បាប់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ