សន្តិសុខសង្គម
រយៈពេលជាង ២ ខែ រថយន្តអត់ពន្ធទាំងចង្កូតឆ្វេង និងស្តាំជ្រកក្រោមស្លាកលេខផ្សេងៗ ១,៦៤០ គ្រឿងបានចូលបង់ពន្ធ
មានម្ចាស់រថយន្តអត់ពន្ធទាំងចង្កូតឆ្វេង និងស្តាំជ្រកក្រោមស្លាកលេខផ្សេងៗចំនួន ១,៦៤០ គ្រឿងហើយ បាននាំយករថយន្តរបស់ខ្លួនមកបង់ពន្ធ(ចង្កួតឆ្វេង)និងតម្កល់ប្រាក់កក់បង់ពន្ធ(ចង្កូតស្តាំ) ដែលមានទឹកប្រាក់ពន្ធចំនួន ១៧.៣ លានដុល្លារអាមេរិក។ ក៏ប៉ុន្តែចំនួននេះ នៅតិចតួចនៅឡើយ បើធៀបតាមការប៉ាន់ស្មានរបស់អគ្គនាយកនៃអគ្គនាយកដ្ឋានគយ និងរដ្ឋាករកម្ពុជារថយន្តចង្កូតឆ្វេង និងចង្កូតស្តាំ ដែលគ្មានពន្ធនៅកម្ពុជាមានប្រមាណជិត១ម៉ឺនគ្រឿង។
ការបញ្ជាក់របស់លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាធ្វើឡើងក្នុងសន្និសីទសារព័ត៌មានស្តីពីវឌ្ឍនភាព នៃការអនុវត្តការប្រមូលពន្ធនាំចូលលើយានយន្តគ្មានពន្ធ ដែលមានស្រាប់នៅព្រឹកថ្ងៃទី ២៦ ខែវិច្ឆិកា ឆ្នាំ ២០២១ នេះ តាមរយៈប្រព័ន្ធវីដេអូ។
លោក គុណ ញឹម បានលើកឡើងថា៖«គិតតាំងពីថ្ងៃទី ៩ ខែកញ្ញា ឆ្នាំ ២០២១ ពេលដែលអគ្គនាយដ្ឋានគយជូនដំណឹងឲ្យរថយន្តគ្មានពន្ធចូលមកបង់ពន្ធរហូតមកដល់ថ្ងៃទី ២៥ ខែវិច្ឆិកា ឆ្នាំ ២០២១ ដែលមានរយៈពេល២ខែកន្លះតែបើកាត់ថ្ងៃឈប់សម្រាកនិងថ្ងៃបុណ្យមានរយៈពេល៦០ថ្ងៃមានម្ចាស់រថយន្តអត់ពន្ធជ្រកក្រោមស្លាកលេខផ្សេង ៗចំនួន១៦៤០គ្រឿងក្នុងនោះចង្កួតឆ្វេងចំនួន ៨០៨ គ្រឿងនិងរថយន្តចង្កូតស្តាំ ដែលបានមកបង់ប្រាក់កក់ (កែចង្កូតស្តាំទៅឆ្វេងទើបអនុញ្ញាតឲ្យបង់ពន្ធ)ចំនួន៨៣២គ្រឿង (៨៥គ្រឿងកែចង្កូតរួច)សរុបជាទឹកប្រាក់ពន្ធចំនួន ១៧.៣លានដុល្លារអាមេរិកជាតួលេខមួយល្អ»។
បើតាមលោក គុណ ញឹម តាមការប៉ាន់ស្មានរបស់អគ្គនាយកដ្ឋានគយ និងរដ្ឋាករកម្ពុជានៅកម្ពុជាមានរថយន្តចង្កូតឆ្វេងនិងចង្កូតស្តាំ ដែលជ្រកក្រោមស្លាកលេខផ្សេងៗដូចជា ស្លាកលេខ ខ.ម, ស្លាកលេខ រដ្ឋ ,ស្លាកលេខ ន.ប និង ប្រភេទស្លាកលេខស៊ីវិលទាំងរថយន្តទេសចរណ៍ រថយន្តដឹកទំនិញ រថយន្តដឹកដីអត់ពន្ធមានប្រមាណជិតមួយម៉ឺនគ្រឿង។
លោករដ្ឋមន្ត្រីប្រតិភូបានអំពាវនាវជាថ្មីឱ្យម្ចាស់រថយន្តចង្កូតឆ្វេង ដែលជ្រកក្រោមផ្លាកលេខផ្សេងៗគ្មានពន្ធមកបំពេញកាតព្វកិច្ចពន្ធឱ្យបានយ៉ាងយូរថ្ងៃទី ៣១ ខែធ្នូ ឆ្នាំ ២០២១ ដើម្បីទទួលបានការអនុគ្រោះបន្ធូរបន្ថយពន្ធនិងអាករចំនួន ១០%។ ចំណែករថយន្តចង្កូតស្តាំត្រូវមកប្រកាសបង់ពន្ធនិងកែចង្កូតពីស្តាំមកឆ្វេងឱ្យបានរួចរាល់យ៉ាងយូរត្រឹម ថ្ងៃទី៣០ ខែមិថុនា ឆ្នាំ២០២២ ៕
អត្ថបទ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ