សន្តិសុខសង្គម

បុរសម្នាក់បែកថ្នាំញៀន យកកាំបិតផ្គាក់អារក កូនស្រីរបស់ខ្លួនស្លាប់ រួចកាប់ខ្លួនឯងរងរបួសធ្ងន់

បានផុស

៤ years មុន

នៅ

ថ្ងៃចន្ទ ៣ មករា ២០២២

ដោយ

រតនគិរី ៖ នៅព្រឹកថ្ងៃទី៣ ខែមករា ឆ្នាំ២០២២ វេលាម៉ោង៨និង៣០នាទី មានករណីឃាតកម្មដ៏រន្ធត់មួយបានកើតឡើង គឺបុរសម្នាក់យកកាំបិតផ្គាក់អារក កូនខ្លួនឯងបណ្តាលឲ្យស្លាប់ភ្លាមៗ នៅនឹងកន្លែងកើតហេតុ នៅចំណុចផ្ទះរបស់ខ្លួន ស្ថិតនៅភូមិកាំផ្លិញ ឃុំល្បាំង១ ស្រុកលំផាត់ ខេត្តរតនគិរី។

តាមរបាយការណ៍របស់អធិការដ្ឋាននគរបាលស្រុកលំផាត់បានឲ្យដឹងថា ក្មេងស្រីរងគ្រោះឈ្មោះ ឡុង កុសលស្រីវួយ អាយុ០១ឆ្នាំ៤ខែ ជនជាតិខ្មែរ ត្រូវបានជនបង្កជាឪពុកបង្កើត យកកាំបិតផ្គាក់អារក ដាច់ក្បាលចេញពីដងខ្លួន បណ្តាលឲ្យស្លាប់នៅនឹងកន្លែងកើតហេតុតែម្តង។

ជនបង្កមានឈ្មោះ ឡុង កុសល អាយុ៣៥ឆ្នាំ ជនជាតិខ្មែរ មុខរបរកម្មករ មានស្រុកកំណើតនៅខេត្តកំពង់ចាម មានទីលំនៅបច្ចុប្បន្ននៅភូមិ-ឃុំកើតហេតុខាងលើ។

ក្រោយពីធ្វើសកម្មភាពអារក ទៅលើកូនស្រីរួច ជនបង្កបានយកកាំបិត និងពូថៅកាប់មកលើខ្លួនឯងបណ្តាលឲ្យរបួសចំពីលើក្បាលធ្ងន់ធ្ងរ រួចស្រែកមិនឲ្យអ្នកណា ឬក៏សមត្ថកិច្ចចូលមកជិតខ្លួនឡើយ។

របាយការណ៍ក៏បានបញ្ជាក់ផងដែរថា មូលហេតុដែលបណ្តាលឲ្យមានអំពើឃាតកម្មខាងលើនេះ គឺបណ្ដាលមកពីជនបង្កបែកថ្នាំញៀន។

បច្ចុប្បន្ន សមត្ថកិច្ចបានធ្វើនីតិវិធីលួងលោម រហូតដល់វេលាម៉ោង១០ និង៣០នាទីព្រឹក ទើបធ្វើការចាប់ខ្លួនបាន និងយកទៅសង្គ្រោះព្យាបាលនៅមន្ទីរពេទ្យបង្អែកខេត្តរតនគិរី រួចចាត់ការបន្តតាមនីតិវិធីច្បាប់៕

ដោយ ៖ វុទ្ធឦសាន

Related Topics:បែកថ្នាំ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា